, ,RGYA GAR SKAD DU, A'ARYA AAshtA MAndA LA KAm N'A MA MAH'A Y'A NA S'U TRA, BOD SKAD DU, 'PHAGS PA DKYIL 'KHOR BRGYAD PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA, DGE SLONG LNGA BRGYA TZAM GYI DGE SLONG GI DGE 'DUN CHEN PO DANG THABS GCIG TU BZHUGS SO, ,BYANG CHUB SEMS DPA' RAB TU MANG PO LA, 'DI LTA STE; BYANG CHUB SEMS DPA' SEMS DPA' CHEN PO RDO RJE SGRA DBYANGS DANG, BYANG CHUB SEMS DPA' SEMS DPA' CHEN PO MI PHAM PA DANG, NGAG MCHOG DANG, BLO GROS MTHA' YAS DANG, DRI MED SNYING PO DANG, YE SHES RGYAL PO DANG, MTHA' YAS SDE DANG, YE SHES SNANG BA DANG, YE SHES SGRON MA DANG, SHES RAB SNANG BA DANG, TSANGS PAS BYIN DANG, BYANG CHUB SEMS DPA' SEMS DPA' CHEN PO LHA'I COD PAN DANG, DE DAG DANG, GZHAN YANG, BYANG CHUB SEMS DPA' SEMS DPA' CHEN PO DBANG CHE BA DBANG CHE BAR GRAGS PA SHA STAG DANG YANG THABS GCIG GO ,DE NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG
RTEN GYI KHAMS GANGG'A'I KLUNG GI BYE MA SNYED 'DAS PA NA 'JIG RTEN GYI KHAMS GZHAN GYIS MI THUB PA'I RGYAL MTSAN ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN SHIN TU YONGS BSGRAGS DPAL ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG GNYIS KYI BYE MA SNYED 'DAS PA NA 'JIG RTEN GYI KHAMS MTHONG DGA' ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KUN TU SNANG BA ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG GSUM GYI BYE MA SNYED 'DAS PA NA 'JIG RTEN GYI KHAMS MNGON PAR DGA' BA MED PA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS G-YUL LAS RNAM PAR RGYAL BA'I DPAL ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG BZHI'I BYE MA SNYED 'DAS PA NA 'JIG RTEN GYI KHAMS SHIN TU RNAM PAR DAG PA'I TSOGS ZHES BYA BA YOD DE, DE NA
, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DBANG PO'I TOG GI RGYAL MTSAN GYI RGYAL PO ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG LNGA'I BYE MA SNYED 'DAS PA NA 'JIG RTEN GYI KHAMS RDUL BRAL TSOGS ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YON TAN MTHA' YAS PA SNANG BA'I DBANG PHYUG RGYAL PO ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG DRUG GI BYE MA SNYED 'DAS PA NA 'JIG RTEN GYI KHAMS SLU BA MED PA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS THOGS PA MED PAR STON PA'I DPAL ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG BDUN GYI BYE MA SNYED 'DAS PA NA 'JIG RTEN GYI KHAMS GSER GYI TSOGS ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN
PO CHE'I PADMA LA RNAM PAR GNON PAS BZHUD PA ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, SANGS RGYAS KYI ZHING 'DI NAS SHAR PHYOGS LOGS SU 'JIG RTEN GYI KHAMS GANGG'A'I KLUNG BRGYAD KYI BYE MA SNYED 'DAS PA NA 'JIG RTEN GYI KHAMS SGRA DBYANGS SNYAN PA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN PO CHE'I PADMA LA RAB TU GNAS PA'I RI DBANG RGYAL PO ZHES BYA BA DA LTAR YANG BZHUGS TE 'TSO ZHING GZHES LA CHOS KYANG STON TO, ,SH'A RI'I BU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BRGYAD PO DE DAG GI SANGS RGYAS KYI ZHING DE DAG NI YONGS SU DAG PA STE, BUD MED MED DO, ,SNYIGS MA LNGA MED DO, ,SH'A RI'I BU, RIGS KYI