, ,THUGS RJE CHEN PO RI KHROD PA LA PHYAG 'TSAL LO, ,RAB TU YID DGA' NAGS KYI DBUS, ,ME TOG 'BRAS BU 'DUD PA YI, ,SHING DRUNG RTZVA YI SPYIL BU NYID, ,CHAGS BRAL RNYOG PA MED BZHUGS 'DUD, ,DE NAS SGRUB PO SPROS PAS 'JIGS PA DANG, ,RNAM PAR G-YENG BAS DAL BA THOB BA YANG RUNG STE, GCIG PU DAG DBEN PA DANG YID BYUNG BA'I BLO CAN GYIS, DUS BZANG PO'I TSE NAGS SU SONG LA GANG NA LJON SHING BZANG BA LA YAL GA DANG LO 'BRAS GYA NOM PA DANG LDAN PA, GRIB MA BSIL BAS LUS SKYOB CING DRUNG NA 'DUG NA SKYID LTAR SNANG BA YOD PA ZHIG BTZAL TE, DE'I 'GRAM DU GTOR MA SBYIN PA SNGON DU BTANG NAS RTZVA'I SPYIL BU MDZES PA BCOS PAR BYA'O, ,DE'I NANG GI STENG GI GZHIR RJE BTZUN SPYAN RAS GZIGS SPYIL BU CAN GYI RTEN BYIN GYIS BRLABS PA DANG LDAN PA ZHIG BZHUGS LA, MCHOD PA THAMS CAD KYIS MCHOD NAS, ME TOG GIS SNYIM PA BKANG STE, TZOG BUR 'DUG LA SNGAGS 'DI BRJOD, ,AOm A'A:HR'I:BA NA LO KA N'A THA, ,MA H'A K'A RU nI KA ,SARBA BUDDHA DZNY'A N'A GARBHA MA MA TZITTE KANT'A H'Um H'Um SV'A H'A, DE NAS SPYIL BU DE DANG RTEN, ,PHO BRANG MCHOG DANG LHA NYID DU, ,BYIN GYIS BRLABS LA ME TOG GTOR, ,SKAD CIG DE LA BSAM GTAN BYA, ,SNYOM MED MI G-YENGS BRTAN PA YIS, ,ZLA BA DRUG GAM GSUM MAM GCIG ,NGES PAR BYAS NA NAGS KYI NANG, ,MGON PO GANG RUNG GZUGS SU STON, ,DE YI SMIN MTSAMS PADMO 'DRA'I, ,RI MO 'AM THIG LE GSAL BAR 'GYUR, ,BRTZON PAS MA 'KHRUGS DKYIL 'KHOR BYA, ,MGO BTUD ZHABS LA GTUGS TE GSOL, ,AOm A'A:HR'I:P'U RA BE PRA T'ITZTSA SURMAR HO, ,THAL SBYAR MIG MI 'JUMS PA YIS, ,ME TOG BSTABS LA SNGAGS 'DI BRJOD, ,DE TSE BDAG NI CI 'DRA YANG, ,SKYOB PAS RJES SU 'DZIN PA
, ,'GYUR, ,SPYIL BU CAN GYI SGRUB THABS RDZOGS SO,,