,,BCOM LDAN 'DAS YE SHES KYI 'KHOR LO'I BDAG PO LA PHYAG 'TSAL LO, ,SNGAGS PA YAN LAG DRUG RTZI BAS DRUG ,'KHOR LO 'BAR BA DRI MA MED, ,DE NANG PADMO STONG 'DAB LA, ,BSKAL BZANGS SANGS RGYAS BRGYA PHRAG BCU, ,LTE BA PADMO CAN NYID DE, ,DE SNYING RDO RJE 'DZIN PA YIN, ,DE YI THUGS NI YE SHES CHE, ,GNYIS MED THIG LE DKAR 'TSER RO, ,AOm A'A: HR'I:H'Um PHAtA SV'A H'A, G-YAS DANG G-YON LAG MGO BO DANG NI DE BZHIN RKANG, ,G-YAS G-YON RDO RJE YAN LAG BZHI LA GO RIMS BZHIN, ,ZLA MDOG ME DANG NAM MKHA' AINDRA DANG, ,MAR ME'I DUD MDOG GNAS DRUG NGAG GI BDAG NYID BSAM, ,DZA:H'Um BAm HO:, JI BZHIN YE SHES GZUG PA YI, ,MAN NGAG GIS NI LHA BCINGS LA, ,RNAL 'BYOR MU KHYUD BZLAS PA YIS, ,DPAL PHRENG GSUM GYI SNGAGS RING BRJOD, ,SNA TSOGS KHA DOG CAN 'OD ZER, ,DE BZHIN DKAR DANG DMAR BA NYID, ,SPRO DANG BSDU BA'I SBYOR BA YIS, ,DON GSUM RTAG TU BSGRUB PAR BYA'O, ,AOm A'A:HR'I:H'Um PHAtA SV'A H'A, AA A'A, AI A'I,
, ,AU A'U, Ri R'i, Li L'i, AE AEE, AO AOO, AAm AA:, KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA KshA:, RNAM DAG YE SHES THIG LE LAS BYUNG BDE BA'I RGYUN GYIS BLA MA DANG, ,DE LAS KYANG 'PHROS PADMA 'DZIN SKU SHEL LTAR RAB DANG RAB TU GANG, ,YANG DES RDZOGS SANGS RGYAS DANG NYAN THOS SRAS BCAS DE BZHIN 'KHOR LO YIG 'BRU NYID, ,MU KHYUD 'KHOR LO ZAG MED RO MYANG BYANG CHUB SEMS RGYUN GYIS KHYAB SPRO, ,DE RJES DE NYID RIM PA YIS, ,YE SHES 'OD GSAL PHYUNG BAS KYANG, ,YID KYI MUN PA KUN BSAL ZHING, ,LUS CAN LA YANG BDAR BAR BYA, ,JI SKAD BSTAN PA'I CHO GA YIS, ,RNAL 'BYOR RGYUD DAG GYUR PA NI, ,DMIGS BYA DMIGS BYED DMIGS BRAL BA'I, ,RNAM PAR MI RTOG RANG SKYE 'GYUR, ,DPAL 'KHOR LO RNAM DAG GI SGRUB THABS RDZOGS SO,,