, ,BCOM LDAN 'DAS THUGS RJE CHEN PO NAM MKHA'I MDZOD LA PHYAG 'TSAL LO, ,DE NAS, ,NAM MKHA'I MDZOD NI BRNYES PAS TE, ,ZHES 'BYUNG BA'I SGRUB THABS BSHAD PAR BYA'O, ,SA BCU'I DBANG PHYUG LHA DANG MI YI GTZO, ,BSOD NAMS YE SHES YON TAN RGYA MTSO YI, ,MTHAR PHYIN GTER PHYIN NAM MKHA' MDZOD BRNYES PA, ,'JIG RTEN MGON LA BTUD DE DE BSNYEN BRJOD, ,SNGAGS 'CHANG BDAG DON GZHAN DON THAMS CAD DU, ,ME 'OBS 'BAR BA BSIL KHANG NYAMS DGA' LTAR, ,SHES NAS MI CHAGS CHAGS CHEN RNAL 'BYOR SPYOD, ,MTHA' YAS NAM MKHA'I MDZOD GTER RGYAL BAS GSUNGS, ,PHUN TSOGS TSAL LAM YANG NA DBUL PO'AM, ,YANG NA DGON DBEN YID DGA'I GNAS RNAMS SU, ,SHIN TU GOS GYON ME TOG MAndAL BYAS, ,GDUNG BA SPANGS PAS MGON PO DRAN PAR BYA, ,PADMO ZLA STENG RIN CHEN BUM BZANG DANG, ,'DAB STONG AU DUM B'A RA'I GE SAR RTZE, ,MNYAM MED SA GSUM KHA LO BSGYUR MDZAD PA, ,CHOS RGYAS GSER MDOG 'BAR BAR BSGOM PAR BYA, ,HR'I: LAS SKYE PA'I GZHON NU BLTA NA SDUG PA YID BZHIN GYI SHING LA SKU BRTEN PA, ,G-YON NA PADMO 'DZIN CING G-YAS KYIS NOR RNAMS THAMS CAD SBYIN PAR MDZAD PA DANG, PHYOGS GCIG NA 'PHAGS PA NOR 'PHEL RNGA YAB THOGS NAS NOR GYI RGYUN 'BEBS PA DANG, PHYOGS GCIG NA LHA MO NOR SBYIN MA RIL BA 'DZIN PA NOR BU DMAR PO'I PHRENG BAS BRGYAN PA STE, 'DI DAG NI BTZUN PA SPYAN RAS GZIGS NAM MKHA'I MDZOD BRNYES PA'I BDEN PA'I BYIN RLABS KYI RNAM PAR 'PHRUL PA YIN PAR RIG PAR BYA'O, ,'DI NI BSGOM PAR BYA BA'I GNAS, ,'GRO BA'I GDUNG BA SEL BYED PA, ,BSOD
, ,NAMS SPRIN CHEN GSAL BA'I RGYU, ,GSANG SNGAGS CHAR CHEN NOR SBYIN GZHAN, ,SNYING BRTZE DGA' DANG YID GZHUNGS PAS, ,DON CHEN BYED PA RIG SNGAGS CHE, ,NAM MKHA' MTHA' YAS GZUNGS DANG NI, ,SPRIN CHEN MDZOD KYI RTOG PA'O, ,JI SKAD BSTAN PA'I SNYING PO BZHI, ,NUS GNYIS LDAN PA SNGON 'GRO BAS, ,'BUM PHRAG LNGAR NI BZLAS NAS SU, ,CI YOD LAM CHEN GNAS SU SBYIN, ,SHIN TU PHAN 'DOD GDUNG BA YIS, ,MGON PO LA NI MCHOD PA DANG, ,RANG GI 'TSO BA MA GTOGS PAR, ,THAMS CAD YONGS SU MI GZUNG NGO, ,DE LTAR CHOG SHES GZHAN DBANG G-YO, , SOM NYI SBANGS DANG YANG MED DE, ,DE NI NYIN RE SBYIN NA YANG, 'BYOR PAS GTUGS PAR MI 'GYUR RO, ,THUGS RJE CHEN PO NAM MKHA' MDZOD KYI SGRUB THABS RDZOGS SO,,