, ,RGYA GAR SKAD DU, N'A MA SAm G'I TI S'A DHA NAm, BOD SKAD DU, MTSAN YANG DAG PAR BRJOD PA ZHES BYA BA'I SGRUB THABS, 'JAM DPAL GZHON NUR GYUR PA LA PHYAG 'TSAL LO, ,RE ZHIG DANG POR SGRUB PA PO SNGA BAR LANGS TE, GDONG LA SOGS PA DAG PAR BYAS TE, SGOM PA'I KHANG PAR ZHUGS TE, BDE BA'I STAN LA SKYIL MO KRUNG GIS 'DUG STE, RANG GI SNYING GAR ZLA BA DANG PADMA LA MU:YIG DMAR SER BSGOM PAR BYA'O, ,DE NAS DE'I 'OD ZER GYI PHUNG PO LCAGS KYU'I RNAM PAS 'CHAD PAR 'GYUR BA'I BCOM LDAN 'DAS KHA DOG DANG ZHAL DANG PHYAG DANG GDAN DANG BCAS PA BKUG STE, MDUN DU BSAM PAR BYA'O, ,DE LA YID LA BYA BA'I ME TOG DANG BDUG PA LA SOGS PAS YANG DAG PAR MCHOD DE, MDUN DU SDIG PA BSHAGS PA LA SOGS PA THAMS CAD BYA STE, BYAMS PA LA SOGS PA TSANGS PA'I GNAS BZHI BSGOM PAR BYAS LA, CHOS THAMS CAD
, ,STONG PA NYID MNGON DU BYAS TE SNGAGS 'DIS BYIN GYIS BRLAB PAR BYA'O, ,AOm SH'UN+YA T'A DZNY'A NA BADZRA SVA BH'A BA A'ATMA KO&HAm, DE NAS NAM MKHA' LA H'Um YIG LAS RDO RJE RTZE LNGA PA SA BON DANG BCAS PA BSGOM PAR BYA'O, ,DE'I STENG DU AA YIG LA ZLA BA'I DKYIL 'KHOR, DE'I 'OD ZER RNAMS KYIS RDO RJE'I RA BA DANG, RDO RJE'I GUR DANG, RDO RJE'I RANG BZHIN GYIS GZHI GSER GYIS GZHI LA THUG PA BSGOM PAR BYA'O, ,RDO RJE YANG 'OD ZER DU GYUR NAS RDO RJE RA BA'I PHYIR NGOS SU PHYOGS BCINGS PA LA SOGS PA'I GZUGS SU GNAS PAR BLTA'O, ,DE'I RJES LA RDO RJE RA BA'I NANG DU HR'I:YIG LAS PADMA DE'I STENG DU AA YIG LAS ZLA BA'I DKYIL 'KHOR, DE'I STENG DU MU:YIG DMAR SER SANGS RGYAS DPAG TU MED PA SPRO BA DANG BSDU BA BYED PAR BSAMS LA, DE YONGS SU GYUR PA LAS RJE BTZUN 'JAM DPAL DMAR SER PADMA DANG ZLA BA'I STENG DU RDO RJE'I SKYIL MO KRUNG GIS BZHUGS PA, SHES RAB KYI PU STI DANG RAL GRI DANG GZHU DANG MDA' 'DZIN PA RIN PO CHE'I DBU RGYAN CAN, MTSAN SUM CU RTZA GNYIS DANG, DPE BYAD BZANG PO BRGYANG CUS BRGYAN PA, GZHON PA GZHON NU'I RGYAN GYIS BRGYAN PAR BDAG NYID BSAM MO, ,SNYING GAR PADMA DANG ZLA BA'I STENG DU SEMS DPA'I SKYIL MO KRUNG GIS BZHUGS PA'I RDO RJE SEMS MA DKAR MO G-YON PAS DRIL BU DKUR BRTEN PA, G-YAS PAS SNYING GAR BSTOD PA'I TSUL GYIS RDO RJE 'DZIN PA'O, ,DPRAL BAR DE BZHIN DU YANG DAG PAR GNAS PA'I RIN