, ,BCOM LDAN 'DAS YE SHES 'BAR BA LA PHYAG 'TSAL LO, ,THEG PA MCHOG ZHUGS DE NYID YE SHES MA MTHONG DANG, ,MTHONG BA JI SRID RNAL DU MI GNAS RES 'GA' NYID, ,DE BZHIN RNAM G-YENGS THIBS POR GYUR DANG MTHAR MI 'GRO, ,BLO GROS LAM LTOS DE DAG LAS 'PHAGS 'DIR BSHAD BYA, ,BDAG LUS SPYI GTZUG COD PAN LA, ,DPAL LDAN BLA MA BRGYUD PA'I RIM, ,YE SHES SHING RTA'I RTZA MCHOG LAM, ,DRANG DANG BAR MA CHAD DANG DANGS, ,DE MTHA' SLOB DPON RDO RJE RTZE, ,BDAG GI TSANGS GNAS NAM MKHA'I SGOR, ,A'I: H'Um GNYIS MTSAN REG BSGOMS LA, ,STENG RIM NAS NI GSOL BA GDAB, ,MA LUS YE SHES CAN RNAMS KYIS, ,YANG DAG RIM MDZAD SA BON H'Um, ,PADMA LA NI GE SAR BZHIN, ,MKHAS BAS RAB DAD THUGS KAR BSGOMS, ,ZLA BA LA YANG SKAR MA LTAR, ,RDO RJE 'CHANG CHEN 'OD MTHAR NI, ,BCU DANG GNYIS BCAS AA PHRENG GIS, ,BSKOR BLTAS GSANG SNGAGS BZLAS PAR BYA, ,AOm RATNA GU RU SHR'I AA BA LO KE TE SHVA RA SARBA AIshtA DE BTE MA H'A TIshthA NE MA MA TZI TA TA TA TA DZNY'A NA DZVA LA DZVA LA, PRA TI DZVA LA PRA TI DZVA LA, PRA TYUD PANNA HRi DA YADZVA LA DZVA LA SPA RA nA SA H'Um H'Um H'Um, GSANG SNGAGS RGYAL PO RIG PA CHE, ,RDO RJE 'BEBS PA GDON MI ZA, ,RNAL 'BYOR PHYAG RGYA NGES PA 'DIS, ,THUGS BSKUL YE SHES 'BAB PAR 'GYUR, ,RDO RJE DBANG PHYUG SA BCU'I SNYING, ,BUM PA LAS NI RGYUN BZHIN DU, ,RIM GYIS BDAG SNYING SA BON LA, ,BAB GYUR DE YI GZI BRJID BSKYED, ,'CHAR KA'I 'OD LTAR DMAR BA DANG, ,ZLA RGYAS DKYIL 'KHOR LTAR DKAR NYID, ,DBANG PO'I GZHU MDOG LTA BU YI, ,'OD KYIS BDAG LUS GANG BAR BYA, ,GANG PHYIR BSKAL PA BYE BAR YANG, ,'BAD BYAS DAL BAS YANG MIN LA,,
, ,BDE CHEN 'OD GSAL RNAM MI RTOG ,BLA MA'I DRIN THOB THOB PAR 'GYUR, ,CHU GTER CHE LAS BRLAN PA'I RLANGS BSKYOD DRI MED MKHA' LA MI ZAD SPRIN 'KHRIGS DKA' BA MED, ,RTA BDUN SHAR TSE THIBS POS MA RUNGS GLING RNAMS MI GSAL SNANG BAR BYAS LA DKA' BA MED, , NAM MKHA'I NGOS LA SHUGS DRAG DRAG 'KHRUGS GLO BUR SPRIN BSGRIBS DANGS PAR BYAS LA DKA' BA MED, ,DE BZHIN BDAG GI CHOS KYI RJER GYUR DAM PA'I MTHUS KYANG YE SHES 'BAR BAR DKA' BA MED, ,YE SHES SBAR BA'I GDAMS PA RDZOGS SO,,