, ,SPYAN RAS GZUGS YI GE MED PA LA PHYAG 'TSAL LO, ,DE NAS KHYOD LA YI GE MED, ,CES 'BYUNG BA'I SGRUB THABS BSHAD PAR BYA'O, ,LUS GNAS AA H'Am H'UAm YIG LA, ,KA DANG AA PHRENG PHYOGS BDAG BZHI, ,YE SHES ME LCE LHAN CIG 'JUG ZHUB STONG NYID RNAM DAG GO, ,DE LTAR LHA'I TING NGE 'DZIN DANG LDAN PAS, YI GE CAN GYI RIM PA GNYIS SO, ,'DI LTA STE, 'BAR BA DANG 'BAD PA'O, ,BAB PAS ZAD PAR GYUR PA NA RTZA BA CHAD PAS 'KHOR LO DANG 'KHOR LO CHEN PO THAMS CAD 'TSIG PAR 'GYUR RO, ,TSIG PA RNAM PAR RTOG
PA'I YI GE GSUM YANG NUB PAR 'GYUR TE, BDE LDAN ZAD PAS CHAGS PA DANG, ,'BAR BYED ZAD PAS SDANG BA NYID, ,SA BON ZAD PHYIR GTI MUG KYANG, ,BRLAG 'GYUR YI GE LAS YIG MED, ,LUS MED SEMS NI MI 'GRO MI 'ONG GNAS PA MED, ,SGYU MA'I SKYES BU DGA' DANG GDUNG BA GANG THOB PA, , 'DI NYID CHOS KUN NAM MKHA' LTA BUR SGRUB PO LA, ,YI GE MED PA'I RNAL 'BYOR ZAB MO STON PA YIN, ,GANG ZHIG YID LA BYED NA YANG, ,DE TSE DE NI DE NYID YANG, ,DNGOS PO 'GA' YANG MI BYED PHYIR, ,BDAG NYID YI GE MED PAR BRJOD, ,GANG DU SNANG BA'I YI GE NI, ,DE GNAS PAR NI MI 'GYUR TE, ,GNAS MED GNAS PAR RAB SNANG BA, ,SNANG BA PHYI NANG MED YI GE, ,CHOS KUN YI GE MED MTSAN NYID, ,DE NI GDOD NAS YOD MIN ZHING, ,SLAR YANG YOD PAR MI 'GYUR BAS, ,YI GE THOG MTHA' MED CES BSHAD, ,NGO BO GNAS DANG DUS YIG MED, ,NAM MKHA' LA NI SGRA BLO BZHIN, , BSAM SOGS REG PAR MI NUS PA, ,DE BZHIN NYING YIG MED A'O, ,JI LTA JI LTAR RTOG PA NUB, ,MNYAM PAR GZHAG PA 'OD GSAL BRJOD, ,DE LTA DE LTAR RNAM KUN RTOG ,THAMS CAD DE NYID MTSAN NYID DO, ,ZAB MO LKOG TU MA GYUR DANG, ,BYED BCAS BYED PA MED NYID DANG, ,CI TZAM SNANG BDE TZAM DU, ,DMIGS PA CHAD PHYIR YI GE BRAL, ,DE NAS THUN GYI DUS LA BAB PA NA SLAR YANG GDUL BYA DANG RANG GI BSOD NAMS DANG SMON LAM GYI MTHUS, 'PHAGS PA SPYAN RAS GZIGS BTZUN PA'I CHA LUGS CAN RGYAN SPANGS PAR BLTAS NAS, MTSAN MA G-YENG BAR MI 'GYUR BA'I PHYIR, MCHOD RTEN LA SOGS PA'I LAS BSGRUB PAR BYA'O, ,THUGS RJE CHEN PO YI GE MED PA'I SGRUB THABS RDZOGS SO,,