, ,DPAL TING 'DZIN GYI RGYAL PO BYIN GYIS BRLABS PA'I GTER LA PHYAG 'TSAL LO, ,DPAL LDAN PADMO 'DZIN DBANG GIS, ,SNGAGS MTHU MA GRUB GRUB PA DANG, ,NYAMS CHAGS GSO BA'I CHO GA NI, ,MKHAS PAS 'BAD DE BSGOM PAR BYA, ,THA MAL LUS KYI SNYING 'DAB DBUS, ,PHYOGS KYI KHA DOG CAN H'Um YIG, ,RNAL 'BYOR RGYAL PO RANG SEMS GZHI,, DKAR 'KHYIL GZI BRJID 'OD MDZAD BSGOM, ,KHA DANG RNA BA SNA GNYIS DANG, ,MIG GNYIS BSHANG DANG GCI BA'I SGO, ,DE BZHIN RKANG PA LAG GNYIS NI, ,GTZO BO LAS SPROS RDO RJE BDAG ,GSANG BA'I DKYIL 'KHOR CHO GA BZHIN, ,PADMA AUTPAL RDO RJE PHRA, ,NYI ZLA RDO RJE HOM KHUNG ZLUM, ,RGYA GRAM RDO RJE RTZE MANG NYID, ,AA PHRENG KA PHRENG DKAR DMAR GYIS, ,BSKOR BAS KHRAG 'THUNG 'JIGS PA'I SNGAGS, ,THUGS RJE 'PHROS PA'I 'OD ZER ,LAS, ,SKYES PA'I SBYOR BA YI DAGS BYA, ,DAM TSIG RDO RJE H'Um YIG LAS, ,YE SHES DPAL 'DZIN BCU GNAS NI, ,MCHOD SOGS CHO GA BZHIN BTUD NAS, ,
, ,TING 'DZIN SEMS DPA' RTZE GCIG BYA, ,RNAM PAR RTOG PA KUN SHIGS DANG, ,YE SHES PHYAG RGYA MCHOG SBYOR LA, ,MNYAM GZHAG PHRIN LAS BCU LHAG SPYOD, ,MKHAS PAS SOM NYI MED PAR SPYAD, ,RTAG TU SEMS CAN LA PHAN DANG, ,LHAG PA'I LHAS DE DE NYID SHES, ,RNAL 'BYOR CHO GA LA BRTZON PAS, ,ZLA BA DRUG NA RTAGS MTHONG 'GYUR, ,LUS NANG ME LCE 'BAR BA LTAR TSA ME 'OD RNAM PAR 'KHRUGS PA DANG, ,RDO RJE'I SPU SKYES KHA NAS ME 'BAR SKYE BO MANG PO'I MGO BTUD BSTOD, ,LAG NA RDO RJE RAL GRI 'BAR THOGS HA LA'I SGRA SGROGS PHYOGS BCUR RGYUG ,MIG 'BRAS RAB GSAL SGRON MA'I 'OD 'CHAR BLO GROS NYE BAR ZHI BA'O, ,BYIN RLABS MI ZAD PA'I CHO GA RDZOGS SO,,