278 · GMLW-001869

An Exalted Sutra of the Greater Way entitled 'The Eighth Wonder' (Ārya Maṇgala Aṣṭaka Nāma Mahāyāna Sūtra)

'PHAGS PA BKRA SHIS BRGYAD PA ZHES BYA BA THEG PA CHEN PO'I MDO
נושאי-מדףSubjects:
MDO MANGCollection of Sutras (Sūtra)$$
נושאיםTopics:the BuddhaPrayers of Supplication
חיי היום-יוםDaily life:daily practice
נמצא בfound inCollection of Sutras (Sūtra)$$
מספר טוהוקוTohoku numberToh 278 · Sutra
מהדורהrecensionDerge
כותרת בסנסקריטSanskrit titleA'ARYA MAm GA LA AAshtA KAm N'A MA MA H'A Y'A NA S'U TRA
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaSU RANDRA BO DHI
הלוצאווה הטיבטיTibetan lotsawaBANDHE YE SHES SDES
פוליוfolios127a–130a
צורהformprose
מצב תרגוםtranslationpartly translated
כיסוי המילון לכותרתdictionary coverage of the title100%
ז'אנרgenreRoot Texta sutra of the Greater Way with a Sanskrit title and a translation colophon
אנשים ומקומותpeople and places namedSurendrabodhi · Yeshe Dethe colophon names the Indian abbot and the chief editor-translator
רמת קושיlevelentry
לחיי היום־יוםfor daily lifedaily practice
הכותרת אומתה מול הטקסטtitle verified against the textyesSanskrit and Tibetan title lines both match the filename

הקבציםThe files

KL00278_'PHAGS PA BKRA SHIS BRGYAD PA ZHES BYA BA THEG PA CHEN PO'I MDO_An Exalted Sutra of the Greater Way entitled 'The Eighth Wonder' (Ārya Maṇgala Aṣṭaka Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 22 (ZA)

הטקסטThe text

טיבטיתTibetanKL00278_'PHAGS PA BKRA SHIS BRGYAD PA ZHES BYA BA THEG PA CHEN PO'I MDO_An Exalted Sutra of the Greater Way entitled 'The Eighth Wonder' (Ārya Maṇgala Aṣṭaka Nāma Mahāyāna Sūtra).txt7,198 תוויםcharacters
127a

,,RGYA GAR SKAD DU, A'ARYA MAm GA LA AAshtA KAm N'A MA MA H'A Y'A NA S'U TRA, BOD SKAD DU, 'PHAGS PA

127b

BKRA SHIS BRGYAD PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YANGS PA NA AA MRA SRUNG BA'I TSAL NA BZHUGS SO, ,DE NAS LI TZA B'I'I BU RTZAL RAB BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYIS ZHABS LA MGO BOS PHYAG BTZAL TE, BCOM LDAN 'DAS LA 'DI SKAD CES GSOL TO, ,BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG LA LA SNGON GYI SMON LAM PHUN SUM TSOGS PA DAG BZHUGS PA, BCOM LDAN 'DAS, GANG DAG THOS NA BDAG GIS SPYI BOS BKUR ZHING GANG DAG BDAG GIS SPYI BOS BKUR BAS MI'AM, MI MA LAGS PA LAS 'JIGS PA'AM, GTZE BA 'BYUNG BAR MI 'GYUR BA DANG, BCOM LDAN 'DAS, BDAG RGYAL PO'I PHO BRANG DU MCHIS TE, SMRA BRJOD PA NA CI NAS GANG GIS KYANG SMRA BA LA ZLOG PA MI BGYID CING ZIL GYIS MI NON PA DANG, MTSAN DE DAG NYID BDAG 'DZIN NA GNYID KYIS LOG NA'ANG SDIG PA'I RMI LAM RMI BAR MI 'GYUR BA DANG, BDAG MTSON CHA GZAS PA'I G-YUL GYI NANG DU ZHUGS NA'ANG LUS LA MTSON CHA RNAMS PHOG PAR MI 'GYUR LA, DE LAS BDE BAR THAR PAR YANG 'GYUR BA DE DAG BCOM LDAN 'DAS DE BZHIN GSHEGS PA DGRA BCOM PA

