,,RGYA GAR SKAD DU, A'ARYA SAPTA BUDDHA KA NA N'A MA MA H'A Y'A NA S'U TRA, BOD SKAD DU, 'PHAGS PA SANGS
, ,RGYAS BDUN PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS TI SE'I RI'I RTZE MO LHA'I GNAS NA DRANG SRONG GI SPYOD PA DANG HA CANG YANG MI RING BA ZHIG NA, DGE SLONG LNGA BRGYA TZAM GYI DGE SLONG GI DGE 'DUN CHEN PO DANG, BYANG CHUB SEMS DPA' LNGA BRGYA LA, 'DI LTA STE, BYANG CHUB SEMS DPA' SEMS DPA' CHEN PO BYAMS PA DANG, BYANG CHUB SEMS DPA' SEMS DPA' CHEN PO NAM MKHA'I SNYING PO DANG, KUN TU BZANG PO DANG, MTHA' YAS ME TOG DANG, KUN NAS ME TOG DANG, DE DAG LA SOGS PA BYANG CHUB SEMS DPA' SKYE BA GCIG GIS THOGS PA SHA STAG DANG THABS GCIG TU BZHUGS SO, , DE NAS BCOM LDAN 'DAS KYIS RI'I RTZE MO'I NAGS KHROD DE NYID NA DGE SLONG ZHIG 'BYUNG POS ZIN NAS BRDOL CING GCER BU GOS MED LA LAG PA BSGRENG STE DU ZHING 'DUG PA GZIGS SO, , DE NAS BYANG CHUB SEMS DPA' SEMS DPA' CHEN PO NAM MKHA'I SNYING POS BLA GOS PHRAG PA GCIG TU GZAR TE, BUS MO G-YAS PA'I LHA NGA SA LA BTZUGS NAS, BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, NAM MKHA'I DKYIL NA GYI HUD CES SGRA 'BYIN PA 'DI DANG,
DGE SLONG GCER BU GOS MA MCHIS PA LAG PA STONG PA GCIG SHOS 'DI'ANG SU ZHIG LAGS, DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO NAM MKHA'I SNYING PO LA 'DI SKAD CES BKA' STZAL TO, ,NAM MKHA'I SNYING PO, 'DI NI NAD KYIS BTAB PA YIN NO, ,GCIG SHOS 'DI'ANG NAD KYIS BTAB PA YIN NO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO NAM MKHA'I SNYING POS 'DI SKAD CES GSOL TO, ,NAD THAMS CAD RAB TU ZHI BAR BGYID PA DANG, 'BYUNG PO THAMS CAD BZLOG PA'I RIG SNGAGS BCOM LDAN 'DAS KYIS BSTAN DU GSOL, BKA' STZAL DU GSOL, DE NAS BCOM LDAN 'DAS KYIS SANGS RGYAS SPRUL PA MDZAD DE, DE NAS NAM MKHA' LA DE BZHIN GSHEGS PA DRUG BYUNG NGO, ,BDUN PA NI BCOM LDAN 'DAS DE BZHIN GSHEGS PA SH'AKYA THUB PA'O, ,DE NA DE BZHIN GSHEGS PA RNAM PAR GZIGS STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, 'BYUNG PO THAMS CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,NA MO BUDDH'A YA, NA MO DHARM'A YA, NA MA: SAm GH'A YA, TADYA TH'A, AOm HU LU HU LU, HI LI HI LI YA, NA MO DZA KA, NA MA SHTZA N'A YA, NA MO NA MA SV'AH'A, DE NAS DE BZHIN GSHEGS PA RNAM PAR GZIGS KYIS BYANG CHUB SEMS DPA' SEMS DPA' CHEN PO NAM MKHA'I SNYING PO LA
