, ,RGYA GAR SKAD DU, AA PA RI MI T'A A'A YURDZNY'A NA BI DHI N'A MA, BOD SKAD DU, TSE DANG YE SHES DPAG TU MED PA'I CHO GA ZHES BYA BA, BCOM LDAN 'DAS TSE DANG YE SHES DPAG TU MED PA LA PHYAG 'TSAL LO, ,SNGAGS PA MTSAN NYID LDAN PA YIS, ,SGRUB PA'I GNAS RAB NYER BZUNG NAS, ,SA YI STEGS BU CHAG CHAG GDAB, ,'THAS PAR BCAGS TE SPOS KYIS BYUG ,THIG GDAB TSON GYIS DKYIL 'KHOR BRI, ,'DAB BRGYAD SGO LA SOGS PAS BRGYAN, ,BUM PA DGU 'AM GNYIS LA SOGS, ,TSAD LDAN PHYI NANG BCUD KYIS BRGYAN, ,STENG DU RGYAL MTSAN GDUGS KYIS BRGYAN, ,MCHOD PA RNAM PA LNGAS BRGYAN TE, ,KHYAD PAR SHAR DU 'OM YIS, ,GTOR MA BYAS TE LHO PHYOGS SU, ,NYA SHA'I GTOR MA DBUL BAR BYA, ,NUB TU KHRAG LA BYANG DU CHANG, ,BYIN GYIS BRLABS TE GZHAG PAR BYA, ,LHO DANG BYANG DU STEGS BU LA, ,TSE DPAG MED PA'I MDO GNYIS BZHUGS, ,DE NAS RNAL 'BYOR KHRUS BYAS TE, ,BDE BA'I STAN LA NYER 'DUG STE, ,BLA MA SANGS RGYAS MDUN BYAS LA, ,PHYAG
, ,'TSAL SKYABS 'GRO SDIG BSHAGS BYA, ,BSDO DANG TSAD MED BZHI BSGOMS LA, ,STONG PA NYID DU BSGOM PAR BYA, ,DE NAS SNANG BA BHR'Um BSAMS TE, ,GYUR PAS GZHAL YAS KHANG BSAM BYA, ,DE NAS PADMA'I STENG DAG TU, ,YI GE HR'I: LAS BYUNG BA YI, ,SANGS RGYAS TSE DPAG MED PA NI, ,SKU MDOG DMAR PO ZHI BA'I ZHAL, ,MNYAM BZHAG PHYAG NA BUM PAS MTSAN, ,BDAG NYID LHA DER BSKYED PAR BYA, ,YE SHES BSTIMS LA DBANG BYIN BRLABS, ,THUGS KA'I HR'I:LAS 'OD 'PHROS TE, ,SEMS CAN SANGS RGYAS KUN SBYANG BYA, ,DE NAS ZLA STENG HR'I: DMAR LAS, ,GSANG SNGAGS 'DI YIS BSKOR BAR BSAM, ,AOm NA MO BHR'Um A'A YURDZNY'A NA HR'I:AA RO Li KA H'Um HR'I:, ZHES DKAR POR BSAM PAR BYA, ,YANG NA GZUNGS KYI SNGAGS RINGS BSAM, ,DE NAS DKYIL 'KHOR BSGRUB PAR BYA, ,STONG PA'I NGANG LAS BHR'Um BSAMS TE, ,DE NAS GZHAL YAS KHANG PA BSAM, ,DE NAS PADMA NYI MA'I STENG, ,SANGS RGYAS TSE DPAG MED PA BSAM, ,SHAR DU RDO RJE TSE DPAG MED, ,NUB TU PADMA TSE DPAG MED, ,LHO NA RIN CHEN TSE DPAG MED, ,BYANG DU LAS KYI TSE DPAG MED, ,BYANG SHAR KUN GZIGS TSE DPAG MED, ,SHAR LHOR YON TAN TSE DPAG MED, ,LHO NUB YE SHES TSE DPAG MED, ,NUB BYANG MI G-YO TSE DPAG MED, ,THAMS CAD KHA DOG DMAR BA LA, ,ZHI ZHAL MNYAM PAR BZHAG PA'I PHYAG ,BUM PAS MTSAN TE BSAM PAR BYA, ,YE SHES BSTIMS LA DBANG BYIN BRLABS, ,DE NAS BUM PA GZHAL YAS KHANG, ,LHAG PA'I TSE DPAG MED PA BSAM, , SNYING GAR SNGAGS RINGS BKOD LA BZLAS, ,YANG NI SNYING PO BKOD LA BZLAS, ,DE NAS KHAM PHOR GSAR PA'I NANG, ,NAD PA LA SOGS LUS BKRUS TE, ,CHU YIS BKANG STE SHAR DU GZHAG ,DE LA KHRO BO'I SNGAGS BZLAS LA, ,TSA TSA RNYING PAS NAG DANG, BSRES LA 'CHI BDAG CHEN PO'I GZUGS, ,KHRU GANG LA SOGS TSAD LDAN BYA, ,DE NI KHA BUB STENG DU NI, ,BAL DANG RAS SAM DAR NAG DGAB, ,LHO YI PHYOGS SU BSTAN LA BZHAG ,DE DANG NYE BAR DAR DMAR LA, ,GZUNGS KYI TSIG RNAMS BRI BA'AM, ,YANG NA KHRO BO'I SNGAGS BRIS GZUGS, ,BYANG DU NAD PA'I GOS