128a

, ,YANG DAG PAR RDZOGS PA'I SANGS RGYAS KYIS YONGS SU BSTAN DU GSOL, ,DE SKAD CES GSOL NAS, BCOM LDAN 'DAS KYIS LI TZA B'I'I BU RTZAL RAB LA 'DI SKAD CES BKA' STZAL TO, ,RTZAL RAB, SHAR PHYOGS NA 'JIG RTEN GYI KHAMS GRAGS LDAN ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SGRON MA'I RGYAL PO ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS SKYO BA MED PA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RTZAL BRTAN DON GRUB DGONGS PA ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS BDE LDAN ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KUN LA DGONGS PA RGYA CHER GRAGS PA CAN ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS BGEGS MED PA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA'I RGYAN GYI DPAL ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS CHAD PA SPANGS PA ZHES BYA BA YOD DE, DE NA DE BZHIN GSHEGS PA DGRA BCOM PA

128b

YANG DAG PAR RDZOGS PA'I SANGS RGYAS DGE BAR GRAGS PA DPAL DAM PA ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS SNA TSOGS LDAN ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LHUN PO LTAR 'PHAGS PA RTZAL RAB GRAGS PA'I DPAL ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS DPAL 'BAR BA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SEMS CAN THAMS CAD LA DGONGS PA GRAGS PA'I DPAL ZHES BYA BA BZHUGS SO, ,RTZAL RAB, SHAR PHYOGS NA 'JIG RTEN GYI KHAMS RDO RJE GRAGS PA DGA' BA CAN ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YID TSIM PAR MDZAD PA RTZAL RAB GRAGS PA'I DPAL ZHES BYA BA BZHUGS SO, ,RTZAL RAB, SANGS RGYAS BCOM LDAN 'DAS RNAMS KYI MTSAN 'DI DAG LEGS PAR RAB TU GZUNG BAR BYA'O, ,KUN CHUB PAR BYA'O, ,BCANG BAR BYA'O, ,RTZAL RAB, SANGS RGYAS BCOM LDAN 'DAS THAMS CAD NI YON TAN BSAM GYIS MI KHYAB PA DANG LDAN MOD KYI, 'ON KYANG RTZAL RAB, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'DI DAG GI SANGS RGYAS KYI ZHING NI YONGS SU DAG PA STE, SNYIGS MA

129a

, ,RNAMS DANG BRAL BA YIN NO, ,RTZAL RAB, KHYOD KYIS GANG GI TSE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'DI DAG GI MTSAN RNAMS BLANGS NAS 'DZIN NA DES YON TAN GYI KHYAD PAR DE DAG DANG GZHAN DAG TU'ANG 'GYUR TE, SANGS RGYAS BCOM LDAN 'DAS RNAMS KYI MTSAN 'DI DAG NI SNGON GYI SMON LAM GYI YON TAN DANG LDAN PA YIN PA'I PHYIR RO, ,NUB MO SROD LA NYAL NA'ANG KHYOD KYIS MTSAN 'DI DAG BSAM PAR BYA'O, ,LDANG BA NA'ANG BSAM PAR BYA'O, ,'JIG RTEN GYI BYA BA GANG CI'ANG RUNG BA DAG RTZOM PA DAG NA'ANG THAMS CAD LA MTSAN 'DI DAG BSAM NAS DE'I 'OG TU BRTZAMS NA DER YANG KHYED LA 'PHEL BA NYID DU 'GYUR GYI 'GRIB PAR NI MA YIN PAR SHES PAR BYA STE, 'DIS KHYOD GNAS PAR GYIS SHIG ,DE NAS LI TZA B'I'I BU RTZAL RAB KYIS BSTAN PA 'DI THOS NAS TSIM ZHING MGU LA YI RANGS TE, RAB TU DGA' NAS DGA' BA DANG, YID BDE BA SKYES TE, DE BZHIN GSHEGS PA RNAMS KYI MTSAN 'DI DAG YONGS SU BRJOD CING RIN PO CHE SNA BDUN GYI ME TOG BRGYAD STONG GIS BCOM LDAN 'DAS LA MNGON PAR GTOR TE BSKOR PA'ANG BYAS NAS, DE BZHIN GSHEGS PA'I MTSAN YONGS SU BRJOD PA BKRA SHIS BRGYAD PA'I CHOS KYI RNAM GRANGS 'DI BZUNG STE BCOM LDAN 'DAS KYI THAD NAS SONG NGO,,