, ,'DI SKAD CES BKA' STZAL TO, ,NAM MKHA'I SNYING PO, GANG LA LA ZHIG RIG SNGAGS 'DI 'CHANG NGAM, KLOG GAM, KUN CHUB PAR BYED NA, DE'I LUS LA MTSON GYIS MI TSUGS, CHU DANG, SDUG BSNGAL BA'I NAD KYIS 'CHI BA'I DUS BYED PAR MI 'GYUR, DUS MA YIN PAR 'CHI BAS 'CHI BA'I DUS BYED PAR MI 'GYUR RO, ,DE DUG ZOS KYANG ZAS BZHIN DU 'GYUR RO, , ZAS DANG, SKOM LA LAN BDUN BZLAS BRJOD BYAS TE ZOS NA PHA ROL GYI GNOD PA MI 'BYUNG NGO, ,NAD THAMS CAD KYIS BTAB PAR MI 'GYUR RO, ,RING DU 'TSO BAR 'GYUR RO, ,THOS PA 'DZIN PAR 'GYUR RO, ,DE BZHIN GSHEGS PA BDUN GYI GZUGS MTHONG BAR 'GYUR RO, ,MTSON BTAB PA'I RNA BAR BZLAS BRJOD BYAS LA, SNA MA'I MAR SBYIN NO, ,MDZE DANG, SKRANGS NAD KYIS BTAB PA RNAMS LA SNA MA'I MAR DANG, AUTPA LA SNGON PO DANG, SHU TI DANG, NYE'U SHING RNAMS BSRES PA'I MAR BYIN NA NAD THAMS CAD SOS PAR 'GYUR RO, ,LAS THAMS CAD LA'ANG SBYAR BAR BYA'O,, DE NAS DE BZHIN GSHEGS PA GTZUG TOR CAN STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, 'BYUNG PO THAMS CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,NA MO BUDDH'A YA, NA MO DHARM'A YA, NA MA: SAm GH'A YA, AOm PA TZA PA TZA P'A TZA YA P'A TZA YA SARBA BH'U T'A N'Am, TSINDHA YA K'I
LA YA PA RA BIDY'A N'Am SVA'AH'A, NAM MKHA'I SNYING PO, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, BSGOM NYES PA DANG, RMI LAM NGAN PA THAMS CAD BZLOG PA DANG, DUS MA YIN PAR 'CHI BA DGAG PA'I PHYIR SANGS RGYAS BYE BA KHRAG KHRIG BRGYA STONG PHRAG DU MAS GSUNGS SHING, NGAS KYANG DA LTAR BSHAD PA'I SNYING PO 'DI ZUNGS SHIG ,NAM MKHA'I SNYING PO, GANG LA LA ZHIG NGA'I SNYING PO 'DI NYIN LAN GSUM YID LA BYED NA, DE LA PHA ROL GYI GNOD PA 'BYUNG BAR MI 'GYUR RO, ,GNYID KYIS LOG PA'I RMI LAM NA DE BZHIN GSHEGS PA'I GZUGS MTHONG BAR 'GYUR RO, ,GSHIS NGAN DU 'CHI BAR MI 'GYUR RO, ,'DI NAS SHI 'PHOS NAS DE BZHIN GSHEGS PA DANG PHRAD PAR 'GYUR ZHING MNYES PAR BYED PAR 'GYUR RO, ,DE NAS 'DI'I CHO GA GZHAN NI NAD THAMS CAD LA SKUD PAS BCING BAR BYA'O, ,'DUS PA LAS GYUR PA LA NI SNA MA'I MAR LA BZLAS BRJOD BYAS TE SBYIN NO, ,CHUS PHYOGS BCING BAR BYA'O, ,SKUD PAS BDAG LA BSRUNG NGO, ,BYIS PA RNAMS KYI GDON DAG LA SKUD PA SNGON PO GDAGS SO, ,MTSON BTAB PA'I RNA BAR LAN BDUN BZLAS BRJOD BYA'O, ,GZHAN DAG LA'ANG RANG GI BLOS SBYAR BAR BYA'O, , DE NAS DE BZHIN GSHEGS PA THAMS CAD SKYOB STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, 'BYUNG PO THAMS
