, ,RGYA GAR SKAD DU, A'ARYA A'A YURDZNY'A N'A PA RI MI TA S'A DHA NAm, BOD SKAD DU, 'PHAGS PA TSE DANG YE SHES DPAG TU MED PA'I SGRUB THABS, 'PHAGS PA TSE DANG YE SHES DPAG TU MED PA LA PHYAG 'TSAL LO, ,'KHOR BA SEMS CAN THAMS CAD KYI, ,'TSE BA LA NI SRUNG 'DOD PAS, ,'PHAGS PA TSE DPAG MED PA YI, ,SGRUB THABS RIM PA BRI BAR BYA, ,DBANG DANG DAM TSIG SDOM LDAN PAS, ,DBEN ZHING NYAMS DGA'I SA PHYOGS SU, ,MAndAL MCHOD DANG KHRUS BYAS LA, ,LUS NGAG YID GSUM DAG PA YIS, ,BLA MA SANGS RGYAS LA SOGS LA, ,SPYAN DRANGS PA LA PHYAG MCHOD CING, ,BSTOD PA LUS NGAG DANG BA YIS, ,SDIG PA BSHAGS PA LA SGAS BYA, ,TSAD MED BZHI BSGOM CHOS RNAMS KUN, ,STONG PA NYID DU BSGOMS BYAS LA, ,SNGAGS KYI DON LA BSGOM PAR BYA, ,AOm SVA BH'A BA BI SHUDDHA:SARBA DHARM'A:SVA BH'A BA BI SHUDDHONY\HAm, AOm SH'U N+YA T'A DZNY'A NA BADZRA SVA BH'A BA A'A TMA KONY\HAm, STONG PA'I NGANG LAS PADMA DANG, ,ZLA BA'I STENG DU SEMS NYID HR'I:, ,BYI RU LTA BUR BSAM BYAS LA, ,'OD ZER 'PHRO ZHING SLAR 'DUS PAS, ,'PHAGS PA RJE BTZUN TSE DPAG MED, ,SKU MDOG DMAR ZHING 'OD ZER 'KHRIGS, ,ZHAL GCIG PHYAG GNYIS MNYAM PAR GZHAG ,SKYIL KRUNG GIS BZHUGS 'DZUM BCAS DANG, ,'OD DPAG GIS MDZES YE SHES BSTIM, ,DBANG BSKUR RAB TU BRTAN PAR BYA, ,JI SRID SKYO BAR MA GYUR PAR, ,BSGOM PA'AM YANG NA SNGAGS 'DI BZLAS, ,MING GI SNGAGS DANG
SNYING PO'I SNGAGS, ,MING GIS BSGYUR NA GZUNGS KYANG BZLAS, ,GZUNGS NI 'CHI MED RNGA SGRA'O, ,RJE SU BDAG NI TSE RING 'GYUR, ,YANG NA SKAD CIG LHAR BSAMS TE, ,SNGAGS GSUM CI RIGS BZLAS PA'AM, ,BUM PA BDUD RTZI'I CHU RGYUN GYIS, ,BDAG LA YANG YANG 'KHRUD PAR BSAM, ,SLAR YANG BSTOD CING GSOL BTAB PAS, ,GTOR MAS LHA RNAMS MCHOD PAR BSAM, ,SRUNG 'KHOR BCING DANG TSE BSGRUB PAS, ,'ON KYANG 'CHI LTAS BZLOG LA SOGS, ,BLA MA'I MAN NGAG YOD PAR BYA, ,DE YI BSOD NAMS MTHU YIS NI, ,'KHOR BA'I 'GRO DRUG MA LUS PAS, ,TSE DPAG MED PA'I SKU THOB NAS, ,GNAD GCOD LA SOGS SDUG BSNGAL RNAMS, ,ZHI NAS BDE BA CAN 'GYUR SHOG ,'PHAGS PA TSE DANG YE SHES DPAG TU MED PA'I SGRUB THABS, ,SLOB DPON MKHAS PA DZEE T'A RI DGRA LAS RNAM PAR RGYAL BAS MDZAD PA RDZOGS SO,, ,,RGYA GAR GYI PAndI TA 'JAM PA'I DBYANGS DANG, LO TZ'A BA LCE DGA' BA'I DPAL GYIS BSGYUR BA'O, ,MING SNGAGS NI, AOm TADYA TH'A AA PA RI MI T'A YURDZNY'A NA HR'I: ZHES PA'O,,