, ,RGYA GAR SKAD DU, ,A'ARYA B'A G'I SHVA RA STO TRAm, BOD SKAD DU, 'PHAGS PA NGAG GI DBANG PHYUG LA BSTOD PA, 'PHAGS BDAG GI DBANG PHYUG LA PHYAG 'TSAL LO, ,GZHON NU YID 'ONG MDZES PA'I CHA LUGS CAN, ,NYON MONGS RNAM DAG PUndA R'I KA'I MDOG ,ZLA BA BYA BA'I MDOG CAN MTSUNGS MED SKU, ,'JAM DBYANGS SNYING RJE CAN LA PHYAG 'TSAL LO, ,NGAG GI NYES SPANGS KA LA PING KA'I GSUNG, ,STONG NYID ZAB MO'I SGRA NI BSGRAGS PA YIS, ,'GRO KUN MA RIG GNYID LAS SAD MDZAD PA, ,'JAM DBYANGS DAG PA'I GSUNGS LA PHYAG 'TSAL LO, ,GNYIS MED BDE CHEN MTHA' DANG BRAL BA'I THUGS, ,MKHA' LTAR TSAD MED 'GRO BA KUN LA GZIGS, ,SGYU MA'I TSUL GYIS 'GRO DON RDZOGS MDZAD PA, ,'JAM DBYANGS SPROS BRAL THUGS LA PHYAG 'TSAL LO, ,
MI RTOG YE SHES DON GYI 'KHOR LO DANG, ,DMIGS MED THUGS RJE DRA BAS 'BREL PA YIS, ,SRID GSUM 'KHOR BA'I DRA BA GCOD MDZAD PA'I, ,MGON PO DRA BA CAN LA PHYAG 'TSAL LO, ,SHES RAB MIG GIS 'GRO BA KUN LA GZIGS, ,'OD GSAL DRI MED SHES RAB ZLA 'OD KYIS, ,MA RIG MUN NAG THIBS PO SEL MDZAD PA'I, ,MGON PO ZLA 'OD DE LA PHYAG 'TSAL LO, ,BDE CHEN DON MTSON SHES RAB MA YI GZUGS, ,'GRO LA CHAGS PA'I SPYAN NI ZUR GYIS BLTA, ,BDAG MED SENG GE'I SGRA CHEN SGROGS MDZAD PA'I, ,LHA MO SKRA CAN MA LA PHYAG 'TSAL LO, ,GZUGS DANG LANG TSOS RNAM SGEG BUD MED TSUL, ,THABS DANG SHES RAB YONGS RDZOGS NU MA RGYAS, ,GZHAN DON MDZAD LA NYE BA'I DGONGS PA CAN, ,NYE BA'I SKRA CAN MA LA PHYAG 'TSAL LO, ,KYE MA MGON PO 'JAM PA'I DBYANGS, ,MI DGE'I SEMS LAS BZLOG TU GSOL, ,RMI LAM DU'ANG SDIG PA'I SEMS, ,PHYIN CHAD 'BYUNG BAR MA GYUR CIG, BDAG NI TSE RABS THAMS CAD DU, ,'JAM DBYANGS KHYOD LA RTZE GCIG GIS, ,BSAM PA GUS PAS GSOL 'DEBS SHING, ,RTAG TU SGRUB PAS MNYES BYED SHOG ,KYE MA 'JAM DBYANGS SNYING RJE CAN, ,DUS GSUM GSHEGS PA'I LAM CHEN NAS, ,BYANG CHUB SEMS KYI SHING RTA DANG, ,'DREN PA'I BSHES GNYEN KHYOD KYIS MDZOD, ,'PHAGS PA NGAG GI DBANG PHYUG GTZO 'KHOR LNGA PA'I BSTOD PA PAndI TA THIG LE BUM PAS MDZAD PA RDZOGS SO,,