, ,CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,NA MO BUDDH'A YA, NA MO DHARM'A YA, NA MA: SAm GH'A YA, AOm KA LA KA LA, KI LI KI LI, KU LU KU LU, KU LA AUT+S'A DHA N'Am KU RU, SARBA GRA H'A n'Am SV'AH'A, NAM MKHA'I SNYING PO, GSANG SNGAGS KYI GZHI 'DI DAG NI BSKAL PA BZANG PO'I DE BZHIN GSHEGS PA 'DAS PA DANG, MA BYON PA DANG, DA LTAR BYUNG BA THAMS CAD KYIS GSUNGS SHING NGAS KYANG DA LTAR BSHAD PA STE, NAM MKHA'I SNYING PO, KHYOD KYIS GSANG SNGAGS KYI GZHI 'DI DAG ZUNGS SHIG ,GANG LA LA ZHIG 'DZIN TAM, KLOG GAM, KUN CHUB PAR BYED NA, DE'I LUS LA MTSON GYIS MI TSUGS, DUG GIS MI TSUGS, DBYIG DUG GIS MI TSUGS, RIMS NAD KYIS MI 'DEBS SHING CHU DANG, DUS MA YIN PAR 'CHI BA DANG, GSHIS NGAN DU 'CHI BAR MI 'GYUR TE SNGON GYI LAS KYI SGRIB PA NI MA GTOGS SO, ,DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG LA LA ZHIG NANG BAR LANGS NAS MGO BKRUS TE, DE BZHIN GSHEGS PA'I SPYAN SNGAR LAN BRGYA RTZA BRGYAD BRJOD NA DE'I LAS KYI SGRIB PA THAMS CAD BYANG BAR 'GYUR RO, ,DE LA SEMS CAN SDANG BA GANG DAG DANG, RGYAL PO RNAMS THOG MAR SMRA BAR 'GYUR RO, ,SEMS CAN THAMS CAD DE'I DBANG DU 'GYUR RO, ,'JIGS PA THAMS CAD KYI NANG DU YID LA BYA'O, ,'THAB PA DANG, 'THAB MO DANG, RTZOD PA DANG, 'GYED PA THAMS
CAD LA SKUD PA DKAR PO GDAGS SO, ,MIG NAD LA SHING 'O MA CAN LAS SKUD PA BYAS TE RNA BA LA GDAGS SO, ,DMAG RENGS PAR BYED 'DOD PAS ZHO DANG, SBRANG RTZI LA SBAGS PA'I 'BRAS YOS LA LAN BRGYA RTZA BRGYAD SBYIN SREG BYA'O, ,R'A DZA N'Am R'A DZA M'A TRAm B'A BA SH'I KA RO TU K'A ME NA, 'O MA CAN GYI SHING GI SPAR SHING GIS ME BUS LA BSREG BYA TIL DAG LA LAN STONG SBYIN SREG BYA'O, ,BDAG DANG, SEMS CAN THAMS CAD KYI SGRIB PA THAMS CAD DANG, SDIG PA BYANG ZHING DPAL CHEN PO DANG, NOR GYI PHUNG PO CHEN PO BSGRUB PAR 'DOD NA, 'O MA CAN GYI SHING GI SPAR SHING GIS ME BUS LA BSREG BYA TIL DAG LAN STONG SBYIN SREG BYA'O, ,SDIG PA JI SNYED PA THAMS CAD SBYANG BAR 'DOD PA DANG, RIG SNGAGS THAMS CAD GRUB PAR 'DOD PA DANG, BDAG BKRU BAR 'DOD PAS, SHU TI DANG, NA LA DA DANG, KHRE DANG, SHI RI SHA DANG, RGYA SPOS DANG, GUR KUM DANG, GLA SGANG DANG, AINDRA BA RU NA DANG, BYANG CHUB KYI SHING DANG, AA MRA'I MGO LCOGS DANG, 'DI RNAMS KYIS BKRU BAR BYA STE, SANGS RGYAS KYI SPYAN SNGAR NYIN ZHAG GCIG SMYUNG BAR BYA ZHING BUM PA SAR BA BZHAG STE, ZLA BA NYA BA LA SANGS RGYAS KYI SPYAN SNGAR SNYING PO LAN STONG RTZA BRGYAD SNGAGS LA KHRUS BYA'O, ,DUG MI GDUG PAR BYED PAR 'DOD PAS SANGS RGYAS KYI SPYAN SNGAR SENG LDENG GI THUR MA BA'I LCI BAR SMYUGS PA BRGYA RTZA BRGYAD MING NAS SMOS TE SBYIN SREG BYAS NA DUG MI GDUG PAR 'GYUR RO, ,GDON BSRUNG BA DANG,
