, ,DPAL SPYAN RAS GZIGS DBANG PHYUG GSUNG DBANG GI RGYAL PO RNAM PAR ROL PA LA PHYAG 'TSAL LO, ,GSUNG GI DBANG PHYUG NGAG GI BDAG ,RTAG TU SPRO BAS MCHOG BSKYED MDZAD, ,SO SO RANG RIG MGRIN PAR GNAS, ,DPAL LDAN SPYAN RAS GZIGS PHYAG 'TSAL, ,BLO LDAN RAB DANG SNYING RJE'I CHAB KYIS RTOG PA'I MYU GU RNAM BRLAN DANG, ,GANG ZHIG SKAL NGAN DAG GI DPA' NYAMS SKYE BOS RAB BRNYAS MA RUNGS NYID, ,GZHAN DAG SNGAGS RIG MTHU BSKYED 'DOD DANG DE BZHIN PHA ROL BYAD BZLOG 'DOD, ,DE DAG GUS PAS SHIN TU YID DGA' NGAG GI MTHU BSKYED GSUNG GI ROL PA 'DI BSGOM BYA, ,RE ZHIG SNGAGS PAS SKYABS SU 'GRO BA DANG SEMS BSKYED PA DANG DBANG BSKUR BA YANG DAG PAR RJES SU DRAN PAS LHA'I RNAL 'BYOR CHEN PO YUD TZAM GYIS MNGON DU BYAS LA, HR'I:YIG LAS YONGS SU GYUR PA'I PADMO SDONG BU CAN GYI 'DAB MA'I LCE DANG STENG DU AA DANG H'Um LAS ZLA BA DANG RDO RJER BSKYED PA NAS DE'I MTHAR A'A LI DANG K'A LI DANG PHRANG BA 'BAR BA DKAR DMAR G-YAS DANG G-YON DU BSKOR BA'I BAR DU STE, JI SKAD 'PHAGS PA'I LCE BYIN GYIS BRLABS PA'I ME LAS 'BYUNG BA LTAR
, ,BSAM PAR BYA'O, ,DE NAS LHAG BSAM RNAM DAG PAS, ,'GRO BA'I NGAG GI DRI BSAL ZHING, ,MTHU BCU SPOBS PA BSKYED 'DOD PAS, ,THOG MAR AA LA SOGS PA ZAL, ,DE'I PHYIR DE DAG LAS 'OD KYI PHRENG BA DKAR PO DRA BA DANG DRA BA PHYED PA DANG GUR PHUB PA DANG, ,GZHA' RIS KYI RNAM PA LTA BUR SHAR BAS SEMS CAN MA LUS PA'I NGAG GI DRI MA BSAL ZHING, BYANG CHUB SEMS DPA' GSUNG GI DBANG PO'I RGYAL PO RNAM PAR ROL PA ZHES BYA BA'I NGAG GI MTHU RNAM PA BCU PO DAG YONGS SU BSKYED PA DANG, TSUR 'DUS PAS DE DAG GI NGAG GI NUS PA GANG YOD PA DE DAG KYANG MAR ME LTAR BLANGS SHING, ,YI GE NYID LAS MNGON PAR THIM PA DANG, AA SOGS RDO RJE DKAR PO DANG, ,DE BZHIN LHAG BSAM SNGON 'GRO BAS, ,KA SOGS RAL GRI'I BAR BSAMS TE, ,RAL GRI RDO RJE RNAM PAR SEL, ,DE LA RAL GRI NI GNYIS GNYIS SO, ,RDO RJE NI RE RE'O, ,MTHAR PHRENG BA PHRENG RGYUD GCIG LA DGOD PAR BYA'O, ,RDO RJE'I LAS NI NGAG GI SKYON 'JIG PAR BYED DO, ,RAL GRI'I LAS NI NGAG GI MTHU RNON PO YANG DAG PAR 'BYIN PAR BYED PA'O, ,RDO RJE YI GE DE DAG GIS MTSAN RDO RJE'I MCHOG DANG RNO BA YI, ,RAL GRI 'BAR BA SBU GRI'I SO 'DRA 'OD ZER DKAR DMAR LHAG GE BA, ,MKHAS PAS DE TSE SKAD CIG MNGON BLTAS TSIGS BCAD BKLAG CING MA YENGS PAS, ,RANG GZHAN DON PHYIR BRO GAR 'GYU BYAS SPRO DANG BSDU BA'I 'OD DBYUNG BYA, ,DE LTAR SBYOR BA DAM PA 'DI NYID DANG LDAN PAS NAM LANGS PA'AM, NYI MA 'CHAR KA'AM SROD THOG THAG GAM MTSAN PHYED DAM RTAG TU YANG RUNG STE, GZHAN LA BRTZE BA DRAG PO DANG BCAS PAS GANG GRUB PA'I DGE BA NYID KYANG BDAG NYID LHAG PAR CHAGS PA MED PAR GZHAN LA YANG DAG PAR PHAN PAR 'DOD NA, 'DI'I NGAG GI NUS PA NI DRANG SRONG DANG MTSUNGS PA 'GYUR RO, ,GANG TSE BZLAS PAS YID SKYO ZHING, ,'GRO DON LDAN PAR 'DOD PA NA, ,SNGAS GSUM BZLAS PAS PHRENG BA YI, ,'KHOR LO BSKOR BA 'DOD DU ZHU, ,DPAL NGAG GI MTHU BSKYED PA'I MAN NGAG RDZOGS SO,,