, ,RGYA GAR SKAD DU, A'ARYA PRADZNY'A P'A RA MI TA AU PA DE SHA MA N'A MA, BOD SKAD DU, 'PHAGS PA SHES RAB KYI PHA ROL TU PHYIN PA'I MAN NGAG CES BYA BA SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SANGS RGYAS YUM GYUR DE YI MING, ,RANG BZHIN MED PA'I RANG BZHIN CAN, ,TSIG MED YUL LAS RNAM PAR 'DAS, ,DGE MA DE LA PHYAG 'TSAL 'DUD,, DNGOS PO BRGYAD SOGS RGYAS PAR NI, ,KHONG CHUD NUS PA MA YIN PAS, ,RJES 'JUG SPROS PA MED PA'I DON, ,BDAG GIS RAB TU BSHAD PAR BYA, ,SNYING GI DKYIL DU GNAS PA NI, ,RDO RJE DKAR PO RNAM PAR MDZES, ,RTZE MO LNGA PA GZI BRJID CAN, ,LTE BAR THIG LE DKAR PO CIG ,LNGA PO'I STENG DU RIM BZHIN 'BAR, ,PHA ROL PHYIN DRUG RIM BZHIN DAG ,RIM BZHIN THIG LE SGRA SPANGS LA, ,BRTAN GYUR STOBS BSKYED TING 'DZIN SBYANG, ,MAN NGAG RIM PAS SGRA NANG DU, ,CHU SKYES 'DAB BZHI 'DAB BRGYAD NAS, ,'DAB MA STONG GI BAR DU DMIGS, ,SLAR BSDUS SGRA YI NGO BO LAS, ,'DAS PA MI PHYED YE SHES 'DOD, ,DE NYID GSAL BAR BYA BA'I PHYIR, ,MKHAS PA RAB TU BSTEN PAR GYIS, ,SEMS CAN RNAMS LA BDAG GSOL 'DEBS, ,SHES RAB KYI PHA ROL TU PHYIN PA'I MAN NGAG RDO RJE LTA BU ZHES BYA BA DPAL KAMPA LAS MDZAD PA RDZOGS SO,, ,,RGYA GAR GYI MKHAN PO 'DI PAm KA RA SHR'I DZNY'A NA'I ZHAL SNGA NAS BOD KYI SGRA BSGYUR GYI LO TZ'A BA DGE SLONG DGE BA'I BLO GROS KYIS ZHUS PA,,