, ,'BYUNG PO LA SOGS PA'I LAS THAMS CAD LA'ANG SBYAR BAR BYAS NA BDE BAR GNAS PAR 'GYUR RO, ,DE NAS DE BZHIN GSHEGS PA LOG PAR DAD SEL STENG GI NAM MKHA' LA BZHUGS TE SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA'I PHYIR DANG, 'BYUNG PO THAMS CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,NA MO BUDDH'A YA, NA MO DHARM'A YA, NA MA: SAm GH'A YA, NAM: KRA KU TZTSAND'A YA, TA TH'A GA T'A YA, AARHA TE, SAm MYAKSAm BUDDH'A YA, AOm KA tA KA tA, KA thA KA thA, KI tI KI tI, KI thI KI thI, KI T'A PA YA N'A MA SV'AH'A, NAM MKHA'I SNYING PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LOG PAR DAD SEL CES BYA BA GANGG'A'I KLUNG GI BYE MA SNYED DAG GIS GSUNGS SHING RJES SU YI RANG BA'I SNYING PO 'DI KHYOD KYIS ZUNGS SHIG ,BLANGS SHING BZUNG STE KUN CHUB PAR BYAS NA PHYI MA'I TSE DGE SLONG DANG, DGE SLONG MA DANG, DGE BSNYEN DANG, DGE BSNYEN MA DAG DE'I TSE DKON MCHOG GSUM LA DAD PA RNYED NAS KHRUS BYAS TE BCOM LDAN 'DAS LA ME TOG DANG, BDUG PA DANG, SPOS DAG GIS MCHOD PA BYAS NAS GSANG SNGAGS 'DI LAN BRGYA RTZA BRGYAD BRJOD PAR GYUR NA TSE RABS BDUN DU TSE RABS DRAN PAR 'GYUR RO, ,LHA RNAMS KYI NANG DU LHA'I CHE BA NYID THOB PAR 'GYUR RO, ,YANG MI RNAMS KYI NANG DU 'KHOR LOS BSGYUR BA'I RGYAL
POR BSGYUR RO, ,YANG NA CHO GA BZHIN DU SGRUB NA DE MIR SKYE BA THA MA THOB PAR 'GYUR TE 'DI NAS SHI 'PHOS NAS 'JIG RTEN GYI KHAMS BDE BA CAN DU SKYE BAR 'GYUR TE TSE 'DI LA'ANG RTAG TU BRJOD NA NAD THAMS CAD LAS THAR BAR 'GYUR RO, ,THOS PA 'DZIN PAR 'GYUR RO, ,ZAS DANG, SKOM GYI RNAM PA LA LAN BDUN BSNGAGS TE ZOS 'THUNGS NA NAD THAMS CAD LAS THAR BAR 'GYUR RO, ,JI STE SKOM ZHI BAR 'DOD NA BZA' BA THAMS CAD LA LAN STONG RTZA BRGYAD KYIS BKRU BAR BYA'O, ,LHOG RGAL GCOD NA ZANGS KHAB KYIS BYA'O, ,'THAB PA DANG, RTZOD PA DANG, 'CHING BA THAMS CAD LAS THAR BAR BYA NA LAN BDUN BZLAS BRJOD BYA STE RTAG TU NOR YANG 'PHEL BAR 'GYUR, BGEGS DANG, LOG 'DREN THAMS CAD LAS KYANG THAR BAR 'GYUR RO, ,JI STE DE BZHIN GSHEGS PA MTHONG BAR 'DOD NA DES PHYOGS GTZANG MAR MCHOD RTEN GYI 'KHOR SAR DKYIL 'KHOR BSKUS LA AA GA RUS BDUGS TE LAN STONG RTZA BRGYAD BZLAS BRJOD BYAS NA, DE'I DRUNG DU SNGAS SHAR PHYOGS SU BSTAN TE NYAL NA DE BZHIN GSHEGS PA MTHONG BAR 'GYUR RO, ,YID LA CI SMON PA DE THAMS CAD STON TO, ,TSE'AM, STOBS SAM, PHAM RGYAL THAMS CAD KYANG STON TO, ,DE NAS DE BZHIN GSHEGS PA GSER THUB STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, 'BYUNG PO THAMS CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,