BU'AM, RIGS KYI BU MO THEG PA CHEN PO LA YANG DAG PAR ZHUGS PA GANG LA LA ZHIG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BRGYAD PO DE DAG GI MTSAN THOS NAS LEN CING 'DZIN LA KLOG CING KUN CHUB PAR BYED DE, 'JUG PAR BYED CING GZHAN DAG LA'ANG RGYA CHER RAB TU STON NA, SH'A RI'I BU, RIGS KYI BU'AM, RIGS KYI BU MO DE SEMS CAN DMYAL BAR 'GRO'AM, DUD 'GRO'I SKYE GNAS SAM, YI DVAGS KYI YUL LAM, LHA MA YIN GYI YUL GYI NANG DU 'GRO BAR 'GYUR BA DE'I GNAS MED DE, GO SKABS MA YIN NO, ,MI KHOM PA RNAMS
, ,SU SKYE BA DE'I GNAS MED DO, ,SH'A RI'I BU, BUD MED KYIS KYANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI MTSAN THOS NAS, BLANGS SHING BZUNG LA BKLAGS SHING KUN CHUB PAR BYAS TE 'JUG PAR BYAS SHING, GZHAN DAG LA'ANG RGYA CHER YANG DAG PAR RAB TU BSHAD NA, SH'A RI'I BU, DE BUD MED KYI DNGOS PO LAN GNYIS LEN PA'I GNAS DE MED CING GO SKABS MA YIN TE, DE'I GNAS MED DO, ,SH'A RI'I BU, RIGS KYI BU'AM, RIGS KYI BU MO THEG PA CHEN PO LA YANG DAG PAR ZHUGS PA GANG LA LA ZHIG GIS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI MTSAN THOS NAS BLANGS SHING BZUNG LA BKLAGS SHING KUN CHUB PAR BYAS TE 'JUG PAR BYAS SHING, GZHAN DAG LA'ANG RGYA CHER YANG DAG PAR RAB TU STON NA, DE LA LHA DANG, KLU DANG, GNOD SBYIN DANG, SRIN PO DANG, MI DANG, MI MA YIN PA DANG, RGYAL PO DANG, CHOM RKUN DANG, ME DANG, CHU DANG, DUG DANG, MTSON CHA LAS 'JIGS PA MI 'BYUNG BAR SHES PAR BYA'O, ,SH'A RI'I BU, RIGS KYI BU'AM, RIGS KYI BU MO THEG PA CHEN PO LA YANG DAG PAR ZHUGS PA GANG LA LA ZHIG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI MTSAN BRJOD DE, NUB MO SROD LA NYAL NA DE BDE BAR
GNYID KYIS LOG PAR 'GYUR, BDE BAR SAD PAR 'GYUR ZHING SDIG PA CAN GYI RMI LAM RMI BAR MI 'GYUR TE, DE GNYID KYIS LOG PA NA'ANG LHA RNAMS BSRUNG BAR 'GYUR RO, ,SH'A RI'I BU, RIGS KYI BU'AM, RIGS KYI BU MO THEG PA CHEN PO LA YANG DAG PAR ZHUGS PA GANG LA LA ZHIG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI MTSAN BRJOD NAS MTSAN MO THO RANGS 'JIG RTEN PA'I BYA BA RNAMS RTZOL NA 'PHEL BA NYID DU 'GYUR GYI 'GRIB PAR MI 'GYUR RO, ,SH'A RI'I BU, RIGS KYI BU'AM, RIGS KYI BU MO THEG PA CHEN PO LA YANG DAG PAR ZHUGS PA GANG LA LA ZHIG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI MTSAN THOS NAS LEN CING 'DZIN LA KLOG CING KUN CHUB PAR BYED DE, 'JUG PAR BYED CING GZHAN DAG LA'ANG RGYA CHER YANG DAG PAR RAB TU STON NA, DE 'DI NAS BZUNG STE BYANG CHUB KYI BAR DU NAM YANG MNGON PAR SHES PA DANG BRAL BAR MI 'GYUR, NAM YANG GZUNGS DANG BRAL BAR MI 'GYUR, NAM YANG DBANG PO MA TSANG BAR MI 'GYUR, NAM YANG MTSAN DANG BRAL BAR MI 'GYUR, NAM YANG SHES RAB SHIN TU RGYAS PA DANG BRAL BAR MI 'GYUR, NAM YANG SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS DANG BRAL BAR MI 'GYUR RO, ,DE 'DI NAS BZUNG STE BYANG CHUB KYI BAR DU
