, ,SPYAN RAS GZIGS DBANG MGON PO MCHOG LA BSTOD PA YIN, BSOD NAMS GANG ZHING ZLA BA DUNG LTAR DKAR BA DES,,
RGYAL BA KUN GYI SRAS KYI THU BO DE LTA BUR, ,SDUG BSNGAL 'GRO LA MI 'JIGS STZOL BA NYID GYUR CIG ,RAL PA 'CHANG ZHING SHIN TU ZHI BA YANGS PA'I SPYAN, ,RTAG PAR RAB TU DANG BZLA BA'I DKYIL 'KHOR ZHAL, ,LHA DANG LHA MIN RNAMS KYIS ZHABS KYI 'DAM SKYES LA, ,PHYAG BYAS NOR BU PADMA LAS BYUNG MGON POR 'DUD, ,'PHAGS PA 'JIG RTEN DBANG PHYUG LA, KLU'I RGYAL PO NOR RGYAS KYI BUS BSTOD PA, DPAL NAGS KYI RIN CHEN GYI ZHAL SNGAR BSOD NAMS RNAM PAR RGYAL BAS BSGYUR BA'O,,
, ,RGYA GAR SKAD DU, SHR'I A'ARY'A BA LO KE TE SHVA RA SYA STU TI N'A MA, BOD SKAD DU, DPAL 'PHAGS PA SPYAN RAS GZIGS DBANG PHYUG LA BSTOD PA ZHES BYA BA, 'JIG RTEN MGON PO LA PHYAG 'TSAL LO, ,'JIG RTEN BLA MA SRID PA GSUM GYIS PHYAG BYAS PA, ,TSANGS PA MCHOG DANG 'CHI MED BDAG POS BSNGAGS PA STE, ,BSTOD PAS GRUB PAR MDZAD PA THUB PA'I RGYAL PO MCHOG ,SPYAN RAS GZIGS PA'I DBANG PHYUG MGON PO MCHOG GYUR PA, ,GZUGS MDZES BDE BAR GSHEGS PA'I SRAS PO'I TSUL 'DZIN CING, ,SKU YI MCHOG NI MTSAN GYIS ME TOG GIS BRGYAN PA, ,BDE BAR GSHEGS PA 'DOD DPAG MED PA'I DBU RGYAN 'DZIN, ,G-YON PA'I PHYAG NI GSER GYI PADMAS RNAM PAR BRGYAN, ,G-YAS PAS YI DAGS BKRES PA'I GDUNG BA SEL BAR MDZAD, ,DRI MED DMAR SER RAL BA GYA GYU DUB 'DRA,,
, ,ZLA BA'I GZUGS BRNYAN YANG DAG RGYAS SHING GANG 'DRA'I ZHAL, ,MCHOG TU MDZES PA'I SPYAN NI PADMA LTA BUR YANGS, ,KHA BA DUNG LTAR RNAM PAR DKAR BA'I 'GRAM DOGS CAN, ,LTE BA'I GNAS NI CHU SKYES DKAR PO DANG MTSUNGS SHING, ,SKU DANG PHYAG MTHIL PADMA'I 'DAB LTAR SHIN TU MNYEN, GZHON NU'I NA TSOD CHAGS PA'I TSON GYIS MA GOS PA, ,ME TOG PHRENG BA MANG PO'I SBYOR BAS RNAM PAR BRGYAN, ,ZHAL GYI SBU BAS NAS RI DAGS RGYAL PO'I NGA RO DANG, ,STON KA'I CHU 'DZIN 'BRUG GI SPRIN SGRA SGROGS PA BZHIN, ,NU MA G-YON DU RI DAGS PAGS PAS NGES PAR BKAB, ,NOR BUS SPRAS PA'I SKA RAGS SKU LA 'CHANG BA STE, ,STA ZUR RNAM PAR DKRIS PA'I RAS KYI GOS BZANGS 'DZIN, ,NOR BU'I RKANG GDUB MDZES PAR BRGYUS PA ZUNG GI ZHABS, ,GLANG PO RNAM PAR RTZEN PA DAG DANG NGANG PA'I 'GROS, ,YID BZHIN NOR BU DPAG BSAM SHING 'DRA NGO MTSAR GZUGS, ,DPAL LDAN PO TA LA YI GNAS SU NGES BZHUGS TE, ,BSAM GTAN BZHI LA MNYAM PAR GZHAG PA'I SPYAN MNGA' ZHING, ,DGA' DANG SNYING RJE'I RANG BZHIN G-YO ZHING MDZES PAR GZIGS, ,DER GNAS DON GYI PHYAG GIS RIMS DANG NAD 'PHROG BYED, ,DGE ZHING ZHI BYED BDE BA MANG POR MDZAD PA'I PHYAG ,BSOD NAMS MANG PO NYE BAR BSAGS PA'I PHYAG MTHIL CAN, ,SRID GSUM MTHAR BYED SA DANG NAM MKHAR SPYOD RNAMS KYIS, ,BSNGAGS PA'I SKU NI RNAM PA SNA TSOGS MI 'KHRUGS SHING, ,'O MA'I CHU GTER RGYA MTSO LTA BUR RTAG TU GNAS, ,RGYAL BA'I YE SHES RGYA MTSON CHEN PO'I PHA MTHAR SON, ,PHA ROL PHYIN BCU BDUD KYI STOBS LAS NGES PAR RGYAL, ,TSANGS PA'I GNAS BZHIS DBEN PAR SPYOD MDZAD DAM PA'I DON, ,GNYIS MED YE SHES DE BZHIN NYID DU RNAM SANGS RGYAS, ,BCOM LDAN 'PHAGS PA SPYAN RAS GZIGS DBANG BSTOD PHYAG 'TSAL, ,DGE SLONG MA ZLA MDZES KYIS BSTOD PA MDZAD PA RDZOGS SO,, ,, 'DI NI RGYA GAR SHAR PHYOGS KYI BTZUN PA TZANDRA SHR'I'I NGAG LA 'BYUNG BA DANG RGYA DPE LA BSTUN NAS, DGE SLONG BSOD NAMS RNAM RGYAL GYIS BSGYUR BA'O,,