, ,BCOM LDAN 'DAS THUGS RJE CHEN PO GRAGS PA'I RGYAL MTSAN CAN LA PHYAG 'TSAL LO, ,'DIR 'JIG RTEN PA MANG PO CHOS DANG LDAN PA'I DON BYA BA LA SBYAR BA'I PHYIR, RE ZHIG DAM TSIG CAN YON TAN TSUL NA GNAS PA'I CHE BA BSGRAGS PAS GNAS GANG DU SKYE BO 'DU BA'AM, MANG POS MTHONG BA DANG THOS PA'I SPYOD YUL DU GYUR PA ZHIG BCOS LA, RDO RJE THAB SBYOR LA SOGS PAS BGEGS BSAL ZHING DER KHANG BU BRTZEGS PA'I DKYIL 'KHOR RIM PA GNYIS PA GRONG KHYER PA DANG PHO BRANG PA MAN NGAG DANG LDAN PAS BRTZIG CING BRI BAR BYA'O, ,DE'I KHOR YUG LA SOGS PAR MCHOD PA THAMS CAD KYIS BRGYAN CING, BKRA SHIS KYI TSIGS SU BCAD PA KLOG PAS PHYOGS BZHIR SGRA SGROGS PAR BYAS LA, RNAL 'BYOR CAN BDAG DANG SKAL PA LHAG PA DANG MNYAM PA THAMS CAD LA RNAM PA THAMS CAD GUS PA'I CHED DU BRJOD PAS CHED DU BRJOD PA DANG, SKAL PA DMAN PA RNAMS LA SNYING RJE'I LCAGS KYUS ZIN PAS JI TZAM DON BYA BAR BZOD PA DE SRID 'BAD PAR BYA'O, ,
GANG PHYIR GRAGS PA MA YIN RGYUN, ,MI SNYAN BRJOD SOGS DON MIN PHYIR, ,MKHAS PA GRAGS PA BZANG SKYONG 'DOD, ,DES NI SDIG PA BSAL PHYIR 'BAD, ,GDUG PA'I DAG GI MTSON RNON POS, ,GZHAN GYI GRAGS PA GCOD BYED CING, ,TSE RABS KUN TU BDAG GI YANG, ,SNYAN PA MA YIN KUN SKYED PA'O, , MI GANG BDAG NYID SKYON BRJOD KYI, ,GZHAN GYI YON TAN MI 'PHYAR LA, ,NAM YANG NYES PAR SMRA MI BYED, ,DE NI GRAGS PA BZANG LDAN 'GYUR, ,STON PA LA SOGS GUD STON BYED, ,PHA ROL GRAGS PA NGAN SEL BRTZON, ,BDAG NYID SDIG PA SPONG LA MKHAS, ,GRAGS PA'I RGYAL MTSAN CHO GA BZHI, ,SDIG PA NYUNG DU DANG BSOD NAMS MANG PO CAN NI 'PHAGS PA DGYES PA'I GANG ZAG STE, GRAGS PA'I RGYAL MTSAN GYI TSOGS SNYAN PA MANG PO RNYED PAR RUNG NGO, ,DES NAM DU YANG KHONG KHRO BAS GZHAN SPYO BAR MI BYA'O, ,SLOB MA LOG PAR ZHUGS PA LA SOGS PA 'KHRUG PAS MI SNYAN PAR BRJOD PAS SLAR BZLOG PA NI MA YIN, DKYIL 'KHOR BRIS NAS RTZOD PA CAN GYI SKYES BU BSTEN PAR MI BYA'O, ,RTAG TU BYAMS PAS NON PA'I YID, ,'JAM ZHING YID 'BAB SNYAN SMRA DANG, ,KHA NA MA THO MED KUN SPYOD, ,RNAM ZHI LA GRAGS PA 'GRUB STE, ,DE LA 'DIR RTZA BA'I RIG PA SNGON DU BSNYEN PAS DBANG GYUR PA THOB PAR BYAS NAS GRONG KHYER BA'I DKYIL 'KHOR NI RANG NYID CI TZAM DU GRAGS PA BSGRAGS PAR 'DOD PA DE TZAM NYE BAR DGOD DO, ,PHO BRANG BA'I DKYIL 'KHOR NI 'KHOR LO'I RTZIBS BRGYAD PA PADMA 'DAB MA BRGYAD DANG LDAN PA SPRIN GYI PHUNG PO'I RUM PHRAG NA GNAS PA RGYUN MA CHAD PAR 'BRUG GI SGRA ZAB MO SGROGS PAS MDZES PA'O, ,GRAGS PA'I RGYAL MTSAN DBUS BZHUGS LA, ,SGRA LDAN BRGYAD KYIS DUD 'BUD BSKOR, ,PHYOGS GZUGS MTSAMS NI PHYED GZUGS MDOG ,'DAB BRGYAD LA GNAS LAS SGRUB BRTZON, ,DE BZHIN RTZIBS RIM DGA' BA DANG, ,MI PHAB DBYANGS BZANG NGA RO CHE, ,SNYAN PA'I TOG DANG KUN KHYAB BYED, ,YID GZHUNGS DON BSGRUB CES BYA BRGYAD, ,DKAR DANG DMAR SER LJANG DANG DMAR, ,DKAR DANG LJANG DANG SAR BAS TE, ,LHA YI RNGA CHEN BRDUNG BA DANG, ,SGRUB PA PO YI BSNGAGS PA BRJOD, ,G-YER KHA LA SOGS SNYAN PA'I SGRAS, ,GRONG KHYER LA NI SEMS BYED CING, ,PHO BRANG LHAN CIG 'BRUG SGRA YIS, ,MA LUS GRAGS PA SGROGS PAR BYED,,
, ,DE LTAR DKYIL 'KHOR SA BSKYED NAS, BDAG GI SMIN MTSAMS KYI HR'I: LAS 'OD PHYUNG BAS PO TA LA NAS GRAGS PA'I DKYIL 'KHOR SPYAN DRANGS TE, DE NYID BZHUGS PAS BYIN GYIS BRLAB PAR BYA'O, ,DE NAS PHRIN LAS LA SBYAR BAR BYA BA'I PHYIR SNGAGS BZLA BAR BYA STE, AOm A'A:HR'I:SARBA LO KA MA MA K'IRTI SPHA RA SPHA RA, GARDZA GARDZA, PRA K'A SA PRA K'A SA SA MA YA H'Um, JI SRID DAL BAR MA GYUR PAR, ,DKYIL 'KHOR RJES MTHUN DON GRUB BYED, ,RNAL 'BYOR LDAN PAS 'BAD BYAS MTHAR, ,MCHOD PAS MNYES BYAS GSHEGS SU GSOL, ,GRAGS PA BSKYED PA'I CHO GA RDZOGS SO,,