, ,RGYA GAR SKAD DU, NA PA KUm KU MA STA BA, BOD SKAD DU, GUR KUM GZHON NU LTA BU'I BSTOD PA, ,'JAM DPAL GZHON NUR GYUR PA LA PHYAG 'TSAL LO, ,GUR GUM GZHON NU'I GE SAR MDANGS 'DRA'I SKU, ,LHAG PAR CHAGS SHING MOS PA 'DZIN 'DI NI, ,'GRO BA RJES SU CHAGS PAS 'DUL GZIGS NAS, ,THUGS RJE NYID KYIS GZHAN GYI DBANG DU BZUNG, ,CHAR SPRIN GZHON DANG ZLA BA LTA BU'I ZHAL, ,GNYIS KYI BAR NA GNAS PA RAB MDZES PA, ,'CHAR KHA'I NYI MA'I ZER GYIS PHOG PA YI, ,GSER GYI PADMA LTA BU ROL PA'I ZHAL, ,THUB PA YAN LAG DRI MED RIN CHEN BRGYAS, ,BRGYAN CING YID 'OD 'OD ZER RAB 'PHRO BA, ,CHAR SPRIN GZHON NU GLOG GIS BSKOR 'DRAS NI, ,SPRAS PA KHYOD KYI COD PAN STENG NA 'DZIN, ,'CHAR KHA'I ZER GYIS PADMA DMAR PHOG PA'I, ,
, ,MDANGS 'DRA DGE BA'I MTSAN DANG RGYAN GYI GZHI, ,KHYOD KYI PHYAG NA RAL GRI MDA' DAG DANG, ,AUTPAL SNGON PO DANG NI GZHU DAG 'DZIN, ,KHYOD KYI 'OD KYI PHUNG POS PHYOGS MTSAMS SU, ,THUB RNAMS RAB SKYED YON TAN RAB RGYAS BYAS, ,YANG YANG RAB 'PHROS YANG YANG RAB BSDUS PAS, ,GDUL BYA'I BLO YI MA RIG MUN PA 'JOMS, ,BCOM LDAN SRID PA'I 'JIGS PA SEL MDZAD LA, ,TSAD MED MCHI MAS MIG BRLAN BKANG BYAS NAS, ,THAL SBYAR SPYI BTUD PA SPU LANGS PA YIS, ,THUGS RJE CAN LA MOS PAS GUS PHYAG 'TSAL, ,SRID PA'I SDUG BSNGAL GYIS BSDAMS 'GRO GSUM PO, ,THUGS RJE CHEN POS 'GREL BAR MDZAD PA LA, ,LUS DANG BCAS PAS PHYAG 'TSAL DAG DANG YANG, ,PHYAG 'TSAL YID KYIS GUS PAS PHYAG 'TSAL LO, ,KHYOD 'BANGS SKYE BO SKYABS GZHAN MA MCHIS PAS, ,'DI NI YANG DANG YANG DU SLONG LAGS SO, ,BDAG NI SKYE BA SKYE BAR MGON KHYOD LA, ,SKYABS SU MCHI YIS SRID PA'I SDUG BSNGAL SOL, ,GUR GUM GZHON NU LTA BU'I BSTOD PA, SLOB DPON SENG GE MI G-YO BAS MDZAD PA RDZOGS SO,, ,,RGYA GAR GYI MKHAN PO D'I PAm KA RA SHR'I DZNY'A NA DANG, ZHU CHEN GYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,,