CHEN RDO RJE SEMS MA SER MO PHYAG GNYIS KYIS SPYI BRO ME TOG GI PHRENG BA 'CHING BA'O, , MGRIN PAR PADMA'I RDO RJE MA DMAR SER G-YON 'GYING BA GI TSUL GYIS PADMA'I RTZA BA 'DZIN PA, G-YAS KYIS DE'I 'DAB MA 'BYED PA SNGAR BZHIN DU GNAS PAR BLTA BAR BYA'O, ,SPYI BOR LAS KYI RDO RJE MA LJANG GU RDO RJE RTZE GSUM LAG PA GNYIS KYIS SPYI BOR 'DZIN PA, DE BZHIN DU YANG DAG PAR BSGOM PAR BYA'O; ,AOm BADZRA AAm KU SHA DZA:, AOm BADZRA P'A SHA H'Um, AOm BADZRA SPHO tA BAm, AOm BDZRA A'A BE SHA HO:, ZHES BYA BA 'DI RNAMS KYI SNGAGS KYIS PADMA DANG ZLA BA'I STENG DU GO RIMS BZHIN DU YE SHES KYI DKYIL 'KHOR DGUG PA DANG, GZHUG PA DANG, BCING BA DANG, DBANG DU BYAS TE, RDO RJE KHU TSUR
BA CANGS TE MDZUB MO DANG MTHE'U CHUNG GNYIS LCAGS SGROG TU BYAS TE, RDO RJE 'KHOR LO'I PHYAG RGYA SPRAD PA GAN RGYAL DU BYAS PAS RANG GI SNYING GAR BZHAG PAS YON CHAB DANG, ,ZHAL BSIL DANG, ME TOG DANG SPOS LA SOGS PA RNAMS KYIS YANG DAG PAR MCHOD LA, DE MA THAG TU RANG GI LUS LA GZHUG PAR BYA'O, ,DE'I RJES LA DE BZHIN GSHEGS PA THAMS CAD KYIS DBANG BSKUR BA SNGON DU SONG BAS BDAG NYID KYI SPYI BOR MI BSKYOD PA BSAMS LA, AOm SARBBA DHARMMA AA BH'A BA SVA BH'A BA BI SHUDDHA BDZRA AA A'A AAm AA:, PRA KRi TI BA RI SHUDDHA SARBA DHARMM'A YA DU TA SARBA TA TH'A GA TA DZNY'A NA K'A YA MANYDZU SHR'I PA RI SHUDDHI T'A MU P'A D'A YE TI AA A'A:, SARBA TA TH'A GA T'A HRI DA YA, HA RA HA RA, AOm H'Um HR'I: BHA GA B'A NA DZNY'A NA M'U RTI B'A G'I SHVA RA MA H'A WA TZA SARBA DHARMM'A GA GA NA AA MA LA SU PA RI SHUDDHA DHARMMA DH'A TU DZNY'A NA GA RBHA A'A:, ZHES PA'I SNAGS 'DIS DANG PO DANG THA MA DANG DBUS SU BYIN GYIS BRLAB PA SNGON DU SONG BAS, RJE BTZUN YANG DAG PAR BRJOD PA RTAG TU THUN MTSAMS SU LAN GSUM MAM DU MA YANG RUNG, RDO RJE'I SKYIL MO KRUNG BCAS TE MNYAM PAR GZHAG PAS BKLAG PAR BYA'O, ,'DI JI SRID DU BKLAGS PA DE SRID DU GRUB PA'I MTSAN MA RNAMS MTHONG NGO, ,DE LTA BAS NA SGRUB THABS NYAMS SU BLANG BAR BYA'O, , MTSAN YANG DAG PAR BRJOD PA'I SGRUB THABS RDZOGS SO,, ,,DAR MA GRAGS KYIS RANG 'GYUR BYAS, ,DE YIS BSOD NAMS GANG THOB DES, ,CHOS DBYINGS NGAG GI DBANG PHYUG GIS, ,'GRO BA BYIN GYIS BRLAB PAR SHOG, ,,