, ,RGYA GAR SKAD DU, ,A'ARY'A BA LO KI TE SHVA RA SYA TZARPPA tI RU TZI TA STO TRAm, BOD SKAD DU, 'PHAGS PA SPYAN RAS GZIGS DBANG PHYAG LATZARPPA tIS BSTOD PA, 'JIG RTEN MGON PO LA PHYAG 'TSAL LO, ,LHA MI LHA MIN GYIS NI ZHABS LA BTUD, ,SKYE RGA NA DANG 'CHI BA RAB TU BCOM, ,THUGS RJE'I DANG CAN 'JIG RTEN DBANG PO KHYED, ,SKYABS MED BDAG LA SNYING RJE MDZOD CIG KYE, ,NYON MONGS RLABS CHEN TSOGS KYIS 'JOMS BYED CING, ,SNA TSOGS SGRA SGROGS 'KHOR BA'I CHU GTER DBUS, ,BYING BA BDAG NI ZUNG LA BSRUNG BAR MDZOD, ,BRTZE BA CHEN PO KHYED LA BSTOD PAR BGYID, ,SRID PA'I MUN PAS MIG LA NYER 'TSE ZHING, ,'CHI BA'I 'JIGS PA CHEN POS LUS NYAM CHUNG, ,JI SRID MNAR MED MI MNYAM 'GRO MIN PAR, ,BSRUNG LA BCOM LDAN BDAG LA KUN TU GZIGS, ,RTAG TU GZHAN GYI BUD MED GZUNG BA BYAS, ,MI SHES PA YIS SROG
, ,CHAGS STONG PHRAG BSAD, ,BDAG GI SDIG BYAS DENG DU MGON PO YIS, ,LUS CAN SKYON RNAMS MA LUS NYAMS PAR MDZOD, ,GANG ZHIG 'TSO BA DANG NI BKUR STI'I PHYIR, ,BDEN MIN 'JIG RTEN 'DOD PA MIN PA SMRAS, ,DMYAL BA YUN DU GOMS PA'I SMRA BA CAN, ,DE KUN 'JIG RTEN DBANG POS ZHI BAR MDZOD, ,BDAG GIS SEMS CAN PHAN MIN GANG BSAMS DANG, ,GZHAN GYIS BYA LA'ANG RJES SU YI RANG PA, ,MGON PO DE LA DU BAR BGYID PA NA, ,DENG BDAG YID KYI SDIG PA BSAL DU GSOL, ,LHA DANG MI DANG LHA MIN RIS RNAMS DANG, ,DUD 'GRO YI DGAS DMYAL BAR 'GRO BA NAm, ,GNAS SHING RTAG TU GDUNG BA'I SEMS CAN GANG, ,KHYOD NI DE RNAMS BSRUNG ZHES BDAG LA GRAGS, ,DE PHYIR GZHON NU NYING SONG LUS LA NI, ,THUGS RJE'I GZIGS PA BDAG GI STENG SPROS ZHES, ,DMYAL BAR ZHUGS PA MIN PA JI SRID DU, ,SMRA BAR BGYID YIS BCOM LDAN KHYED KYIS GSON, ,'ON KYANG GZHAN GYI DON LA BTANG SNYOMS PA, ,DOR ZHIG BCOM LDAN BDAG DON MA MDZAD DO, ,YANG NA BRTZE BA'I DBANG GYUR KHYOD KYIS NI, ,BSOD NAMS BSKYED MDZOD RGUD PA MA GZIGS SAM, ,DRAN PAS KYANG NI KHYOD NI YONGS TSIM NA, ,SDIG PA DOR BAR MDZOD CIG MA GZIGS SAM, ,DE SLAD BCOM LDAN GZHAN PHAN LA MKHAS PA, ,BDAG NI 'DOR BAR MA MDZAD 'DI RU SRUNGS, ,GLANG CHEN RTA DANG BUR BCAS CHUNG MA DANG, ,DMAG BCAS RGYAL SRID KHANG PA SNA TSOGS DANG, ,SHA RUS MGO DANG PHRAG GI MTHAR THUG PA, ,DON DU GNYER LA MTHA' DAG KHYOD KYIS BYIN, ,SU ZHIG 'JIG RTEN DBANG PO KHYOD MNYES BYAD, ,RI LU MIG SMAN MCHIL LHAM GRUB PA DANG, ,GRUB PA'I SMAN DANG NOR BU RNAM DAG SNGAGS, ,GNOD SBYIN MO DANG GRONG 'JUG SGRUB PAR BYED, ,GANG DAG MIG DANG RKANG LAG SMRAS PA YI, ,SNA TSOGS NAD KYIS 'JIG RTEN NYAM THAG PA, ,KHYOD MNYES NA NI DE RNAMS YONGS RGYAS LUS, ,RNAM SGEG NAD MED YON TAN ZAB MOR 'GYUR, ,KHYOD DGYES GANG LAGS RGYAL 'GYUR GA RU dA, ,GCAN GZAN GZA' DANG MKHA' 'GRO RNAM 'BYOR MA, ,RTAG TU ZHI 'GYUR DE YI MDUN DU NI, ,GSHIN RJE'I PHO NYA RGYU BAR MI BYED