, ,NAM YANG SHES RAB PHUN SUM TSOGS PA SHIN TU RGYAS PA DANG BRAL BAR MI 'GYUR RO, ,BCOM LDAN 'DAS KYIS DE SKAD CES BKA' STZAL TE, BDE BAR GSHEGS PAS DE SKAD GSUNGS NAS, STON PAS GZHAN YANG 'DI SKAD CES BKA' STZAL TO, ,'JIG RTEN MGON PO 'DI DAG GI ,MTSAN RNAMS MI GANG 'DZIN BYED PA, ,DE NI NGAN 'GRO KUN ZLOG NAS, ,RING PO MI THOGS BDE 'GROR 'GRO, ,RDZOGS PA'I SANGS RGYAS MNYES PAR BYED, ,DE YI SEMS NI DAD PAR 'GYUR, ,RTAG TU 'JIG RTEN MGON MTHONG NAS, ,MCHOD PA DAM PA BYED PAR 'GYUR, ,MTSAN RNAMS 'DI DAG 'DZIN BYED PA, ,BSKAL PA BYE BA GRANGS MED DU, ,DE NI 'DU BA'I SGO RNYED CING, ,DE NI RTAG TU BKUR BAR 'GYUR, ,MTSAN RNAMS 'DI DAG 'DZIN BYED PA, ,BSKAL PA BYE BA GRANGS MED DU, ,LHA RNAMS KYIS NI RTAG TU MCHOD, ,MYUR DU BYANG CHUB 'TSANG RGYAR 'GYUR, ,MTSAN RNAMS 'DI DAG 'DZIN BYED PA, ,DE NI SHES RAB 'CHAL BA'AM, ,BLUN PA'AM 'ON PAR YONG MI 'GYUR, ,KUN TU SANGS RGYAS MTHONG BAR 'GYUR, ,SANGS RGYAS RNAMS KYI MTSAN 'DZIN PA, ,DE LA LHA KLU GNOD SBYIN DANG, ,GSANG BA LHA DANG LHA MIN RNAMS, ,NYIN DANG MTSAN DU SRUNG BAR BYED, ,MTSAN RNAMS 'DI DAG 'DZIN BYED PA, ,DE NI GZUGS MTSAN PHUN SUM TSOGS, ,'BYOR BA'I RIGS SU SKYE 'GYUR ZHING, ,
DE NI SBYIN PA'I BDAG POR 'GYUR, ,THUB PA RNAMS KYI MTSAN 'DZIN PAS, ,BSKAL PA BYE BA BRGYA MANG DU, ,DE YI KHA NAS DRI 'BYUNG BA, ,DRI BSUNG ZHIM PO 'BYUNG BAR 'GYUR, ,THUB PA RNAMS KYI MTSAN 'DZIN PA, ,RDZU 'PHRUL CHE ZHING YID GZHUNGS LA, ,'DAB MA BYE BA STONG LDAN PA'I, ,RIN CHEN PADMA SKYE BAR 'GYUR, ,MTSAN RNAMS 'DI DAG 'DZIN BYED PA, ,PHA DANG MA DANG RTZA LAG DANG, ,SPUN RNAMS KYI NI YID 'ONG ZHING, ,NAM YANG PHONGS PA MTHONG MI 'GYUR, ,BUD MED KYIS KYANG BLO LDAN PA, ,DE DAG RNAMS KYI MTSAN THOS NA, ,BUD MED LUS LA YID BYUNG NAS, ,MKHAS SHING SKYES PAR SKYE BAR 'GYUR, ,LUS CAN KUN LA PHAN PA'I PHYIR, ,MYUR DU BYANG CHUB 'TSANG RGYA STE, ,LHA DANG BCAS PA'I 'JIG RTEN GYI, ,RTEN DANG SKYABS SU 'BYUNG BAR 'GYUR, ,DE LA MTSON GYIS MI TSUGS TE, ,DUG GIS MI TSUGS MES MA YIN, ,G-YON CAN DAG DANG CHOM RKUN DANG, ,RGYAL PO'ANG DE LA GNOD MI 'GYUR, ,THUB PA RNAMS KYI MTSAN 'DZIN PA; ;DE LA SDIG DANG LDAN PA'I BDUD, ,NAG PO'I RTZA LAG BZHON BCAS PAS, ,GLAGS NI RNYED PAR YONG MI 'GYUR, ,ZHING RNAMS BYE BA BSAM YAS SU, ,DE NI MKHA' LAS 'GRO 'GYUR TE; ;PHUN SUM TSOGS PA'I ZHING DER NI, ,'JIG RTEN MGON PO RNAMS LA BLTA, ,BRTAN PA SANGS RGYAS RNAMS MTHONG NAS, ,DAD PA BRTAN PO THOB PAR 'GYUR, ,DE YI BSAM PA MKHYEN
, ,NAS SU, ,MI MCHOG RNAMS NI LUNG STON TE, ,THUB PA RNAMS LAS MNGON SUM BDAG ,BYANG CHUB LUNG BSTAN THOS NAS SU, ,RTAG TU DGA' DANG LDAN 'GYUR ZHING, ,DE NI DOGS PA MED PAR 'GYUR, ,MKHAS PA GANG ZHIG MTSAN 'DI DAG ,THOS NAS RAB TU 'DZIN BYED PA, ,DE NI YON TAN 'DI DAG DANG, ,RGYA CHEN GZHAN YANG LOS KYANG 'THOB, ,THUB PA DRANG SRONG CHE GYUR PA, ,'DI DAG RNAMS KYI MTSAN THOS NAS, ,MI GANG MTSAN RNAMS 'DZIN BYED PA, ,RDZU 'PHRUL CHE MKHAS BSOD NAMS 'DOD, ,DE LTA BAS NA BDAG NYID CHE, ,DE DAG RNAMS KYI MTSAN THOS NA, ,SKYES BU MKHAS PAS GZUNG BYA ZHING, ,GZHAN DAG LA YANG BSHAD PAR BYA, ,BCOM LDAN 'DAS KYIS DE SKAD CES BKA' STZAL NAS, ,TSE DANG LDAN PA SH'A RI'I BU DANG, DGE SLONG DE DAG DANG, BYANG CHUB SEMS DPA' DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKYIL 'KHOR BRGYAD PA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO SU RENDRA BHO DHI DANG, ZHUS CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,,