, ,'PHAGS PA SPYAN RAS GZIGS RTAG PA'I RNAL 'BYOR LA PHYAG 'TSAL LO, ,DE NAS, SPYI GTZUG COD PAN RTAG TU 'DZIN, ,ZHES
'BYUNG BA'I SGRUB THAMS BSHAD PAR BYA'O, ,'JIG RTEN MGON PO 'JIG RTEN GYI, ,RTZA LAG GCIG PU LA BTUD DE, ,DE SNYING COD PAN GTZUG TOR GYI, ,RNAL 'BYOR CHO GA BDAG GIS BSHAD, ,DBEN PA'I GNAS 'DUG 'KHOR BA'I ME 'OBS 'BAR BA DANG, ,BDE BA'I RKYEN TSOGS YID SKYO MNGON DGA' DRAG PO YIS, ,THAR PA'I GRONG KHYER RDUL BRAL SKYED MOS TSAL BZANGS SU, ,ZHUGS NAS RJES 'JUG DANG BA DAM PAS SEMS DUL BYA, ,DE NAS RNAL 'BYOR ZHI BA 'DIS, ,BLO LDAN RGYUD RAB BRLAN GYUR PA, ,DE NYID RJES THOGS DPAL GSUM GYI, ,CHO GA DAM PA BSGOM PAR BYA, ,AE MA'O SPYI GTZUG RIN CHEN KHANG, ,BKRA SHIS MCHOD RTEN DRI MA MED, ,THUB PA STONG GIS SPRAS PA'I SGO, ,MGON PO NYID KYIS DBUS MDZES PA'O, ,'DAM SKYES DMAR 'DAB STONG GI SNYING, ,AA STONG DE DBUS SEMS YIG H'Um, ,'OD GSAL DKAR 'KHYIL RNAM PAR 'PHRO, ,BUM PA'I MAR ME 'BAR BA BZHIN, ,DE BZHIN LTE BA'I DKYIL 'KHOR DBUS, ,NYI MA'AM ZLA BA LA GNAS PA'I, ,RLUNG GI RGYAL PO ME YI DBUS, ,BDE BA'I CHUS BRLAN MKHREGS PA'I SA, ,RNAM DAG RNAM PAR 'PHRUL PA'I RGYUD, ,'BYUNG BZHI'I RANG BZHIN RAm YIG BSAM, ,DE LAS 'OD 'PHROS TSA REG 'DIS, ,RTZA MCHOG 'DIS BRGYUD SKYOB PA YIS, ,THUGS REG THUGS BSKUL THUGS BYUNG BA'I, ,BYIN BRLABS ZHI BYED DAG BYED DANG, ,DRI MA MED BYED 'ONG 'PHRO BYED, ,RNAM BZHI BDUD RTZI'I RGYUN DBAB BYA, ,GANG TSE YE SHES MCHOG 'DI BABS GYUR PA, ,DE TSE MI G-YO 'OD GSAL RNAM PAR DAG ,KUN 'BYUNG MTSO CHEN NYI 'DOD SGRON MCHOG DANG, ,NAM MKHA'I YID BZHIN NOR BU JI BZHIN NO, ,BDE CHEN GNYIS SU MED NYED LA, ,JI SRID BZOD PAR NUS RE SRID, ,MNYAM PAR GZHAG BYA MI GNAS NA, ,DE TSE DGE TSOGS DPAG MED BSGRUB, ,DPAL THUGS RJE CHEN PO RTAG TU BYA BA'I RNAL 'BYOR RDZOGS SO,,