, ,JO BO THUGS RJE CHEN PO YI GE DRUG PA LA PHYAG 'TSAL LO, ,DE NAS, BDE CHEN SHES RAB SNYING RJE MCHOG ,CES 'BYUNG BA'I SGRUB THABS BSHAD PAR BYA'O, ,BDE CHEN STONG PA NYID BDAG LHA, ,MGON PO NYID DANG SHES RAB MCHOG ,BRTZE CHEN RANG BZHIN NOR BU DANG, ,PADMO 'DZIN LA PHYAG 'TSAL BSHAD, ,RNAL 'BYOR RGYAL PO SHES RAB THABS, ,RIGS 'DZIN DKYIL 'KHOR BLA NA MED, ,DPAL LDAN PHA ROL PHYIN DRUG DNGOS, ,CHO GA'I DAM PA 'DI GSUNGS SO, ,AOm MA nI PADME H'Um, ,GSANG SNGAGS RGYAL PO YI GE DRUG ,LUGS 'BYUNG BA DANG LUGS BZLOG LAS, ,RGYUD DRUG 'GOG DANG LAM DRUG SBYONG, ,'BRAS BU DRUG LA RAB SBYOR NYID, ,DE BZHIN RGYUD DRUG BSKYED PA DANG, LAM DRUG LA NI SBYOR BA DANG, ,'BRAS BU DRUG NI MNGON DU BYA, ,GZI BRJID DRUG PA ZHES BSHAD DO, ,AOm A'A: HR'I:H'Um PHAt, RANG BZHIN GNYIS MED STONG PA NYID, ,CHOS RNAMS KUN GYI MTSAN NYID DE, ,'GAG PA MED DANG GSAL MED DANG, ,MA BSGRIBS 'GRO 'ONG MED MTSAN NYID, ,AOm A'A:HR'I:MA nI H'Um, SHES RAB CHEN PO DRI MA MED, ,RNAM PAR SHES KUN MTSAN NYID DE, ,MA SKYES MI GNAS 'GAG PA MED, ,GDOD NAS RNAM GROL MNGON SUM PA, ,AOm A'A:PADME H'Um, SNYING RJE CHEN PO LHUN GYIS GRUB, ,DMIGS PA KUN GYI MTSAN NYID DE, ,MI PHYED MI 'GYUR 'BRAL BA MED, ,SKYO MED RE BA RNAM SPANGS PA'O, ,CHOS KUN MTSAN MED MKHA' 'DRA'I RNAL 'BYOR DAG PA LA, ,THUGS RJE'I SPYAN
BSKYOD PADMO ZLA DBUS GZHON NU'I SKU, ,ZHAL GCIG PHYAG BZHI JI BZHIN PHYAG RGYAS MTSAN PA DANG, DE BZHIN G-YAS G-YON NOR BU PADMO 'DZIN PA'O, ,DAM TSIG RDO RJE LHA GSUM LA, ,YE SHES MKHA' SPYOD GSUM BCUG LA, ,THUN MONG THUN MONG MA YIN PA'I, ,RNAL 'BYOR RIM PAS BZLAS PAR BYA, ,LHA YI RIM PAS SNGAGS RIM BZHIN, ,RNAM GSUM RDZOGS PA'I RIM PA YANG, ,MKHAS PAS 'BAD DE BSGOM PAR BYA, ,DPAL 'JIG RTEN MGON PO YI GE DRUG PA'I SGRUB THABS RDZOGS SO,,