, ,BCOM LDAN 'DAS MI BSKYOD PA LA PHYAG 'TSAL LO, ,SGRUB PO DAM TSIG LDAN PA YIS, ,DGON PA'AM GRONG MTHA' LA SOGS PAR, ,KHRUS BYAS GTZANG MAR YONGS BYAS TE, ,BDE BA'I STAN LA 'DUG BYAS NAS, ,RANG LHAR GSAL BA'I THUGS KA RU, ,PADMA ZLA BA'I STENG DU H'Um, ,DE LAS 'OD ZER 'PHROS PA YIS, ,BLA MA DANG NI MI BSKYOD PA, ,SPYAN DRANGS MDUN DU BZHUGS PA LAS, ,BDUN PO RNAM PAR DAG PA BYA, ,TSAD MED BZHI DANG LDAN PAR NI, ,CHOS RNAMS THAMS CAD DNGOS MED PAR, ,SEMS KYIS BSGOM PAR BYA BA YIN, ,AA LAS ZLA BA'I DKYIL 'KHOR BSGOM, ,RANG RIG SA BON DE DBUS SU, ,BSAMS NAS DAM TSIG PHYAG RGYA BCA', ,DE NAS RANG GI SA BON DANG, ,PHYAG MTSAN PHYAG RGYAS DE BYIN BRLAB, ,DE RNAMS GYUR PA MI 'KHRUGS PA, ,ZHAL GCIG PHYAG GNYIS SKU MDOG SNGO, ,G-YON PA PAD GZHAG RDO RJE DANG, ,G-YAS PA SA GNON TSUL CAN BSGOM, ,LTAG 'OG RIM PA JI BZHIN DU, ,SANGS RGYAS RNAMS KYIS DBANG BSKUR RO, ,RANG NYID RANG LHAR BSGOMS NAS NI, ,MI 'KHRUGS MDUN NAM SPYI BOR BSGOM, ,RANG LUS MI 'KHRUGS BSGOMS LA BSTIM, ,THUGS KAR PAD ZLA H'Um LAS NI, ,DBUS SU MI 'KHRUGS PA NYID BSGOM, ,PHYOGS BZHIR SANGS RGYAS BZHI BSGOM BYA, ,MCHOD DANG BSTOD DANG BZLAS PA DANG, ,GNYIS SU MCHOD BSTOD GTOR MA SBYIN, ,DE LTAR THUN BZHI'I RIM PA NI, ,BSNYEN PA SNGON DU SONG BA YIS, ,GANG 'DOD PA YI DON DU NI, ,SGRUB PA LAS LA SBYAR BAR BYA, ,BCOM LDAN 'DAS MI 'KHRUGS PA'I SGRUB THABS DPAL MAR ME MDZAD YE SHES KYIS MDZAD PA RDZOGS SO,, ,,RGYA GAR GYI MKHAN PO DE NYID DANG, BOD KYI LO TZ'A BA DGE SLONG TSUL KHRIMS RGYAL BAS BSGYUR BA'O,, ,,