, ,SPYAN RAS GZIGS MI 'JIGS PA SBYIN PA LA PHYAG 'TSAL LO, ,'PHAGS PA SPYAN RAS
, ,GZIGS DBANG GI, ,MI 'JIGS SBYIN PA BRTAN PA YIS, ,SNGAGS LA PHYI NANG GSANG DAG GI, ,BAR DU GCOD PA LAS SEMS BSRUNG, ,RANG LUS JI SRID RDO RJE YI, ,RANG BZHIN RIN CHEN SHEL 'OD MJES, ,BKRA SHIS SGO STONG MCHOD RTEN DBYIBS, ,BCU DRUG PHRAG BRGYA RDO RJE 'DZIN, ,DE NAS SEMS NI SNYING GI PADMO GSAR PA'I 'DAB, ,DMAR BA'I 'OD CHAGS GE SAR BYE BA STONG GI RTZER, ,AA STONG YE SHES SEMS DPA' SPYAN RAS GZIGS, ,CHU DANG ME LONG ZLA BA BYAD KYI GZUGS BRNYAN BZHIN, ,DBUS SU DPAL CHEN THUGS CHA CHE, ,SOR RTZE BCU DRUG GZI BRJID BRTAN, ,BCU BDUN SUM CU BRGYAD ZHAL PHYAG ,HR'I:YIG GNYIS PHRENG GIS BRGYAN PA'O, ,PHO BRANG MCHOG LA RAB TU GSAL BA'I 'OD ZER SNGAGS BCAS GZI CHEN KUN BKRAM 'BAR BA YI, ,RDO RJE'I RDUL DANG RAL GRI BE CON DGRA STA MDUD ZHAGS KHA tV'Am GRI GUG MNGA' CHEN DANG, ,TSA ZER GLOG 'KHYUG GYA GYU 'PHROS LAS RNO BA'I LCE PHYUNG 'JIGS PA'I RGYU GANG 'DI DANG GZHAN, ,MA LUS DA LTAR BYAMS PAS NYER BRLAN SNYING RJE'I STOBS YID GCIG PUS NYER ZHI BRLAG PAR BYA, ,MGON PO YI NI SNGAGS BRJOD CING, ,BDUG PA MCHOG GIS BDUG BYAS LA, ,'GRO BA'I 'JIGS PA 'JIGS MED BYED, ,MKHAS PAS STONG NYID BSGOM PAR BYA, ,MTSO CHEN NANG DU RI RAB GZUGS SHAR DE NANG ME LONG DRI MED LA, ,'DAM SKYES MDZES 'KHRUNGS SNA TSOGS BUNG BA DAR DIR SGRA SGROGS KHYU MANG 'KHRIGS, ,MKHA' LA 'OD 'GYED GLOG RGYUN 'BAB PAS RMI LAM YUL GYI DGRA 'JOMS PA, ,DPAL CHEN RNAMS KYI RIG SNGAGS BLA MED MA LUS 'JIGS PA KUN SKYOB YIN, ,DUS DANG DUS MIN 'CHI LTAS DANG, MYA NGAN PHONGS PA LTAS NGAN DANG, ,PHUN SUM TSOGS MIN DGRA RNAMS LAS, ,LEGS SKYOB 'JIG RTEN GSUM MGON RTOG ,DPAL MI 'JIGS PA SBYIN PA'I SGRUB THABS RDZOGS SO,,