, ,BTZUN PA SPYAN RAS GZIGS DBANG PHYUG LA PHYAG 'TSAL LO, ,RE ZHIG SNGAGS PA BLO GROS DAM PA PHUL DU SBYANGS PA DAG GIS ZLA BA RGYAS PA'I TSE KHA SHAR DU BLTAS LA BTZUN PA SPYAN RAS GZIGS DBANG PHYUG YID LA BYED PA DANG MI 'BRAL BAS, THOG MAR SKYABS SU 'GRO BA DANG SEMS BSKYED PA LA MNGON PAR BRTZON PAR BYA'O, ,DE'I 'OG TU TSANGS PA'I GNAS PADMA LA LEGS PAR GNAS PA'I SHES RAB SHIN TU SBYANGS PA YID LA BYA'O, ,ME TOG LA SOGS PA'I MCHOD PA DANG, 'PHAGS PA DGYES PA'I TSIGS SU BCAD PAS BSTOD PA DANG, ,SNGAR BYAS PA LA 'GYOD PAS SDIG PA BSHAGS PA LA SOGS PA JI SKAD BSHAD PA DE DAG NYID KYANG NGO, ,DE NAS RANG LUS RGYAL BA YI, ,PHO BRANG 'KHOR LO DKAR MDZES SU, ,SKAD CIG TZAM GYIS MNGON BLTAS LA, ,RNAM DAG GSUM PO BSGOM PAR BYA, DE LA MGO BO G-YAS G-YON LAG ,GSANG BA'I RDO RJE G-YAS G-YON RKANG, ,'DI DAG RTZIBS DRUG GSAL BA STE, ,LTE BA LTE BA YIN PAR BSHAD, ,H'Um DANG AOm DANG TR'Am HR'I:AA:, ,PHAtA CES BYA BA SNGON PO DANG, ,DKAR SER DMAR LJANG DUNG MDOG RNAMS, ,RIM BZHIN ME LONG GZUGS LTAR DGOD, , SGYU MA SMON LAM RNAM THAR GYIS, ,DON DU GRUB PA MED PA YANG, ,SNANG BA MI DMIGS RGYUD DU 'BREL, ,RTOG PA MTHA' GNYIS LAS GROL BA'O, ,DE RJES LTE DBUS SEMS KYI GZHI, ,BRTEN PA'I HR'I:YIG DKAR BSAMS TE, ,DE STENG BDE CHEN THIG LE BSGOM, ,SBYOR BA GSUM PA'I RNAL 'BYOR
GYIS, ,BSDU DANG DBANG DU BYA BA DANG, ,NGES PAR RTOGS PA'I RIM GSUM GYI, ,MKHAS PAS BDE CHEN 'BAR BA YI, ,KHU BA ZHU BA BSGOM PAR BYA, ,'GRO BA'I DON BSGRUB RDO RJE YI, ,'KHOR LO MGAL ME BSKOR BA ZHES, ,BYA BA 'DI YANG BLA MA YI, ,MAN NGAG GIS NI DE RJES BRTZAM, ,BRTZE CHEN BYANG CHUB SEMS BZANG GI, ,RLUNG BSKYOD YE SHES 'BRU LNGA YI, ,PHRENG BA 'KHOR LO BSKOR BA LAS, ,CHOS KYI SGRA DBYANGS SNYAN BSGRAG BYA, ,MI RTAG SDUG BSNGAL BDAG MED STONG, ,MTSAN MED SMON PA ZAD PA YI, ,GSUNG RAB DRANG DANG DRANG BA MIN, ,PHYOGS BCUR MKHA' KHYAB BSTAN PAR BYA, ,LHAN CIG DON GNYIS BYED PA 'DIS, ,CIG CAR BDAG GZHAN DON BSGRUBS NAS, ,MTHAR NI BRTAN DANG G-YO BA YI, ,'KHOR LO SPAR BA'ANG SHES PAR BYA, ,DE BZHIN 'GRO DANG 'DUG DANG SMRA, ,GNYID LOG LA SOGS DUS KUN TU'ANG, ,BRTAN PA MI PHYED DRAN LDAN PAS, ,RTAG TU SPYOD PA SPYAD PAR BSHAD, ,'KHOR LO 'BAR BA RDZOGS SO,,