, ,RGYA GAR SKAD DU, ,A'ARY'A BA LO KI TE SHVA R'A YA STO TRA, BOD SKAD DU, 'PHAGS PA SPYAN RAS GZIGS DBANG PHYUG LA BSTOD PA, 'JIG RTEN DBANG PHYUG LA PHYAG 'TSAL LO, ,PADMA DKAR PO 'DAB BRGYAD KYI, ,GE SAR DKYIL NA SPYAN RAS GZIGS, ,MAN 'DZI'I RI DANG MCHOD PHRENG G-YAS,, G-YON PA PADMO ZHAGS PA 'DZIN, ,SPYAN GSUM DBU LA 'OD DPAG MED, ,SHEL GYI RI LTAR DKAR BA STE, ,RIN CHEN RGYAN GYIS RNAM PAR SPRAS, ,MA CHAGS DKYIL 'KHOR GTZO LA BSTOD, ,DON YOD ZHAGS PA SDUG BSNGAL 'DREN, ,SPYAN GSUM PHYAG BZHI RGYAN GYIS BKLUBS, ,RDO RJE DANG NI ZHAGS PA G-YAS, ,G-YON PA PADMO LCAGS KYU DANG, ,'OD DPAG MED KYI DBU RGYAN MTHO, ,DMAR SKYA PHYED BA SKUM PHYED LDAN BSTOD, ,KRO DHA MGRIN SNGON GDUG PA SEL, ,ZHAL GCIG SPYAN GSUM PHYAG BZHI STE, ,G-YAS NA RDO RJE BE CON 'DZIN, ,SDIGS MDZUB PADMA ZUM PHA G-YON, ,SBRUL DANG STAG LPAGS SKU BRGYAN PA, ,DMAR PO RTA DBUR LDAN LA BSTOD, ,DO KER GCIG MA BRAN BZHIN NYAN, ,SPYAN GSUM PHYAG BRGYAD SHIN TU KHRO, ,RDO RJE RAL GRI BE CON DANG, ,THOD BA G-YAS NA 'DZIN PA STE, ,DGRA STE SHAKTI THOD ZHAGS G-YON, ,MTHING NAG GLANG GZIGS DPA' GANG BSTOD, ,KHRO GNYER CAN NI
BKA' BZHIN BYED, ,ZHAL GCIG SPYAN GSUM PHYAG BZHIR LDAN, ,BGRANG PHRENG PHYAG 'TSAL THAL MO G-YAS, ,G-YON NA DBYUG PA GUNDHE 'DZIN, ,RIN CHEN RGYAN LDAN SHEL LTAR DKAR, ,SKYIL KRUNG PHYED PA'I GAR LDAN BSTOD, ,TSIM PAR MDZAD DANG MDZES PAR MDZAD, ,SNANG BAR MDZAD DANG BDE BAR MDZAD, ,RGYAL BA'I YON TAN MDZES TSUL 'DZIN, ,LHA MO RMAD BYUNG BZHI LA BSTOD, ,SGO YI DBUS NA BZHUGS PA GANG, ,LCAGS KYU ZHAGS PA LCAGS SGROGS DRIL, ,TSAD MED BZHI YI NGO BO NYID, ,SGO SKYONG RNAM PA BZHI LA BSTOD, ,TSANGS DBANG DRAG PO NYI ZLA DANG, ,PHYOGS BZHI'I 'JIG RTEN SKYONG LA SOGS, ,GTZANG MA RIGS KYI SRUNG MAR BCAS, ,RNAM KUN 'KHOR LDAN KUN LA BSTOD, ,MI RTOG YE SHES KHYAD PAR LAS, ,SEMS CAN KUN LA THUGS BRTZE'I PHYIR, ,PHRIN LAS BZHI YIS DON MDZAD PA, ,DKYIL 'KHOR GRVA GNAS BZHI LA BSTOD, ,KHYOD KYI YON TAN DPAG MED LAS, , SHIN TU PHRA BA'I CHA BLANGS NAS, ,MNGON SUM LTA BUR DAD DMIGS PAS, ,KHYED LTAR YON TAN RAB RDZOGS SHOG ,'PHAGS PA SPYAN RAS GZIGS DBANG PHYUG 'KHOR DANG BCAS PA LA BSTOD PA, SLOB DPON TZANDRA GO MIS MDZAD PA RDZOGS SO,,