DAG LA, ,BAL TSON SNA LNGA'I SRAD BUS DKRIS, ,KU SHA'I STENG DU GZHAG BAR BYA, ,DE NAS SLOB DPON BSRUNG BYA STE, ,MCHOD DANG GTOR MA DBUL BAR BYA, ,SLOB DPON BSNYEN PA LA ZHUGS NAS, ,PHRENG BA 'KHOR TSUL BZLAS PA BRTZAM, ,BSGRUB BYA BUM PA'I NANG DU BSAM, ,SLOB MA GCIG GIS LHOR 'DUG LA, ,TSE DPAG MED PA'I GZUNGS BKLAG CING, ,TSAR RE ZHING YANG ME TOG NI, ,NAG PO 'CHI BDAG STENG DU DOR, ,DE LTAR BRGYA'AM NYI SHU SOGS, ,RGYAS BSDUS CI RIGS SBYAR BAR BYA, ,GCIG GIS BYANG DU SNYING PO BKLAG ,TSAR RE ZHING NI TSON SKUD LA, ,NYA YI BDUG SPOS RE RE DBUL, ,DE YI GRANGS KYANG GONG DANG 'DRA, ,DE NAS SLOB DPON GTOR MA KUN, ,SPYI GZHUNG DAG GIS BYIN BRLABS NAS, ,RANG RANG GNAS SU DBUL BAR BYA, ,DE RJES NAD PA MDUN BYAS TE, ,'BRANG RGYAS PHYED LA MAR BYUGS TE, ,DPAL PHRENG LNGA YI PHUD GZUGS BYA, ,MAR ME GTAMS LA 'CHI BDAG DANG, ,LHO PHYOGS DAG TU DOR BAR BYA, ,CHU DANG 'O MA BSRES PA'I NANG, ,TSON SKUD NAD PA LA DKRIS TE, ,SNYING PO'I SNGAGS KYIS MTSON GYIS NI, ,BCAD LA BYANG GI PHYOGS SU DOR, ,DE NAS SLOB DPON KHRUS BYAS LA, ,STAN BZANG DAG LA NYER 'DUG STE, ,BUM PA RIM PAS DBANG BSKUR BYA, ,AOm BEE RO TZA NA A'A YU RDZNY'A NA SIDDHI SA MA YA AA BHI shINYDZA H'Um, DBUS KYI GTZO BO'I DBANG BSKUR BAS, ,SDIG SGRIB DAG STE TSE 'PHEL BSAM, ,LUS LA RNAM SNANG TSE DBANG BSKUR, ,BU KHYOD 'CHI BDAG LAS GROL NAS, ,BSKAL PA STONG DU TSE 'PHEL TE, ,SROG GCOD SDIG PA DAG GYUR CIG ,CES BYA YANG NA GZUNGS KYI NI, ,PHAR PHYIN DRUG GI TSIGS BCAD BRJOD, ,SHAR LA SOGS PA'I RIM PA YIS, ,RDO RJE LA SOGS MING BSGYUR TE, ,BUM PA LNGA YIS DBANG BSKUR BYA, ,MTSAMS KYI BUM PA KUN GYI CHU, ,LAS BUM NANG DU BSDU BYA STE, ,NAD PA LA SOGS BKRU BAR BYA, ,DE NAS CHU DE MA BO BAR, ,CHU BO CHE 'AM LTENG KA MTSO, ,CHU CHEN RNAMS LA DOR GYUR NA, ,NGES PAR 'CHI LAS BZLOG PA YIN, ,DE RJES SLOB MAS BLA MA LA, ,YON DBUL SDOM PA KHAS BLANGS TE, ,BLA MAS SLOB MA'I SPYI BOR NI, ,RDO RJE NGES GZUNG TSIG 'DI BRJOD, ,NGA NI YE SHES TSE DPAG MED, ,KUN TU BRNYAS PA SPANG
, ,BAR GYIS, ,'CHI BDAG CHEN PO NGAS BCOM BAS, ,BU KHYOD TSE YI DNGOS GRUB BRNYES, ,DE SKANG BYA STE SLOB MA NI, ,THA MAL LUS SU BSAMS BA LA, ,SNYING GI PADMA'I RTZA BA LA, ,DBU MAR RNAM SNANG TSE DPAG MED, ,PHYOGS BZHIR RIGS BZHI BSAM BYA STE, ,SPYI BOR YE SHES TSE DPAG MED, BSAMS PAS BDAG GI THUGS KA NAS, ,BSKUL BAS BDUD RTZI CHU RGYUN DBAB, ,RIGS LNGA SPYI BOR SLEBS GYUR TE, ,THAMS CAD BDUD RTZIR ZHU GYUR NAS, ,LUS NANG THAMS CAD KHYAB PAR BSAM, ,TSE DPAG MED BA'I GZUNGS KYANG 'DON, ,DE LTAR LAN GNYIS LAN GSUM BYA,, DE NAS MCHOD PA GSHEGS PAR BYA, ,MJUG TU TSA TSA CUNG ZAD GDAB, ,SA TSON LA SOGS CHUR DOR TE, ,NYE BAR 'KHOR BAS 'CHI BDAG GZHOM, ,TSE DPAG MED PA'I GZUNGS KYANG 'DON, ,SLOB DPON DZEE T'A RI DGRA LAS RNAM PAR RGYAL BAS, BRAM ZE NAM KHA'I DBYINGS KYI BU'I CHED DU MDZAD PA RDZOGS SO,, ,,RGYA GAR GYI MKHAN PO SHR'I MANYDZU DANG, LO TZ'A BA LCE DGA' BA'I DPAL GYIS BSGYUR BA'O,, ,,