, ,'PHAGS PA THUGS RJE CHEN PO DKA' THUB CAN LA PHYAG 'TSAL LO, ,DE NAS, DKA' THUB CHEN PO DKA' THUB MNYES, ,ZHES 'BYUNG BA'I SGRUB THABS BSHAD PAR BYA'O, ,'DIR 'PHAGS PA SPYAN RAS GZIGS DBANG PHYUG LA DAD PA THOB PA'I SKYE BO SRAN THUB PAR NAMS KYIS, DUS DANG CHO GA'I KHYAD PAR LA MA LTOS PAR SHIN TU MYUR DU 'GRO BA BSKYAB PAR 'DOD PAS, ZHAG GCIG GAM GNYIS SAM GSUM MAM BDUN GYI BAR DU BCOM LDAN 'DAS DRANG
, ,SRONG CHEN PO DKA' THUB YID LA BYED PA DANG MI 'BRAL BAS BSGRUB PAR BYA'O, ,'JIG RTEN DBANG PHYUG DRANG SRONG CHE, ,MYA NGAN MED PA'I SDONG BU'I 'GRAM, RI DAGS STAN CAN DKA' THUB TSAL, ,RGYAN SPANGS NYING RJES GDUNGS PA BSGOM, ,MGON PO'I RTEN NI GANG YANG RUNG, ,YE SHES LDAN DE DER BCUG MDUN, ,PHONGS PA DAG NI MYA NGAN GYI, ,CHA BYAD KYIS SMAD KHAS PHUB 'DUG ,LAG PA GNYIS NI 'GRAM BRTEN CING, MI RO BZHIN DU RKANG BRKYANG PA, ,BZA' BTUNG SPANGS DANG GOS BRAL DANG, ,MCHIMS GDONG KHE BAS SMRE SNGAGS BRJOD, ,SPYOD LAM GNYIS TE 'GRO LDOG DANG, ,RING DU ZAG PA DOR PA'O, ,DE BZHIN NGAG GNYIS SMRE SNGAGS BSNGAGS, ,SEMS PA YANG NI GNYIS NYID DE, ,SNYING RJES SKYE BO BSGRAL BA DANG, ,THABS SU 'PHAGS PA MTHONG 'DOD PA'O, ,JI STE SMRA BA LA MNGON PAR DGA' BA ZHIG NA SNGAGS KYI DAM TSIG KYANG BRJOD PAR BYA'O, , NA MA: SHR'I LO KYA N'A TH'A YA, BO DHI SATVA MA H'A SATVA MA H'A K'A RU nI K'A YA, M'A MA TA MU KE MA H'A DU:KHA KLE SHA SARBA A'A BA RA nA KHA SE KHA SE ME KHA SE ME PHAt PHAt, MA MA SH'I GHRAm AA NU GRA HA AA NU GRA HA H'Um H'Um, YID LA BYED PA GZHAN BTANG STE, ,LHA MCHOG SEMS PA GCIG PU YIS, ,SKYE BO NYON MONGS GZIR 'DI DAG ,ZHI BAR BYA PHYIR SMYUNG BAR GNAS, ,YUN RING PHAN PA'I DON MTHONG NAS, ,CUNG ZAD BDE BA CI DGAR RUNG, ,SEMS CAN TSOGS MANG DON DU NI, ,BDAG GIS DKA' THUB BZOD PAR BYOS, ,BAG MED LUS DANG SEMS 'DI NI, ,GNOD PAR BYED KYIS PHAN MI BYED, ,DE RING DKA' THUB SPYAD PA YIS, ,LUS CAN KUN GYI DON SGRUB BO, ,JI LTAR DGRA BO KHROS PA LA'ANG, ,THAL SPYAR SNYING RJE SKYE 'GYUR NA, ,THUGS RJE CHE MNGA' 'GRO DON SDOD, ,BDAG LA JI LTAR GZIGS MI 'GYUR, ,DE LTAR BSTAN PA BZOD LDAN PAS, ,NYIN 'GA' SMYUNG BAR SPYOD NA DE, ,DNGOS DANG GZUGS BRNYAN RMI LAM DU, ,'PHAGS PAS NGES PAR RJES SU 'DZIN, ,THUGS RJE CHEN PO DKA' THUB CAN GYI SGRUB THAMS RDZOGS SO,,