DO, ,'JIG RTEN DBANG PHYUG DGYES BZHIN SKYABS MED BDAG ,'DOR BA CI ZHES BCOM LDAN BDAG SMRE STE, ,NYI MA SO SOR LAG PA BSGRENG BYAS NAS, ,TSIG 'KHRUGS PA YI SKRAG BZHI BAR MDZOD, ,'KHRUGS PA'I LUS KYIS SONG BA'I SKYE BAR BDAG ,YUL DRUG LA NI DBANG PO G-YO BA'I YID, SDIG PA MANG BYAS 'DIR NI MA LUS PA, ,DBRES PA'I RGYU YIS 'KHOR ZHING RNAM PAR 'DZINGS, ,GANG GIS NGAN SONG SDUG BSNGAL MA MYONG BAR, ,BDE 'GROR MNGON SUM 'GRO DE KHYED KYIS MDZOD, ,DENG BDAG 'JIG RTEN DBANG LA PHYAG DANG ZHING, ,SNA TSOGS THAL SBYAR 'DI NI PHYAG GI'O, ,KHYOD NI RMONGS DANG SDAD PA 'JIG PA'I RGYU, ,'KHOR BA'I CHU GTER CHEN PO'I ZAM PA LAGS, ,LTUNG ZHING SKRAG PA SLOD BA'I DPUNG PA KHYOD, ,SDIG LCI MTSAN MOR BYED PA'I SGRA GCAN NO, ,BLA MED BDE GSHEGS KYIS GSUNGS DE NYIS KYIS, ,KHYOD KYIS SEMS CAN SDUG BSNGAL MANG PO BSKYANG, ,RGYAL DKA' YID SRUBS BDUD LAS KHYOD RGYAL TE, ,KUN TU GROL BA SRID MTSO'I PHA ROL LO, ,NAD KUN GCOD PAR MDZAD PA KHYOD KYI SKU, ,MA LUS 'GRO BAR MCHOG TU LUS MDZES PA, ,BCOM LDAN DPE MED SNYING RJE'I SIN DHU KHYOD, ,RGYU MED GNYEN DU SKYE BO RNAMS LA GRAGS, ,ROL PAS DBANG PO 'JOMS SHING RNAM PAR BYED, ,KHYOD NI YUL LA KUN NAS CHAGS PA 'DOR, ,LHA YI BSAM GTAN MNYAN BZHAG KHYOD KYI THUGS, ,NOR NI SLONG BA PO DANG THUN MONG LAGS, ,BRTZE LDAN KHYOD NIG ZHAN LA PHAN MDZAD KYANG, ,GTI MUG LTO 'PHYE CHEN POS SOS ZIN CING, ,YUL LA KUN RTOG DGE BA LAS LTUNG BA, ,BDAG NI TSIM PAR MI MDZAD CI LTAR LAGS, ,MTHA' DAG 'GRO BA'I DON BSTEN SNYING RJE GANG, ,KHYOD KYIS SPROS DE NGES PA LAGS SAM CI, ,KHYOD KYI SPYAN SNGAR SNA TSOGS SGRA SGROGS PA'I, ,SDIG LDAN BDAG LA GANG LAS BSRUNG MI MDZAD, ,MGON KHYOD SNYING RJE NAM MKHA' LAS YANGS TE, ,SEMS CAN RNAMS LA CHU 'DZIN CHU RGYUN LTAR, ,MYA NGAN CHU DANG MTHO DMA'I YUL KUN TU, ,MA LUS NYIN MTSAN PAR MED 'BAB PAR 'GYUR, ,BCOM LDAN DAG LAS BDAG GIS BSOD NAMS GANG, ,DE NI 'GRO 'DIS BDE BLAG THOB GYUR TE, ,DPAL LDAN PO TA LA YI RI BOR GNAS, ,MDZES ZHING SNA
, ,TSOGS ROL PAS SKYE BAR SHOG ,'PHAGS PA 'JIG RTEN DBANG PHYUG GI BSTOD PA GRUB THOB CHEN PO TZARPPA tIS MDZAD PA RDZOGS SO,, ,,RGYA GAR SHAR PHYOGS KYI PAndI TA CHEN PO NAGS KYI RIN CHEN GYI ZHAL SNGA NAS DANG, LO TZ'A BA 'GOS GZHON NU DPAL GYIS BSGYUR BA'I,,