, ,RGYA GAR SKAD DU, AAKshA SU TRA LAKshA nA, BOD SKAD DU, BZLAS PA'I PHRENG BA'I MTSAN NYID, THAMS CAD MKHYEN PA LA PHYAG 'TSAL LO, ,RDO RJE SEMS DPA' LA LHA MO SANGS RGYAS SPYAN MAS ZHUS PA, BZLAS PA'I PHRENG BA'I DON CI LAGS, ,MCHOG GI DBANG PHYUG GIS GSUNG DU GSOL, RDO RJE SEMS DPAL GSUNGS PA, LHA MO NYON CIG RAB TU BSHAD DO, ,KHYOD KYIS ZHUS PA DE BRJOD PAR BYA'O, ,DE THAMS CAD KYI GTAM BSHAD DO, ,SEMS CAN THAMS CAD LA PHAN PA'I DON DU'O, ,MI SPANG BA'I SEMS KYI SDOM PA DE BZHIN DU BSOD NAMS DANG YE SHES MI SPANG BA THOB PA'I RNAL 'BYOR PA'I BZLAS PA'I PHRENG BA 'DI'O, ,GANG LA BZLAS PA'I PHRENG BA LA DAD PA MOS PA GUS PAS GZUNG NGO, ,SDIG PA THAMS CAD SPONG NGO, ,SDUG BSNGAL THAMS CAD DANG BRAL BAR 'GYUR RO; ,GANG DU BZUNG NA MGRIN PA DANG LAG PA'I RTZA BAR RO, ,DES NI BYA BA THAMS CAD 'GRUB PAR NGES SO, ,BZLAS PA BYAS PAS LHA MO DANG DPA' BO NGES PAR GRUB BA RAB TU STER RO, ,RNAL 'BYOR MCHOG GIS THOB PA'I RDO RJE SEMS DPA' DANG MNYAM PAR 'BYUNG NGO, ,BYIS PA GZHON NU RNAMS KYIS SDIG PA
, ,MANG PO BYAS PA DANG, THAMS CAD SPANGS PA 'BYUNG BAR 'GYUR RO, ,RKANG PA GCIG PA'I BZLAS PA'I SKUD PA 'DZIN PAS, BZLAS NA LHA'I SKYE BA DRAN PAR 'GYUR RO, ,PHYED KYI TSAD KYIS BZLAS NA DES LHA DANG LHA MO'I BDE BA MTHONG NGO, ,MANG BA YIS BZLAS NA BRDZUN PA'I NGAG SPANGS PA'O; ,DUNG GI LA BZLAS PA'I YON TAN GCIG 'BYUNG NGO, ,LUNG TANG LA BZLAS PAS YON TAN GNYIS 'BYUNG NGO, ,LCAGS LA BZLAS PAS YON TAN GSUM 'BYUNG NGO, ,DE LA LA BZLAS PAS YON TAN BZHI'O, ,NOR BU MU TIG BYI RU LA BZLAS PAS YON TAN BCU DRAN NO, ,DBANG PO'I DMIGS LA BZLAS PAS YON TAN BCU 'BYUNG NGO, ,PADMA LA BZLAS PAS YON TAN BYE BA'O, ,YON TAN BYE BA RU DR'AKshA LA'O, ,BO DE TZI LA BZLAS PAS BCU DRUG DANG 'DRA BAR DUS 'DAS PA YON TAN DPAG TU MED PA 'BYUNG NGO, ,BZLAS PA PHRENG BA'I YON TAN 'DI DAG RDO RJE SEMS DPAS GSUNGS PA'O, ,MKHAS PAS LHAG PA DANG CHAD PAR MI BYA'O, ,LHAG PA CHAD PA LA BGEGS CHEN PO 'JUG GO, ,DES NA MNYAM PAR BYA'O, ,BZLAS PA'I DUS SONG NAS SBYIN SREG BRGYA RTZA BRGYAD BYA'O, ,SDIGS MDZUB SNYING GAR BYAS TE MDZUB MOS BZLAS NA BGEGS BKUG NAS TSAR GCOD PAR 'GYUR RO, ,GUNG MOS BGRANGS PAS THE TSOM MED PAR DNGOS GRUB 'BYUNG NGO, ,SRIN LAG GIS BGRANGS PAS GNOD SBYIN GYI DNGOS GRUB 'GRUB BO, ,MTHE CHUNG GIS BGRANGS PAS SHA ZA DGUG PA DANG BSKRAD PA 'GRUB BO, ,MDO 'DZIN LA BSKOR ZHING BYA'O, ,BZLAS PA'I PHRENG BA'I MTSAN NYID RDZOGS SO,, ,,PAndI TA SA RA HE TA DANG, LO TZ'A BA DGE SLONG SHES RAB RGYAL MTSAN GYIS BSGYUR BA'O,,