, ,THUGS RJE CHEN PO YE SHES SEMS DPA' LA PHYAG 'TSAL LO, ,RNAL 'BYOR DBANG PHYUG BYAMS PA DANG, ,SNYING RJE DGA' BA BTANG SNYOMS LAS, ,BYUNG BA'I BYANG CHUB SEMS KYI BDAG ,'JIG RTEN MGON PO LA PHYAG 'TSAL, ,DE ZHABS PADMO LA REG PAS, ,'JIG RTEN SDUG BSNGAL BSGRAL BA'I PHYIR, ,JI BZHIN JI LTAR SGRUB PA'I THABS, ,MDOR BSDUS BDAG GIS BSTAN PAR BYA, ,MKHA' LTAR DRI MED STONG NYID DBYINGS, ,DBANG PO'I GZHU LTAR GSAL BA'I DNGOS, ,PADMO ZLA BA RGYAS LA GSUNGS THUGS 'OD 'PHRO SGYU MA'I RNAM THAR SPRUL PA'I SKU, ,RAB MDZES SKU NI GZI BRJID BRTAN MDZES 'BAR BA'I 'OD ZER DKAR 'KHRIGS PA, ,SKYIL KRUNG PHYED BRKYANG DUL BA'I PHYAG G-YAS MCHOG SBYIN PADMO G-YON GYI PHYAG ,PADMO SDONG MDZES DRI MED 'DAB RGYAS GZHON NU SGEG MO'I THUGS KAR 'DZIN, ,SHEL LTAR DRI MED AUTPAL SPYAN RING KUN NAS YID 'PHROG 'OD 'BAR ZHAL, ,BRTAN PO DKAR GSAL ZLA RGYAS STONG LHAG RAL PA'I COD PAN THUB PA'I GDAN,, 'BAR BA'I RIN CHEN DRI MED SNA TSOGS SHIN TU 'OD SBYANGS LEGS SPRAS MDZES, ,MKHA' LA NYI LTAR LHAM ME LHANG NGE NAM MKHA'I MTHA' GTUGS 'OD 'GYED PA, ,DPE BYANG MTSAN RDZOGS GCIG PU SKYOB PA SKYABS KYI DAM PA BLA MED NI, ,SHIN TU RTOGS DKA' DE NYID BZHIR GYUR SNYING GI
PAD 'DAB HR'I:YIG GIS, ,GANG BA'I PHYOGS RNAMS DE BZHIN DE GZUGS AOm DANG A'A:DANG HR'I:H'Um BSAM, ,DKAR SOGS KHA DOG NGAG GI PHRENG BA YID NI YE SHES YIG 'BRU'I DNGOS, ,BRTZE BA'I RLUNG BSKYOD YE SHES MI 'BAR 'GRO BA'I SDIG TSOGS BUD SHING BSREG ,ZHI BA'I DANG LA GNYIS MED MI DMIGS MKHA' LTAR SPROS BRAL RO GCIG RO, ,BDE CHEN 'BYUNG GNAS YE SHES DRI MED MNYAM GZHAG CHEN POR BSGOM PAR BYA, ,DE RJES MCHOD SOGS DAG PA'I YAN LAG CHO GA JI BZHIN YE SHES SEMS DPA' LEGS BCUG STE, ,RNAM GSUM 'KHOR BA DKAR DMAR SNGO TSUL GO RIMS JI BZHIN SKU GSUNG THUGS, ,MTHO RIS SA STENG NGAN 'GRO'I SAR GNAS SKYE DGU'I SNYING RAB SIM BYED PAS, ,BRTAN G-YO'I MTSAN NYID DAM PA'I ZHAL BZHIN MKHAS PAS RAB TU SHES PAR BYA, ,THUGS RJE CHEN PO YE SHES SEMS DPA'I SGRUB THABS RDZOGS SO,, ,,