, ,RGYA GAR SKAD DU, A'A RYA MNYDZU SHR'I N'A MA SAm G'I TI SARBA MAndALA STO TRA, BOD SKAD DU, 'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR THAMS CAD LA BSTOD PA, PHYI DANG NANG DANG DE'I NANG NA, ,SKU GSUM BDAG NYID LA BZHUGS PA, ,SNYING RJE SHES RAB RJES ZHUGS PA, ,GZHON NU KHYOD LA PHYAG 'TSAL LO; ,RNAM KUN RNAM PAR BYANG CHUB DANG, ,RNAM KUN DRI MA MED PA DANG, ,CHOS RNAMS KUN LA GNAS PA DANG, ,CHOS KUN GCIG TU STON PA DANG, ,RNAM KUN TSUL LA 'JUG PA DANG, ,RNAM KUN TSUL LA GNAS PA DANG, ,RNAM PA KUN GYI DON TSUL GCIG ,'JAM PA'I DBYANGS LA PHYAG 'TSAL BSTOD, ,SGEG DANG BZHAD DANG MI SDUG DANG, ,DRAG PO'I NGO MTSAR NYAMS BDAG NYID, ,NYON MONGS GCOD DANG SHES RAB CAN, ,DANG PO'I SANGS RGYAS KHYOD LA 'DUD, ,SRID DANG ZHI BA SPANGS PA DANG, ,SRID DANG ZHI BAR BZHUGS PAR MDZAD, ,ZLA BA GZHON
NU LTAR MDZES PA, ,CHOS SKU DE LA PHYAG 'TSAL LO, ,CHOS RNAMS THAMS CAD STONG NYID KYI, ,SROG TU KHYOD NI BZHUGS PA YIN, ,MTSAN MA LA YANG MTSAN MA MED, ,DBANG PHYUG CHE LA PHYAG 'TSAL BSTOD, ,KHYOD MI BZHUGS NA SPROS 'DI LA, ,JI LTAR YANG NI SMON PA YIN, ,KHYED 'DIR RJES SU ZHUGS NA NI, ,'DI LA SMON LA PHYAG 'TSAL BSTOD, ,THOG MA BAR DANG MTHAR DGE BA, ,'DI NI RANG NYID 'OD GSAL BA, ,PHRIN LAS RJES SU 'JUG PA YIN, ,SNA TSOGS STON LA PHYAG 'TSAL BSTOD, ,LTA BA RTOG DAG LAS 'TSO BA, , RTZOL DANG DRAN DANG TING 'DZIN GYI, ,'PHAGS AI YAN LAG 'KHOR LO MDZES, ,'KHOR LOS SGYUR LA PHYAG 'TSAL BSTOD, ,RANG BZHIN GYIS NI KUN RDZOB DANG, ,SEMS CAN RNAMS KYI BSDU BA DANG, ,DGE BA DRI MED SNANG BA DANG, ,SMIN BYED DE LA PHYAG 'TSAL BSTOD, , ZANG ZING MI 'JIGS SPYIN BYED DANG, ,BYAMS PA SPYIN BYED MCHOG DANG NI, ,CHOS SPYIN CHOS KYI DBANG PHYUG GI, ,CHEN PO DE LA PHYAG 'TSAL BSTOD, ,ZHI GNAS LHAG MTHONG DAG GI NI, ,SHES RAB PHA ROL PHYIN PAR 'GRO, ,NYON MONGS GCOD PA'I SHES RAB KYI, ,RAL GRI BSNAMS LA PHYAG 'TSAL BSTOD, ,SEMS CAN KHAMS NI MGU BA DANG, ,RDZU 'PHRUL RKANG PA CHEN POS GNON, ,BA STAN PA SO SO RANG RIG GI, ,SKYOB PA'I MGON LA PHYAG 'TSAL BSTOD, ,GO CHA CHEN PO BGOS PA DANG, ,'JUG PA CHE LA GNAS PA DANG, ,SO SOR RTOG PAR BYED PA DANG, ,BYA BA NAN TAN DE LA