129b

DE NAS LHA RNAMS KYI DBANG PO BRGYA BYIN 'KHOR DE NYID DU 'DUS PAR GYUR NAS 'DUG PA DES BCOM LDAN 'DAS LA PHYAG BTZAL NAS, BCOM LDAN 'DAS LA 'DI SKAD CES GSOL TE, BCOM LDAN 'DAS, BDAG GIS KYANG DE BZHIN GSHEGS PA'I MTSAN YONGS SU BRJOD PA BKRA SHIS BRGYAD PA'I CHOS KYI RNAM GRANGS 'DI NYAMS SU BLANGS LAGS SO, ,BCOM LDAN 'DAS KYIS BKA' STZAL PA, KOO SHI KA ,DE'I PHYIR KHYOD KYIS LHA DANG, LHA MA YIN G-YUL 'GYED PA NA CHOS KYI RNAM GRANGS 'DI YONGS SU BRJOD PAR BYA'O, ,YONGS SU BRJOD PA NA LHA'I DBANG PO KHYOD RGYAL BAR 'GYUR RO, ,DE CI'I PHYIR ZHE NA, DE BZHIN GSHEGS PA'I MTSAN YONGS SU BRJOD PA GANG YIN PA 'DI NI BDE ZHING 'JIGS PA MED PAR YONGS SU BRJOD PA YIN PA'I PHYIR RO, , MTSAN YONGS SU BRJOD PA GANG YIN PA 'DI NI KUN NAS LDANG BA MED PAR YONGS SU BRJOD PA YIN PA'I PHYIR RO, ,DE BZHIN GSHEGS PA'I MTSAN YONGS SU BRJOD PA GANG YIN PA 'DI NI YANG DAG PA'I MTSAN YONGS SU BRJOD PA YIN PA'I PHYIR RO, ,DE BZHIN GSHEGS PA'I MTSAN YONGS SU BRJOD PA GANG YIN PA 'DI NI G-YUL THAMS CAD LAS YANG DAG PAR 'DAS PAR YONGS SU BRJOD PA YIN PA'I PHYIR RO, ,DE BZHIN GSHEGS PA'I MTSAN YONGS SU BRJOD PA GANG YIN PA 'DI NI ZIL GYIS MI NON PAR YONGS SU BRJOD PA DANG, ZHI BAR YONGS SU BRJOD PA DANG

130a

, ,YONGS SU GDUNG BA MED PAR YONGS SU BRJOD PA DANG, 'JIGS PA MED PAR YONGS SU BRJOD PA YIN PA'I PHYIR RO, ,DE NAS LHA RNAMS KYI DBANG PO BRGYA BYIN GYIS CHOS KYI RNAM GRANGS 'DI LA MCHOD PA'I PHYIR, BCOM LDAN 'DAS LA LHA'I ME TOG MAND'A RA BA DAG GIS MNGON PAR GTOR NAS, BCOM LDAN 'DAS KYI ZHABS LA MGO BOS PHYAG BTZAL TE LAN GSUM BSKOR BA BYAS NAS YID DGA' BA DANG, SEMS DGE BA DANG, SEMS SGRIB PA MED PA DANG, SEMS KUN NAS LDANG BA MED PA DANG, DE BZHIN GSHEGS PA'I MTSAN YONGS SU BRJOD PA'I CHOS KYI RNAM GRANGS 'DI YID LA BYED BZHIN DU SLAD KYIS KYANG BDAG GIS BCOM LDAN 'DAS KYI ZHAL MTHONG BAR GYUR CIG CES TSIG TU SMRAS NAS, SUM CU RTZA GSUM GYI LHA RNAMS DANG LHAN CIG TU BCOM LDAN 'DAS KYI THAD NAS DONG NGO, ,BCOM LDAN 'DAS KYIS DE SKAD CES BKA' STZAL NAS, LI TZA B'I'I BU RTZAL RAB DANG, LHA RNAMS KYI DBANG PO BRGYA BYIN DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA BKRA SHIS BRGYAD PA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO SU RANDRA BO DHI DANG, ZHUS CHEN GYI LO TZ'A BA BANDHE YE SHES SDES BSGYUR CING

130b

ZHUS TE GTAN LA PHAB PA,,