, ,RGYA GAR SKAD DU, ,MANYDZU SHR'I TZA LA KRA, BOD SKAD DU, 'JAM DPAL G-YO BA'I 'KHOR LO, 'JAM PA'I DBYANGS LA PHYAG 'TSAL LO, ,SNGON DU 'GRO BA BSOD NAMS KYI TSOGS LA, ,MDUN GYI NAM MKHA' LA RANG GI BLA MA DANG 'JAM DBYANGS LA SOGS PA SANGS RGYAS DANG BYANG CHUB SEMS DPA' DPAG TU MED PA BZHUGS PAR BSAMS LA YAN LAG BDUN PA RGYAS PAR BYA, DE NAS TSAD MED PA BZHI BSGOM DNGOS PO THAMS CAD RMI LAM LTA BU'I BLO NYE BAR GZHAG,
RANG GI LUS DBUL, ,DE NAS DRI BZANGS KYI CHUS CHAG CHAG BTAB LA STAN BDE BA'I STENG DU TING NGE 'DZIN SKYE BA DANG MTHUN PA'I LUS KYI RNAL 'BYOR DANG LDAN PAS CHOS THAMS CAD STONG PA NYID DU BSGOM STE, BYIN GYIS RLOB PA'I SNGAGS, SVA BH'A BA LA SOGS KYANG BRJOD DO, ,DE LAS SKYO BAR GYUR NA GANG DU YANG MA GRUB PA'I NGANG LAS RANG GI SNGAR GYI GDAN GANG NA YOD PA'I SAR AA DKAR PO YONGS SU GYUR PA LAS ZLA BA'I DKYIL 'KHOR DE'I STENG DU YI GE DH'I: 'OD KYI PHUNG PO RAB TU 'BAR BSAMS LA DE LAS 'OD ZER 'PHROS PAS PHYI ROL GYI SNOD DANG, NANG BCUD GYI DNGOS PO GANG LA PHOG PA RNAMS 'PHAGS PAR GYUR, DE RNAMS 'OD ZER GYIS DH'I: LA BSDU, DE YONGS SU GYUR PA LAS 'PHAGS PA SKU MDOG DKAR PO, ,ZHABS RDO RJE'I SKYIL KRUNG DU BZHUGS PA, PHYAG G-YAS NA RAL GRI, G-YON GYIS THUGS KAR PU STI BZUNG BA, ZHAL CUNG ZAD 'DZUM PA PADMA KHA BYED BA LTA BU'I SPYAN DKYUS RING BA, DBU LA GTZUG PHUD LNGA 'PHYANG BA, RIN PO CHE'I RGYAN MANG PO MDZES PA, BCU DRUG LON PA'I KHYE'U LTAR GZHON SHA DANG BCAS PA ZLA BA BYE BA'I GZI BRJID LTAR 'OD ZER RAB TU 'BAR BA'I SKU BSKYED DE, DE'I THUGS KAR AOm 'OD ZER GYI PHUNG PO CAN YONGS SU GYUR PA LAS 'KHOR LO RTZIBS BRGYAD PA KHA DOG SHIN TU DKAR ZHING 'OD ZER DPAG TU MED PA 'PHRO BA, DE'I STENG DU AA LAS ZLA BA'I DBUS SU AAm YONGS SU GYUR PA LAS 'JAM DBYANGS, SHAR DU RAm YONGS SU GYUR PA LAS DRA BA CAN GYI 'OD, ,RGYAB TU PAm YONGS SU GYUR PA LAS ZLA 'OD, G-YAS SU CAm TZAm YONGS SU GYUR PA LAS SKRA CAN MA, G-YON DU NAm YONGS SU GYUR PA LAS NYE BA'I SKRA CAN MA'O, ,'DI DAG GI SKU MDOG PHYAG MTSAN NI PHYI ROL GYI 'PHAGS PA BZHIN NO, ,SKU PHYI NANG THAMS CAD DRI MA YONGS SU DAG CING 'OD ZER 'PHROS PAS MA RIG PA'I RDZAB BSAL BAR BSAM, G-YO BA'I 'KHOR LO ZHES BYA BA NI, 'KHOR LO DE G-YO ZHING 'KHOR BAS RDZA MKHAN GYI 'KHOR LO LTAR RAB TU 'KHOR BAS MA RIG PA LA SOGS PA NYON MONGS PA RNAMS GCOD PAR BYED DO, ,YE SHES SEMS DPA' DGUG PA DANG, GZHUG PA DANG, RIGS LDAS DBANG BSKUR TE, RIGS KYI BDAG POS DBU BRGYAN PA NI GZHAN DANG MTHUN NO, ,ZLA BA DANG 'KHOR LO DANG,
, ,LHA'I SKU DRI MA YONGS SU DAG PA 'JA' TSON LTA BU LA DMIGS LA, AOm AA RA PA TZA NA DH'I: ZHES BYA BA'I SNGAGS BZLAS SO, ,'DI'I BSNYEN PA'I TSAD NI YI GE RE RE LA 'BUM TSO RE RE YIN NO, ,'GRUB PA'I DUS NI RGYUN MI 'CHAD PA DANG GUS PA'I SGO NAS BSGRUBS NA 'GRUB PAR 'GYUR RO, , 'PHAGS PA 'JAM DPAL G-YO BA'I 'KHOR LO'I MAN NGAG ,KHA CHE'I PAndI TA SH'AKYA SHR'I BHA DRA'I ZHAL SNGA NAS MDZAD PA RDZOGS SO,,