, ,NA MO BUDDH'A YA, NA MO DHARM'A YA, NA MA: SAm GH'A YA, NA MA: KA NA KA MU NA ME, TA TH'A GA T'A YA, AARHA TE, SAm MYAKSAm BUDDH'A YA, TADYA TH'A, AOm SA RA SA RA SA RA SA RA, SI RI SI RI SI RI SI RI, S'I R'A YA, DHA MA DHA MA DHA MA DHA MA, DHU MA DHU MA DHU MA DHU MA, DHU M'A YA, NA MO NA MA: KA NA KA MU NA YE, TA TH'A GA T'A YA, AARHA TE, SAm MYAKSAm BUDDH'A YA SV'AH'A, DE NAS DE BZHIN GSHEGS PA GSER THUB KYIS BYANG CHUB SEMS DPA' NAM MKHA'I SNYING PO LA 'DI SKAD CES BKA' STZAL TO, ,NAM MKHA'I SNYING PO, GANG LA LA ZHIG SNYING PO 'DI 'DZIN CING RTAG TU BZLAS BRJOD BYED PA DE LA MTSON GYI 'JIGS PA MI 'BYUNG, ME DANG, CHU DANG, LCE 'BAB PAS 'CHI BA'I DUS BYED PAR MI 'GYUR, DUG THAMS CAD KYANG ZAS DANG 'DRA BAR THUB PAR 'GYUR, DUS MA YIN PAR 'CHI BAS 'CHI BA'I DUS BYED PAR MI 'GYUR, GSHIS NGAN DU 'CHI BAR MI 'GYUR RO, ,TSE RING BAR 'GYUR, LONGS SPYOD CHE BAR 'GYUR, RTAG TU DE BZHIN GSHEGS PA DANG LDAN PAR 'GYUR, DE BZHIN GSHEGS PAS BYIN GYIS BRLAB PAR 'GYUR, DUS GSUM DU BZLAS BRJOD BYAS NA, SNGON GYI LAS KYI SGRIB PAR GYUR PA THAMS CAD BYANG BAR 'GYUR RO, ,CI STE PHA ROL NAD LAS THAR BAR BYED PAR 'DOD NA CI NUS SU GTOR MA GTONG ZHING POG GAM, AA GA RU'I BDUG PAS BDUGS LA GZA' THAMS CAD LA KHRUS BYA'O, ,MDZE DANG, SKRANGS NAD DANG, MCHIN SKRAN LA SHU DAG 'JAM
PO BTAGS PA SBRANG RTZI DANG BSRES TE SANGS RGYAS BCOM LDAN 'DAS KYI SPYAN SNGAR LAN STONG RTZA BRGYAD BSNGAGS TE BSKUS NA MDZE NAD THAMS CAD SOS PAR 'GYUR RO, ,ZHAG BZHI PA LA SANGS RGYAS BCOM LDAN 'DAS KYI SPYAN SNGAR SNA MA'I ME TOG GI PHRENG BA LA LAN STONG RTZA BRGYAD BSNGAGS TE MI'I MGO LA BCINGS NA ZHAG BZHI PA'I RIMS SOS PAR 'GYUR RO, ,MTSON BTAB PA'I RNA BAR BZLAS BRJOD BYAS NA BRJED BYED LAS THAR BAR 'GYUR RO, ,LUS SRUL POS ZIN PA RNAMS LA SANGS RGYAS LA PHUL BA'I ME TOG GIS BDUG GO ,DE LA SOGS PA'I LAS RNAMS BYED DE, LAS THAMS CAD BYAD PA ZHES BYA'O, ,DE NAS DE BZHIN GSHEGS PA 'OD SRUNG STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON DANG, NAD THAMS CAD RAB TU ZHI BAR BYA BA DANG, 'BYUNG PO THAMS CAD BZLOG PA'I PHYIR GSANG SNGAGS KYI GZHI 'DI DAG BKA' STZAL TO, ,NA MO BUDDH'A YA, NA MO DHARM'A YA, NA MA: SAm GH'A YA, AOm HA RA HA RA HA RA, HA HA HA, NA MA: