, ,BCOM LDAN 'DAS SPYAN RAS GZIGS DBANG PHYUG LA PHYAG 'TSAL LO, ,SNGAGS PA GANG ZHIG YUL LAM DBANG PO DANG LAS KYI STOBS KYIS GAL TE PHYI DANG NANG GI DAM TSIG NYAMS PA 'GA' ZHIG LTA BU BYUNG BAR GYUR NA, DES 'PHAGS PA SPYAN RAS GZIGS DBANG PHYUG THUGS RJE CHEN PO DANG LDAN PA DRAN PAR BYAS LA, LUS DANG LONGS SPYOD DANG, GDAMS NGAG LA LHAG PAR CHAGS PA YANG SPANGS TE, CHO GA RNAMS LAS JI SNYED 'BYUNG BA'I BSHAGS PA DANG, SPYAD PA RNAMS KYIS SHIN TU GUS PAR RAB TU DAG PAR BYA'O, ,DE'I YANG CHO GA RNAMS KYI GTZO, ,DPAL LDAN 'JIG RTEN GSUM RGYAL PO, ,DRI MA SBYONG BA'I BRTAG PA LAS, ,GANG BSHAD BDUD RTZI'I CHU RGYUN 'DI, ,PADMO DKAR RGYAS 'DAB STONG RNAM PAR BYE BA YI, ,LTE BAR RANG SEMS DRI MED H'Um GI SNYING PO CAN, ,SGRIB TSOGS CHAGS NYAMS DUB KHUG RNA DNGUL GYI TSUL, ,ME LONG NGOS LA G-YA'A DAG JI BZHIN KHEBS PAR BSAM, ,DE YI GTZUG TOR NAS BRGYUD PA, ,DH'U T'I RIN CHEN SPANGS PA YI, ,SBU GU DKAR PO GYEN 'GRENG BA, ,SPYI GTZUG BAR DU GSAL BAR BYA, ,BDAG NYID COD PAN NYI ZLA'I GDAN STENG 'BAR BA LA, ,BLA MA MGON
, ,DANG AA HAm YAB YUM PHYI NANG RIM, ,JI BZHIN SNYOMS 'JUG BDE CHEN SONG NYID BSAM GTAN LA, ,RTAG TU DGES BZHUGS BDAG GI NYAMS PA GSO MDZAD BSGOM, ,PHYI NANG GSANG GSUM MCHOD PA DANG, ,BSTOD SOGS RGYAS PAR BYAS NAS NI, ,'GYOD DANG SDOM DANG DANG BAR BCAS, ,RTZE GCIG BLO YIS GSOL BAR BYA, ,THOG MA KHO NAR BLA MA SNYOMS ZHUGS BYANG CHUB SEMS KYI RGYU RAB DMAR, ,SBYOR MTSAMS NAS SAM NYID KYI RDO RJE RDO RJE RNAM DAG RTZE LNGA LAS, ,BYUNG BA'I ME LCES BDAG LUS KUN KHYAB RLUNG GI SHUGS BCAS DKRUGS PA DANG, ,DNGAR BA'I SHUGS KYIS JI SNYED CHAGS NYAMS DRI MA MA LUS BSREG PAR BYA, ,RDO RJE LHA YANG SNYOMS PAR ZHUGS, ,THIG LE DKAR H'Um BKRU BA DANG, ,DE BZHIN THABS DANG SHES RAB KYANG, ,SNYOMS 'JUG THIG LE SNGON POS GSO, ,CHO GA DAM PA 'DI YIS NI, ,MI GANG SHES DANG MI SHES DANG, ,MA DAD NGA RGYAL MANG BA DANG,, BSNYEN SOGS RGYU YIS LAM NYAMS PA, ,DE DAG MYUR DU GZA' LAS THAR BA'I ZLA BA BZHIN, ,ZLA BA GCIG GAM YANG NA GNYIS NYID DE STE GSUM, ,BRTZON DANG GUS DRAG THE TSOM YID GNYIS BSAL NAS NI, ,RIG MA MCHOG BCAS SNYOMS PAR ZHUGS NA NGES PAR GROL, ,CHAGS NYAMS GSO BA RDZOGS SO,,