, ,THUGS RJE CHEN PO SKU GSUNG THUGS YE SHES RNAM PAR 'PHRUL PA LA PHYAG 'TSAL LO, ,DE NAS SKU GZUGS KYI CHO GA BSHAD PAR BYA STE, MTSAN MA MTHONG BA'I SGRUB PA POS DAM TSIG SBYANGS TE, BYIN GYIS BRLABS PA'I SKU LA BDAR BA'I CHUS LUS BKRUS LA, GNAS PHUN SUM TSOGS PAR BDAG GI LTOS PA DOR BAS BRTZAM MO, ,RGYU DANG NGO BO KHA DOG DANG, ,RAB TU GNAS PA RNAM PAR DAG ,YON TAN DANG NI PHRIN LAS RGYUN, ,BRGYAD PO LA NI CHO GA BRGYAD, ,THUGS DANG
SKU DANG GSUNG NYID DANG, ,YE SHES DANG NI DE KHO NA, ,LNGA NI YI GE LNGAR BCAS LA, ,GZHAN GSUM RANG BZHIN YI GE GSUM, ,H'Um AOm A'A: HR'I: HE HO: PHAt SV'A H'A, 'JIM PA DANG RDO DANG SHING DANG RAS DANG RUS PA DANG RTZIG NGOS DANG RIN PO CHE LA SOGS PA'I RGYU RNAMS NI RDO RJE 'CHANG DBANG PHYUG GI NGA RGYAL GYIS SNYING GI PADMO'I DBUS KYI H'Um RDO RJE SEMS DPA' LAS 'PHROS PA'I THUGS RDO RJE'I RDUL PHRA RAB KYIS GANG ZHING GTAMS PAR BYA'O, ,ZHI BA DANG KHRO BA DANG TSUL GNYIS PA LA SOGS PA'I SKU GZUGS KYI NGO BO RNAMS NI 'KHOR LO CAN DBANG PHYUG GI NGA RGYAL GYIS SNYING GI 'DAB MA'I DBUS KYI AOm 'KHOR LO SEMS DPA' LAS 'PHROS PA'I SKU THUGS RJE RNAM PAR ROL PAS RAB TU BRJID PA'I BDAG NYID DU BYA'O, ,DKAR BA DANG DMAR BA DANG SER BA DANG LJANG GU LA SOGS PA'I KHA DOG RNAMS NI PADMA CAN DBANG PHYUG GI NGA RGYAL GYIS SNYING GI 'DAB MA'I DBUS KYI A'A: PADMO'I SEMS DPA' LAS 'PHROS PA'I GSUNG NYE BAR BKOD PAS SHIN TU KHYAB PAR BYA'O, ,JI LTA BA DANG JI SNYED PA MKHYEN PA ME LONG LTA BU LA SOGS PA'I YE SHES RNAMS NI RIN CHEN 'DZIN DBANG PHYUG GI NGA RGYAL GYIS SNYING GI PADMO'I DBUS KYI HR'I: RIN CHEN SEMS DPA' LAS 'PHROS PA'I YE SHES CHEN PO BSAM GYIS MI KHYAB PAR MNGON PAR BYANG CHUB PAR BYA'O, ,DAG PA DANG DRI MA MED PA DANG YE SHES CHEN PO'I MTSAN NYID LA SOGS PA'I RNAM PAR DAG PA RNAMS NI SNA TSOGS SPYOD DBANG DBANG PHYUG GI NGA RGYAL GYIS SNYING GI PADMO'I DBUS KYI HE, SNA TSOGS SEMS DPA' LAS 'PHROS PA'I RNAM PAR DAG PA MTHAR SON PAR BYA'O, ,DE'I 'OG TU BRAL BA DANG PHUN SUM TSOGS PA LA SOGS PA'I YON TAN RNAMS NI SKU GSUNG THUGS YE SHES KHO NA LNGA PO NYID GNYIS MED DBANG PHYUG GI NGA RGYAL GYIS SNYING GI PADMO'I DBUS KYI HO: GNYIS MED SEMS DPA' LAS 'PHROS PA'I YON TAN DPAG TU MED PA YONGS SU RDZOGS PAR BYA'O, ,LHUN GYIS GRUB PA DANG RGYUN MI 'CHAD PA LA SOGS PA'I PHRIN LAS RNAMS NI SKU GSUNG THUGS YE SHES DE KHO NA LNGA PO NYID RANG BYUNG BA'I DBANG PHYUG GI NGA RGYAL GYIS SNYING GI PADMO'I DBUS KYI PHAt RANG BYUNG SEMS DPA' LAS 'PHROS PA'I PHRIN LAS RTAG TU RTZOL BA MI MNGA' BAR 'JUG PA RNAM PAR 'PHRUL PAR BYA'O,,
, ,SGRUB PA PO DANG RJES SU 'JUG PA LA SOGS PA'I RGYUN RNAMS NI SKU GSUNG THUGS YE SHES DE KHO NA LNGA PO NYID NYE BAR SBYOR BA'I DBANG PHYUG GI NGA RGYAL GYIS SNYING GI PADMO'I DBUS KYI SV'A H'A NYE BAR SBYOR BA'I SEMS DPA' LAS 'PHROS PA'I RGYUN NAM MKHA' JI SRID PAR SBYOR BA DBANG DU 'GYUR BAR BYA'O, ,RANG RANG CHO GA RJES MTHUN PAS, ,JI LTAR BSGRUB PA DGA' BZHIN DU, ,DKA' YANG SKYO BA MED SPYOD NA, ,MI DE MYUR DU DNGOS GRUB BYED, ,GANG ZHIG GANG GI DON 'DOD PAS, ,LHAG MA RAB TU SNYING BRTZES 'JUG ,DE DAG RANG BZHIN STONG NYID SHES, ,RTUL PHOD 'PHAGS SRAS PHYIR MI LDOG ,SKU GZUGS KYI CHO GA RDZOGS SO,,