K'A SHYA P'A YA, TA TH'A GA T'A YA, AARHA TE, SAMYAKSAm BUDDH'A YA, SI DHYANDU MANTRA PA DEE SV'AH'A, DE NAS DE BZHIN GSHEGS PA 'OD SRUNG GIS BYANG CHUB SEMS DPA' SEMS DPA' CHEN PO NAM MKHA'I SNYING PO LA 'DI SKAD CES BKA' STZAL TO, ,NAM MKHA'I SNYING PO, SNYING PO 'DI NA SANGS RGYAS BCOM LDAN 'DAS GANGG'A'I KLUNG SUM CU RTZA GNYIS KYI BYA MA SNYED DAG GIS GSUNGS PA STE, NAM MKHA'I SNYING PO, SNYING PO 'DI KHYO
, ,KYIS ZUNGS SHIG ,KUN CHUB PAR GYIS SHIG ,GANG LA LA ZHIG 'DZIN TAM, KLOG GAM, KUN CHUB PAR BYED DAM, NYIN MO'AM, MTSAN MO LAN GSUM GSUM BZLAS RJOD BYED NA MDOR NA RMI LAM NA DE BZHIN GSHEGS PA MTHONG BAR 'GYUR RO, ,DE'I LAS KYI SGRIB PA THAMS CAD KYANG BYANG BAR 'GYUR TE, SNGON GYI LAS NI MA GTOGS SO, ,LAS THAMS CAD LA'ANG SBYOR BAR BYA'O, ,MDZE DANG, SHA BKRA LA SOGS PA LA SANGS RGYAS LA PHUL BA'I ME TOG LA SANGS RGYAS KYI SPYAN SNGAR LAN STONG RTZA BRGYAD BSNGAGS TE BKLAGS SHING BKRUS NA SOS PAR 'GYUR RO,, KLAD PA NA BA LA SANGS RGYAS LA PHUL BA'I ME TOG SANGS RGYAS KYI SPYAN SNGAR BZHAG STE, SANGS RGYAS KYI SPYAN SNGAR LAN STONG RTZA BRGYAD BZLAS BRJOD BYA'O, ,THAMS CAD DU'ANG SBYAR BAR BYA'O, , DE NAS BCOM LDAN 'DAS DE BZHIN GSHEGS PA SH'AKYA THUB PA STENG GI NAM MKHA' LA BZHUGS TE, SEMS CAN THAMS CAD LA PHAN PA'I DON GYI PHYIR RIG SNGAGS 'DI DAG BKA' STZAL TO; ;NA MO BUDDH'A YA, NA MO DHARM'A YA, NA MA: SAm GH'A YA, TADYA TH'A, GHU ME GHU ME MA H'A GHU ME, TA LE TA LE MA H'A TA LE, TZA LE TZA LE MA H'A TZA LE, DHU RE DHU RE MA H'A DHU RE, TI RI TI RI MAH'A TI RI, KI LI KI LI MAH'A KI LI, TZU RU TZU RU MAH'A TZU RU, MI LI MI LI MAH'A MI LI, TI LI TI LI MAH'A TI LI, DHU ME DHU ME MAH'A DHU ME, TZA LE TZA LE MAH'A TZA LE, KHI RI KHI RI MA H'A KHI RI, TZI LI TZI LI MA H'A TZI LI
SV'AH'A, DE NAS DE BZHIN GSHEGS PA SH'AKYA THUB PAS BYANG CHUB SEMS DPA' SEMS DPA' CHEN PO NAM MKHA'I SNYING PO LA 'DI SKAD CES BKA' STZAL TO, ,NAM MKHA'I SNYING PO, KLAD PA'I NAD BSAL NA MTSON DANG, LAG MTHIL GYIS BYA'O, ,SPRIN BZLOG NA SHING KA RA B'I RA'I LCUG MAS BYA'O, ,DUG SPO NA CHUS BYA'O, ,LAS GZHAN RNAMS KYANG BYA'O, ,KHRUS KYI CHO GAS SBYAR BAR BYA'O, ,CHO GA THAMS CAD KYIS DUS THAMS CAD DU SBYAR BAR BYA'O, ,BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' SEMS DPA' CHEN PO NAM MKHA'I SNYING PO YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA SANGS RGYAS BDUN PA ZHES BYA BA THEG PA CHEN PO'I MDO RDZOGS SO,,