, ,'PHAGS PA THUGS RJE CHEN PO RAB TU SNANG MDZAD LA PHYAG 'TSAL LO, ,MA 'ONGS PA NA 'BYUNG BAR 'GYUR BA NGES PAR MI SHES PAS CI BYA GTOL MED PAR GYUR TE LDONGS PA RNAMS KYIS 'DIR BCOM LDAN 'DAS 'PHAGS PA THUGS RJE CHEN PO RAB TU SNANG MDZAD LA RE BA BSKYED LA, ZHAG GSUM MAM GNYIS SAM GCIG GI BAR DU YID LA BYED PA GCIG DANG MI 'BRAL BAS RIG PA BZLA ZHING SMYUNG BAR GNAS PAR BYA'O, ,TADYA TH'A, NA MA:SHR'I A'ARY'A BA LO KI TE SHVA R'A YA, BO DHI SATV'A YA, MA H'A K'A RU nI K'A YA, DARSHA DARSHA, PRA DARSHA PRA DARSHA, SARBA BUDDHA DZNY'A NA GARBHE TIshthA TIshthA MA MA SA PAn TVOshthA PRA DARSHA H'Um H'Um SV'A H'A, 'JIG RTEN MGON PO'I MCHOD RTEN LA, ,ME TOG DKAR PO SOGS BDUG BCAS, ,MCHOD PA MANG POS NYER MCHOD CING, ,PHYAG 'TSAL KUN TU BSKOR BAR BYA, ,LUS KYI 'DAB SKYES 'DAB BZHI LA, ,JI LTAR 'DOD PA'I DNGOS PO BZHI, ,MAN NGAG BZHIN
DU RI MOR DGOD, ,GE SAR RANG SEMS ME LONG NGO, ,DE NAS LHAG PA'I LHA DRAN PAS, ,SDIG PA LA SOGS PA BSAL NAS NI, ,'PHAGS PA'I ZHABS LA MGO GTUGS LA, ,SNANG BA GSAL POS SNYOMS PAR 'JUG ,SANGS RGYAS SRAS PO THUGS RJE CAN, ,KUN MKHYEN LUS CAN KUN DON BSGRUB, ,'OD LDAN YUL LA RTAGS SKUGS LTAR, ,DUS DRUG GZIGS DES MKHYEN PA 'JUG ,THO RANGS DGE SLONG DKAR PO DANG, ,PADMO'I RTAGS CAN BUD MED KYIS, ,'DOD PA'I DON GANG YOD PA DE, ,ME LONG NANG GI GZUGS LTAR STON, ,RMI LAM STON PA RDZOGS SO,,