, ,RGYA GAR SKAD DU, ,A'ARYA MANYDZU SHR'I S'A DHA NAm, BOD SKAD DU, 'PHAGS PA 'JAM DPAL GYI SGRUB PA'I THABS, ,'JAM DPAL GZHON NUR GYUR PA LA PHYAG 'TSAL LO, ,TSAD MED PA DANG BYANG CHUB SEMS BSKYED DE, ,SNGAGS 'DI BRJOD CING MI DMIGS STONG PAR BSGOM, AOm SVA BH'A BA BI SHUDDHA: SARBA DHARMMA:SVA BH'A BA BI SHUDDHONYA\ HAm, STONG NYING NGANG LAS BAm PAm AA DKAR LAS, ,RGYA MTSO'I STENG DU PADMA ZLA BA BSAM, ,DE STENG RANG SEMS AA DKAR NYID GYUR LAS, ,'OD 'PHROS DON BYAS 'DUS PAR LTAR GYUR TE, ,ZHAL GCIG PHYAG GNYIS MCHOG SBYIN AUTPAL BSNAMS,, RDO RJE'I SKYIL KRUNG 'OD ZER RAB 'PHRO BA, ,DAR DKAR NA BZA' RIN CHEN RGYAN GYIS SPRAS, ,STON ZLA'I MDOG CAN LANG TSO LDAN PA BSGOM, ,AOm B'A KYEE DAm NA MA:RIG SNGAGS RGYAL PO 'BUM PHRAG GCIG GIS 'GRUB, ,ZLA BA GCIG GIS BLO 'PHEL RIG PA 'DZIN, ,DNGOS SAM RMI LAM NYID DU MTHONG THOS 'GYUR, ,GRUB PA'I MTSAN MA GZHAN YANG SNANG BAR 'GYUR, ,NYI ZLA GZAS ZIN DUS SU MA SHA NYID, ,DAR DKAR GYIS DRIL LCE 'OG BCUG LA BZLAS, ,MYU GU BYUNG GYUR 'DI NI GRUB PA YIN, ,YANG NA RAL GRI NYID BZUNG RIG 'DZIN 'GYUR, ,GRE PHUGS AA DKAR DAG LAS 'OD 'PHROS PAS,,
RGYAL BA KUN GYI BLO GROS DPAG MED DAG ,'DUS NAS KHONG DU THIM PAS LUS KUN KHENGS, ,MI BRJED DRAN PA'I GZUNGS NI THOB PAR 'GYUR, ,SNYING DBUS ZLA BA'I DKYIL 'KHOR RTZIBS DRUG LA, ,'BRU DRUG YI GE BKOD LA G-YAS G-YON BSKOR, ,SHUGS DRAG RTZE MO RNO ZHING RAB DKAR BAS, ,NYES 'JOMS STOBS LDAN MYUR 'DZIN RAB GSAL 'GYUR, ,PHA ROL PHYIN DANG BSTOD PA MANG PO DANG, ,MTSAN NAS BRJOD DANG MCHOD PA SNA TSOGS DANG, MAndAL DBUL ZHING GSOL BA GDAB PAR BYA, ,'DI NI MYUR DU 'GRUB PAR 'GYUR BA YIN, ,'JAM PA'I DBYANGS KYIS BYIN GYIS BRLABS PA'I PAndI TA CHEN PO MA TIS MDZAD PA RDZOGS SO,, SHIN GAR SHAR PHYOGS DZA GA T'A LA'I PAndI TA CHEN PO D'A NA SH'I LAS BOD YUL GYI DBUS DRANG SRONG SRIN PO'I RIR LHA'I SKAD LAS BOD KYI BRDAR 'KHRUL PA MED PAR BSGYUR BA'O,,