BSTOD, ,SPYIN DANG TSUL KHRIMS BZOD BRTZON 'GRUS, ,BSAM GTAN SHES RAB STOBS CHEN DANG, ,THABS DANG SMON LAM YE SHES KYI, ,PHA ROL PHYIN LA PHYAG 'TSAL BSTOD, ,BRGYA DANG DRUG CU'I GRANGS KYIS NI, ,DPAL GYI BYANG CHUB 'GRO BA'I GTZO, ,GANG ZHIG GCIG KYANG RNAM BCU DRUG ,'DOD CHAGS CHE LA PHYAG 'TSAL BSTOD, ,BYAMS PA'I YA LAD BGOS PA DANG, ,SHES SRAB GO CHA BGOS PA DANG, ,SNYING RJE CHEN PO BLO LDAN DANG, ,YE SHES TOG LA PHAG 'TSAL BSTOD, ,BZANG PO'I LAM LA
, ,SEMS CAN RNAMS, ,'JOG CING SKYOB PAR BYED PA DANG, ,ZAB PA'I BLO DANG RGYA MTSO BZHIN, ,MI ZAD BLO YI GTER LA 'DUD, ,DBYER MED SPOBS PA DAG GIS NI, ,STOBS KYI PHA ROL PHYIN LA 'DUD, ,BGROD DKA'I NGAN SONG CHEN PO LAS, ,KUN DU 'DREN LA PHYAG 'TSAL BSTOD, ,MYA NGAN MUN PA NGES 'JOMS DANG, ,DRA BA'I 'OD LA PHYAG 'TSAL BSTOD, ,RNAM KUN BDUD RTZIR 'DZAG PA YI, ,ZLA BA'I 'OD LA PHYAG 'TSAL BSTOD, ,'OD DPAG MED DANG SPRIN MED PA'I, ,NAM MKHA'I SNYING PO PHYAG 'TSAL BSTOD; ,SGRIB PA THAMS CAD SEL BA LA, ,PHYAG 'TSAL 'DUD CING PHYAG 'TSAL 'DUD, ,DAD DANG BRTZON 'GRUS DRAN BSAM GTAN, ,SHES RAB KYIS NI RJES BSRUNGS PA, ,SRUNG BA MED KYANG 'OD DAG NI, ,GNON PA RMAD BYUNG RGYAL LA 'DUD, ,CHOS KYI DBYINGS KYI BDAG NYID KYI, ,LA LAR RDO RJE SEMS DPA' DANG, ,NYON MONGS SHES BYA SPANGS PA YI, ,LA LAR RNAM PAR SNANG MDZAD DANG, ,LA LAR RDO RJE H'Um MDZAD DANG, ,LA LAR PADMA GAR DBANG PHYUG ,LA LAR RDO RJE NYI MA NI, ,RGYA CHEN RMAD BYUNG CHEN PO MDZES, ,GCIG GI BDAG NYID RTA MCHOG DANG, ,LA LAR GSUM GYI BDAG NYID DANG, ,GANG ZHIG RNAM LNGA'I SNA TSOGS PA'I, ,SKYOB PA DE LA PHYAG 'TSAL LO, ,GNYIS MED 'BYUNG BA'I CHOS NYID PHYIR, ,'KHOR LOS SGYUR GYI RIGS 'DZIN PA, ,GCIG KYANG SNA TSOGS BDAG NYID KYI, ,RNAM PAR SNANG MDZAD CHE LA 'DUD, ,MTSAN BRJOD DKYIL 'KHOR MA LUS LA, ,BSTOD PAS BSOD NAMS GANG SKYES PA, ,DGE BA 'DI YIS SEMS CAN RNAMS, ,'JAM PA'I DBYANGS NI 'GRUB PAR SHOG ,'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR THAMS CAD LA BSTOD PA, ,SLOB DPON SO MA SHR'IS MDZAD PA RDZOGS SO,, ,,RGYA GAR GYI MKHAN PO MA H'A DZNY'A NA DANG, BOD KYI LO TZ'A BA DGE SLONG GZHON NU 'OD KYIS BSGYUR CING GTAN LA PHAB PA'O,,