` , ,MI 'KHRUGS PA'I SGRUB THABS BZHUGS,, #, ,BCOM LDAN 'DAS MI BSKYOD PA LA PHYAG 'TSAL LO,, SGRUB PO DAM TSIG LDAN PA YIS, ,DGON PA'AM GRONG MTHA' LA SOGS PAR, KHRUS BYAS GCANG MAR BYAS PA YIS, ,LAS BYAS BDE BA'I STAN LA 'DUG ,RANG LHAR GSAL BA'I THUGS KA RU, ,PADMA ZLA BA'I STENG DU H'Um, ,DE LAS 'OD ZER 'PHROS PA YIS, ,BLA MA DANG NI MI BSKYOD PA, ,
, ,SPYAN DRANGS MDUN DU BZHUGS PA LA, ,BDUN PO RNAM PAR DAG PA BYA, ,TSANG MED BZHI DANG LDAN PAR NI, ,CHOS RNAMS THAMS CAD DNGOS MED PAR, ,SEMS KYIS BSGOM PAR BYAS NAS NI, ,AA LAS ZLA BA'I DKYIL 'KHOR BSAM, ,RANG GI SA BON DE DBUS SU, ,BSAMS NAS DAM TSIG PHYAG RGYA BCA', ,DE NAS RANG GI SA BON DANG, ,PHYAG MTSAN PHYAG RGYA DE BYIN BRLAB, ,DE RNAMS GYUR PAS MI 'KHRUGS PA, ,ZHAL GCIG PHYAG GNYIS SKU MDOG SNGO, ,G-YON PA PANG GZHAG RDO RJE DANG, ,G-YAS PAS SA GNON TSUL CAN BSGOM, ,LTAG 'OG RIM PA JI BZHIN DU; ,SANGS RGYAS RNAMS KYIS DBANG BSKUR RO, ,RANG NYID RANG LHAR BSGOMS LA NI, ,MI 'KHRUGS MDUN NAM SPYI BOR BSAM, ,RANG LUS MI 'KHRUGS BSGOMS LA BSTIM, ,THUGS KA'I PAD ZLA'I H'Um LAS NI, ,DBUS SU MI BSKYOD PA NYID BSGOM, ,PHYOGS BZHIR SANGS RGYAS BZHI BSGOM BYA, , MCHOD DANG BSTOD PA BZLAS PA BYA, ,SGRA DANG SEMS DANG GZHI LA GZHOL, ,YAN LAG BZHI DANG DMIGS PA GSUM, ,GZHAN DANG RANG DON BSNYEN PA NI, ,GRANGS DANG DUS DANG MTSAN MA'O, ,DNGOS GRUB BZLAS PA'I RIM PA NI, ,NGAG DANG SHIB BU RDO RJE BZLAS, ,YID DE BRJOD DANG BCAS PA BZHI,, ME DANG SGRA DANG SGRA MTHAR GSUM, ,THUN GSUM DAG TU BZLAS PAR BYA, ,GNYIS NI MCHOD BSTOD GTOR MA SBYIN, ,DE LTAR THUN GSUM SBYOR BA YIS, ,BSNYEN PA SNGON DU RAB SONG BAS, ,GANG 'DOD DNGOS GRUB BSGRUB PA'I PHYIR, ,DE NI LAS LA SBYAR BAR BYA, ,PADMO'I 'OD LA CHAR CHU YIS, ,KHA ZUM 'OD KYIS 'BYED PA'AM, ,NYI MA ME SHEL ME 'BYUNG BZHIN, ,MI YI LUS LA DNGOS GRUB STER, ,BDAG GI DGE BA'I LAS RNAMS 'DI DAG GIS, ,'JIG RTEN DU NI MYUR RU SANGS RGYAS SHOG ,'GRO LA PHAN PHYIR CHOS RNAMS STON BYED CING, ,SEMS CAN SDUG BSNGAL GZIR LAS SGROL BAR SHOG, BCOM LDAN 'DAS MI 'KHRUGS PA'I SGRUB PA'I THABS RDZOGS SO,,