, ,MGON PO SPYAN RAS
GZIGS LA PHYAG 'TSAL LO, ,SKYE DGU KUN GYIS MCHOD PA'I GZHI, ,LUS YIN GROL BA'ANG DE BZHIN NO, ,DE BAS 'CHING DANG GROL 'DOD PAS, ,MGON PO'I MAN NGAG 'DIR BSGOM BYA, ,RTA BDUN BSKAL PA'I ME 'OD CAN, ,LTE BAR H'Um LAS YONGS GYUR PA'I, ,YE SHES RDO RJE 'BAR BA NI, ,TSANGS PA'I 'JIG RTEN LA REG BSAM, ,H'Um BRJOD RDO RJE SPEL BAR BYA, ,LHAG PA'I ME LCE CHER 'BAR BAS, ,GDUG PA THAMS CAD RNAM PAR BSREG ,MTHA' DAG BAR CHOD MA LUS BSRUNG, ,AOm BADZRA RAKshA RA KshA H'Um H'Um, SNGAGS 'DI BRGYA RTZA BRGYAD BZLAS NAS, ,GSUM PA RNAM GSUM RIM PA BZHIN, ,RDO RJE ME RI RLUNG DMAR RNAMS, ,RGYUD 'BREL BAR MA CHAD BSGOM BYA, ,DE NAS DE DBUS LTE BAR NI, ,THUGS RJE CHE KHROS BZHAD PA'I SKU, ,RDO RJE'I KHYUNG GSHOG MTHING GA CAN, ,RDO RJE DRIL 'DZIN LHAS MTSAN BSGOM, ,SER SPRIN LTAR GNAG KHRO BO'I ZHAL, ,RAB TU BGRAD CING MCHE BA GTZIGS, ,BRKYANG BSKUM ZHABS GNYIS STANG STABS TSUL, ,DBU SKRA SMIN MA SMAR SER 'KHYIL, ,KHRO BO'I RGYAL PO BZHAD PA 'DI, ,SPYAN RAS GZIGS DBANG THUGS RJE YI, ,KHROS PAS GDUG PA KUN 'DUL BA, ,'BAR BA'I PHYAG RGYA GNYIS PA YIN, ,DE NAS BSRUNG BA 'DI YI RJES, ,RNAM PAR GZHIG PA'I RIM PA YIS, ,STONG PAR RNAM PAR BSGOMS NAS NI, ,SKAD CIG TZAM GYIS RGYAL GZUNGS BSGOM, ,RDO RJE SKYIL KRUNG BCAS SKYED SKU, ,RDO RJE MDUD PA BSDAMS PA DANG, ,RDO RJE THOS SOR ZHES PAS BSDAM, ,DE BZHIN RDO RJE'I 'KHOR LO BSKOR, ,SPYI BO MGRIN PA SNYING GA LTE, ,BDE CHEN LONGS SPYOD CHOS SBRUL GYI, ,'KHOR LO MDZES PA DKAR DMAR SNGO, ,KHA DOG SNA TSOGS GO RIMS BZHIN, ,SUM CU GNYIS DANG BCU DRUG DANG, ,BZHI DANG DRUG CU BZHI PA'I RTZIBS, ,KHA SPYAR KUN NAS SBUG SBUG PO, ,RTZA MCHOG SROG SHING DANG BCAS BSAM, ,G-YAS G-YON LA LA RA SA N'A, ,'KHOR LO RNAMS KYI LTE BAR KHYUD, ,GZHAN DU NGOS GNYIS 'KHYOG 'KHYOG PO, ,'DIR RGYUD YE SHES RLUNG GIS GZHUG ,LCAGS KYU ZHES PA'I RLUNG BZUNG LA, ,'OG RLUNG STENG RLUNG 'THEN PAR GYIS, ,GNAM LCAGS ZHES PA'I RLUNG NYID KYANG, ,BZUNG LA STENG YANG 'OG TU MNAN, ,GNYIS 'DUS LTE BA'I DKYIL 'KHOR LA, ,DBANG DU BYA BA'I RLUNG SBYANGS LA, ,GOMS PAS RAB TU 'DRIS
, ,PAR BYA, ,LHAG PAR BSNYEN PA SHIN TU GCES, ,GANG TSE DROD STOBS KHA DOG SHUGS, ,THOB NAS RTZA MCHOG RDO RJE RTZE, ,NOR BU LCAGS KYU'I RLUNG GIS DRANGS, ,H'Um GSUM BRJOD PAS LTE BA'I DBUS, ,AA GSUM BRJOD PAS MGRIN PA DANG, ,DE BZHIN HA GSUM GYIS SPYI BOR, ,RIM PA BZHIN DU DRANG BAR BYA, ,RDO RJE'I MDUD RTZE GYEN PHYOGS LA, ,GNAS BZHIN MDUD PA BZHI BTAB NAS, ,DBU YI GTZUG TOR COD PAN GYI, ,THIG LE RO MYANG BSAM GTAN BYA, ,NAM MKHA' YID KYIS LHA YI DBANG, ,SNYOMS PAR 'JUG PA'I BDUD RTZI YI, ,RGYUN GYIS SHIN TU DRI MED PA, ,BDE CHEN ZUNG 'JUG DAG PA YI, ,THIG LE LHUNG BAS 'KHOR LO DGROL, ,JI LTAR SNGAR NI BCINGS PA'I RIM, ,DE BZHIN BYANG CHUB SEMS GANG BAS, ,MDUD PA MA LUS RNAM PAR BSHIG ,TSUL 'DIS LUS KUN BDE BA YIS, ,MNGON PAR GANG BAR GYUR PA NA, ,GSAL DANG MI RTOG ZHES PA GANG, ,RDO RJE 'DZIN PAS GSAL BA'I SKUR,, GANG BSHAD GDON MI ZA BAR RNYED, ,DE DANG DE NI RO MNYAM DU, ,'JUG PA'I BLO LA MI LTOS PAR, ,YID KYI BYED PA GCIG GIS SO, ,AE MA RNAL 'BYOR RGYAL PO CHE, ,'KHOR DANG MYA NGAN 'DAS PA'I RO, ,GANG GIS SKAD CIG GCIG NYID LA, ,MNGON DU 'GYUR BA ZAB MO'I THABS, ,LUS KYI 'KHOR LO BCING PA DANG, DGROL BA'I MAN NGAG RDZOGS SO,,