, ,RGYA GAR SKAD DU, BA LIm BI DHI, BOD SKAD DU,
GTOR MA'I CHO GA ,'PHAGS PA 'JAM DPAL LA PHYAG 'TSAL LO, ,YID BZHIN NOR BU CHEN PO 'CHANG, ,DPAG BSAM SHING CHEN RGYAS 'DRA STE, ,BUM PA BZANG PO CHE BA'I MCHOG ,SEMS CAN KUN DON BYED LA 'DUD, ,GTOR MA'I RIM PA BSHAD PAR BYA, ,DANG PO LHA'I RNAL 'BYOR DANG LDAN PA'I SNGAGS PAS RIN PO CHE'I SNOD MDZES PA'I NANG DU KHA ZAS KYI 'BYOR PA DRI DANG KHA DOG DANG LDAN PA SNA TSOGS BCUG LA, GTOR MA'I NANG DU YI GE AA LAS YID BZHIN GYI NOR BU 'BAR BA ZLA BA'I STENG DU RNAM PAR BSAMS LA, DE LAS BDUD RTZI'I CHU RGYUN DANG, 'DOD PA'I YON TAN GYIS RNAM PAR SPRAS PAS SNOD DANG BCUD CHOS KYI DBYINGS KHYAB PAR BSAM ZHING BSGOM PA NI, YID BZHIN NOR BU CHEN PO 'CHANG, ,KHYAB BDAG RIN CHEN KUN GYI GDUGS, ,ZHES BYA'O, ,BDAG NYID KYI SNYING GA'I DH'I:LAS, DPAG BSAM SHING CHEN RGYAS PA STE, ,BUM PA BZANG PO CHE BA'I MCHOG ,CES BYA BA NI DPAG BSAM GYI SHING NAM MKHA'I MTHA' DANG MNYAM PA BUM PA BDUD RTZIS BKANG BA'I 'BRAS BU SMIN PA BDUD RTZI RNAM PAR 'DZAG PA'O, ,GTOR MA'I RGYUD RGYAS PAR BSAM MO, ,THUGS KA'I 'OD ZER GYIS YE SHES BDUD RTZI DBAB STE GNYIS SU MED PAR BSAM MO, ,AA A'A SARBA TA TH'A GA HRIi DA YA, HA RA HA RA, AOm H'Um HR'I:BHA GA B'AN DZNY'A NA MURTI B'A G'I SHVA RA MA H'A WA TZA SARBA DHARM'A GA GA NA AA MA LA SU PA RI SHUDDHA DHARM'A DH'A TU AOm A'A:H'Um, ZHES PAS BYIN GYIS BRLAB PA'O, ,SNA TSOGS GZUGS CAN YID LA SKYES, ,'JIG RTEN GSUM YANG GZHON LUS GCIG ,CES BYA BA NI DE NAS SNYING GA'I 'OD ZER GYIS YANG DAG PA'I SANGS RGYAS SRAS DANG BCAS PA DANG KHAMS GSUM GYI SEMS CAN THAMS CAD BKUG STE, DE DAG THAMS CAD SNYING GAR YI GE AA BKOD PA'I 'OD ZER GYIS RNAM PAR SBYANGS TE, 'PHAGS PA 'JAM DPAL DU BSAM MO, ,GSUM SEL MTHA' YAS GROL GSUM THOB, ,SANGS RGYAS SPRUL PA'I RGYAN DANG LDAN, ,ZHES BYA BA NI YI GE GSUM GYIS BYIN GYIS BRLABS LA, DNGOS SAM YID
, ,KYIS LUS DPAG MED SPRUL LA MCHOD DO, ,NAM MKHA'I MTHA' LA LONGS SPYOD DANG, ,SEMS CAN KUN YID TSIM PAR BYED, ,DE LTAR LJAGS KYI 'OD ZER GYIS BDUD RTZI'I RGYUN LA ZHUGS TE, KUN KYANG TSIM PAR DMIGS SHING 'DOD PA'I LONGS SPYOD KYIS TSIM PAR BYA'O, ,DE NAS, CHOS KYI SPYIN BDAG CHEN PO STE, ,MCHOD 'OS BA STONG 'OS PHYAG GI GNAS, ,ZHES PAS PHRENG BA'I SNGAGS DANG, AA K'A RO MU KHAm SARBA DHA RM'A n'Am, A'ADYA NA NUTPANNA TV'A TA, AOm A'A:H'Um ZHES PA DANG, TSIGS SU BCAD PA'I BSTOD PAS CHOS KYI SPYIN PA BYA'O, ,BYANG CHUB SEMS DPA' SEMS DPA' CHE, ,SHES RAB KYIS NI DE THOB SHOG ,BYANG CHUB CHEN POR BSNGO ZHING SMON LAM RGYA CHEN POR GDAB, AOm A'A:H'Um ZHES PAS GSHEGS SU GSOL, PHA ROL PHYIN DANG RGYUD RNAMS MA LUS DANG, ,BDER GSHEGS RGYAL BA'I DKYIL 'KHOR MA LUS KYI, ,KUN GYI GTZO BOR KHYAB PAS THUGS LA GNAS, ,YE SHES LUS CAN MTSAN DON RGYA CHE BAS, ,SNA TSOGS TSUL CAN BSTOD KYIS DENG 'DIR BDAG GIS 'DIR, ,DAM PA'I GDAMS NGAG NYER BA STAN RNAL 'BYOR LAM DANG SPYAR, SPYAR BA 'DI LA DGE BA GANG YOD 'DIS, ,BDAG SOGS 'JAM DPAL YE SHES SEMS DPA' 'DRAR 'GYUR SHOG ,GTOR MA'I CHOG RDZOGS SO,,