, ,DPAL 'JIG RTEN DBANG PHYUG RLUNG GI 'KHOR LO 'DZIN PA LA PHYAG 'TSAL LO, ,SNGAGS PAS SHIN TU NYAMS DGA' BA'I, ,GNAS SU RAB TU MTHO BA'I TSAL, ,BSIL KHANG RLUNG RGYUN
RTAG 'BAB PAR, ,GSANG SNGAGS 'KHOR LO BSKOR BAR BYA, ,DR'E:AOm A'A:HR'I:H'Um, PLAKshA 'AM BYANG CHUB SHING LO 'AM, ,DE BZHIN RTAG TU RLUNG GIS BSKYOD, ,KHA DOG DRI BZANG TSAL PA'ANG RUNG, BSRUNG BA BYAS NAS 'KHOR LO BCAL ,CI TZAM G-YO BAR SLA BA YI, ,BZO BCOS LTE BA PADMOS MTSAN, ,BRGYA PHYED LA NI RDO RJE YI, ,RAL GRI MI BZAD GZUGS BYA'O, ,PHO BRANG GNAS SU SA BON LAS, ,MGON PO RLUNG GI 'KHOR LO CAN, ,RTZIBS RNAMS LA NI SHES RAB THAMS, ,YONGS GYUR SNGAGS GRUB LHA MO BSAM, ,DNGOS DANG BYIN RLABS GZHUG PA YIS, ,GZI BYIN BSKYED LA MCHOD PAS MCHOD, , RANG NYID 'KHOR LO 'DZIN BSGOMS NAS, ,'OD BKYE SNGAGS BZLAS 'KHOR LO BSKOR, ,THUN GSUM THOG MAR BRGYA RTZA BRGYAD, ,GSANG SNGAGS MYUR DU GRUB 'DOD PAS, ,GSOL BTAB RLUNG LA BKA' BSGO STE, ,RANG NYID CI BDE SPYAD PAR BYA, ,GANG DU 'KHOR LO RAB 'KHYIL BA, ,THUGS RJE CHE MCHOG RIG PA'I MTHUS, ,SGRUB PO'I NGAL BA 'JIG BYED PA, ,DER NI SDIG LDAN MI BRTEN NO, ,DE LTAR 'KHOR LO CHEN PO RANG NYID 'PHAGS PA SPYAN RAS GZIGS KYI MTHUS RIGS LNGA BCU RTZA LNGA ZLOS PAR MDZAD PA NI DAM TSIG CAN RNAMS KYIS THAMS YIN PAR BLTA BAR BYA'O, ,ME TOG LA SOGS PA'I MCHOD PA JI SNYED PA LA GANG ZAG MED PA'I ZHES LE LO DANG BRNYAS PA MI BYA'O, ,KHA NA MA THO BA PHRA RAB DANG, DGE BA'I RTZA BA CHUNG NGU THAMS CAD LA BAG YOD PA DANG, BRTZON PA LHUR BYA'O, ,DKAR PO'I PHYOGS GCIG GIS BSNYEN PA THAMS CAD YONGS SU RDZOGS PAR 'GYUR TE, ,'DI LA THE TSOM MI BYA'O, ,DPAL LDAN BLA MA'I MAN NGAG ZAB MO'I DRIN, ,GANG THOB SKAL LDAN NGAL BA MED PAR NI, ,GSANG SNGAGS SGRUB BYED LUS MED SHUGS CAN GYI, ,'KHRUL 'KHOR 'JIG RTEN MGON NYID LAS GZHAN MIN, ,GSANG SNGAGS MYUR DU GRUB PA'I CHO GA RDZOGS SO,,