, ,THUGS RJE CHEN PO RNGA BO CHE SGRA DBYANGS RNAM PAR ROL PA LA PHYAG 'TSAL LO, ,RNGA CHEN GANG ZHIG TZANDAN SOGS SHING GLA RTZI GA PUR GUR GUM BYUGS, ,PHYOGS GNYIS DRANG SRONG RI DAGS MO PAGS 'BRUG SGRA GRAG DANG LHAN CIG G-YOGS,, PADMO DMAR DANG 'KHOR LO DKAR DBUS NGA RO CHE BCIBS RNGA CHEN BRDUNG, ,GRAGS CHEN DBANG PHYUG SGRA DBYANGS ROL PAS SA STENGS MA LUS RGYAL GYUR CIG ,DANG PO RE ZHIG RIG PA GOMS PAS MTHU THOB PA'AM, ,GANG YANG BSTAN LA DGRA BO RNAM PAR GNON PA NYID, ,DE BZHIN SNGAGS MYUR GRAGS PAS GRONG KHYER 'KHRUG 'DOD PA, ,DE DAG KUN YID SNYING RJE LDAN SBYAR CHO GA BRTZAM, ,'DAB CHAGS NGA RO CHEN PO'I LO, ,SKAR MA RGYAL LA BAB PA'AM, ,YANG NA DBYAR GYI SGRA SGROGS DUS, ,MKHAS PAS RNGA CHEN BCOS PAR BYA, ,TZANDAN SDONG BU DKAR DMAR RAM, ,SGRA SGROGS SHING DANG SNYAN PA'I 'DAB, ,SENG LDENG GLANG SNA BU 'BOD DANG, , TI TI RA SOGS RGYU YIN BRTAG ,NYI MA SHAR DANG ZLA BA SHAR, ,SROD KYI DUS LA BAB PA NA, ,GLA RTZI GA BUR GUR BUM BYUG ,RDO RJE KHROS PAS BGEGS TSAR BCAD, ,BYAMS PA'I NYI MA GANG LA BAB, ,KHRI SNYAN MO YI PAGS PA SBYANGS, ,NAM MKHA'I SGRA GSANG SGROGS PA NA, ,LHO RU KHA BLTAS G-YOGS PAR BYA, ,DE NAS DRI MCHOG DAM TSIG CAN, ,BDUD RTZI 'DZAG PAS LEGS BYUGS LA, ,DBANG THOB LHA BZO SKAD MTHON POS, ,SGRA DBYANGS MGON PO BRI BAR BYA, ,DBUS SU PADMO DMAR BZHI'I STENG, ,GZHON NU'I MDANGS RGOD NGA RO BCINGS, ,PHYAG GNYIS RIN CHEN RNGA CHEN BRDUNG, ,ZLA BA'I MDOG CAN BRJID PA'O, ,SHAR SOGS 'DAB BZHIR GRAGS CHEN DANG, ,'BRUG SGRA SNYAN PA'I DBYANGS CAN DANG, ,NGA RO MI BZAD GNOD SBYIN BZHI, ,PHYOGS KYI KHA DOG JI BZHIN GNAS, ,BRTZON PA'I CHA BYANG RGYAN GYIS SPUD, ,PHYAG BZHI DUNG DKAR K'ALA H'A, ,DRIL BU DANG NI GAnd'I THOGS, ,MIG DMAR DGA' BA KHROS PA'I TSUL, ,DE MTHAR 'KHOR LO BRGYAD RTZIBS RIM, ,BKRA SHIS BRGYAD 'DZIN LHA MO BRGYAD, ,SHIN TU SGEG MDZAD DUL BA'I TSUL, ,'DZUM PA'I MDANGS DKAR SNA TSOGS MDOG ,MU KHYUD RDO RJE'I SPRIN 'KHREGS PA, ,'UR 'UR SKAD 'BYIN 'JIGS PA DANG, ,GLOG RGYUN PHRENG BAS MDZES PA NI, ,MKHAS PA TING 'DZIN LDAN PAS BRIS, ,
DE'I 'OG TU JI SKAD BSNGAGS PA'I GNAS NAS YE SHES KYI 'KHOR LO CAN GYI RDA BKUG NAS ROL MO LA SOGS PA'I MCHOD PAS MNYES PAR BYAS TE RJES SU GZHUG PAR BYA'O, ,DE NAS LTE BA MU KHYUD KYI NANG GI KHYUD KOR DU YI GE CHEN PO LNGA DANG NYE BA'I YI GE LNGA BCU BYANG CHUB KYI SEMS GNYIS 'DRES PAS BRI ZHING, SNGAGS DE DAG NYID SGRA CHEN PO LAN BDUN BKLAGS LA ROL MO GSIL BA DANG BRO BRDUNG BAR BYA'O, ,DE RJES MKHAS PAS BRGYA BYIN GYI, ,LAG PA 'DRA BA'I 'KHRUL 'KHOR GYIS, ,RTZOL PA SPANGS NAS RNGA BRDUNG ZHING, ,BDAG NYID RNAL 'BYOR BRTZON PAS BYA, ,SGRUB PA PO YI DAG MED KYANG, ,JI TZAM BSNYEN PA'I MTSAN BSHAD SNGAGS, ,DE YI PHYED KYIS 'GRUB PAR NI, ,NGES PAR THE TSOM MI BYA'O, ,DE YI 'OG TU G-YUL BZLOG PA'AM, ,GRAGS PA MTHO 'DOD DE BZHIN GZHAN, ,THAMS CAD SNYING RJE MA BRAL BAR, ,RNGA 'DI BRDUNGS PA TZAM GYIS 'GRUB, ,'JIG RTEN GSUM GRAGS MTHA' YAS PA, ,THUGS RJE CHEN POS NYID SPRUL PA, ,RNGA CHEN RGYAL PO BRTAG PA'I LAS, ,DON KUN SGRUB PAR BYED PA YIN, ,THUGS RJE CHEN PO RNGA SGRA'I SGRUB THABS RDZOGS SO,,