, ,RGYA GAR SKAD DU, BA LI BI DHI:, BOD SKAD DU, GTOR MA'I CHO GA ,'PHAGS PA 'JAM DPAL LA PHYAG 'TSAL LO, ,YID BZHIN NOR BU CHEN PO 'CHAR, ,DPAG BSAM SHING CHEN RGYAS 'DRA STE, ,BUM PA BZANG PO CHE BA'I MCHOG ,SEMS CAN KUN DON BYED LA 'DUD, ,GTOR MA'I RIM PA BSHAD PAR BYA; ,DANG POR LHA'I RNAL 'BYOR DANG LDAN PA'I SNGAGS PAS RIN PO CHE'I SNOD MDZES PA'I NANG DU KHA ZAS KYI 'BYOR BA DRI DANG KHA DOG DANG LDAN PA SNA TSOGS BCUG LA, GTOR MA'I NANG DU YI GE AA LAS YID BZHIN GYI NOR BU 'BAR BA ZLA BA'I STENG DU RNAM PAR BSAMS LA, DE LAS BDUD RTZI'I CHU RGYUN DANG, 'DOD PA'I YON TAN GYIS RNAM PAR SPRAS PAS SNOD DANG BCUD CHOS KYI DBYINGS KHYAB PAR BSAM ZHING BSGOM PA NI, YID BZHIN NOR BU CHEN PO 'CHANG, ,KHYAB DAG RIN CHEN KUN GYI MCHOG ,CES BYA'O, ,BDAG NYID KYI SNYING GA'I DH'I: LAS, DPAG BSAM SHING CHEN
RGYAS PA STE, BUM PA BZANG PO CHE BA'I MCHOG ,CES BYA BA NI, DPAG BSAM GYIS SHING NAM MKHA'I MTHA' DANG MNYAM PA, BUM PA BDUD RTZIS GANG BA'I 'BRAS BU SMIN PA BDUD RTZI RNAM PAR 'DZAG PAS GTOR MA'I RGYUN RGYAS PAR BSAM MO, ,THUGS KA'I 'OD ZER GYIS YE SHES KYI BDUD RTZI DBAB STE GNYIS SU MED PAR BSAM MO, ,AOm SARBA TA TH'A GA TA HRi DA YA, HA RA HA RA, AOm H'Um HR'I: BHA GA B'A NA DZNY'A NA M'U RTI B'A G'I SHVA RA MA H'A WA TZA SARBA DHARM'A GA GA NA AA MA LA SU PA RI SHUDDHA DHA RMA DH'A TU DZNY'A NA GARBHA A'A:, AOm A'A: H'Um ZHES BYA BAS BYIN GYIS BRLAB BO, ,SNA TSOGS GZUGS CAN YID LAS SKYES, , 'JIG RTEN GSUM NA GZHON LUS GCIG ,CES BYA BA NI, DE NAS SNYING GA'I 'OD ZER GYIS YANG DAG PAR RDZOGS PA'I SANGS RGYAS SRAS DANG BCAS PA DANG, KHAMS GSUM GYI SEMS CAN THAMS CAD BKUG STE, DE DAG THAMS CAD SNYING GAR YI GE AA BKOD PA'I 'OD ZER GYIS RNAM PAR SBYANGS TE, 'PHAGS PA 'JAM DPAL DU BSAM MO, ,GSUM SEL MTHA' YAS GROL GSUM THOB, ,SANGS RGYAS SPRUL PA'I RGYAN DANG LDAN, ,ZHES BYA BA NI YI GE GSUM GYIS BYIN GYIS BRLABS LA, DNGOS SAM YID KYIS LUS DPAG TU MED PAR SPRUL LA MCHOD DO, ,NAM MKHA'I MTHA' LA LONGS SPYOD CING, ,SEMS CAN KUN YID TSIM PAR BYED, ,CES BYA BA NI, DER LJAGS KYI 'OD ZER GYIS BDUD RTZI'I RGYUN LA ZHUGS TE, KUN GYI YID TSIM PAR DMIGS SHING 'DOD PA'I LONGS SPYOD KYIS TSIM PAR BYA'O, ,DE NAS, CHOS KYI SPYIN BDAG CHEN PO STE; ,MCHOD 'OS BSTOD 'OS PHYAG GI GNAS, ,ZHES BYA BA'I PHRENG BA'I SNGAGS DANG, ,AA K'A RO MU KHAm SARBA DHA RMA n'Am A'ADYA NU TPANNA TV'A TA, AOm A'A: H'Um, ZHES PA DANG TSIGS SU BCAD PA'I BSTOD PAS CHOS KYI SPYIN PA BYA'O, ,BYANG CHUB SEMS DPA' SEMS DPA' CHE, ,SHES RAB KYIS NI DE THOB SHOG ,BYANG CHUB CHEN POR BSNGO ZHING SMON LAM RGYA CHEN PO GDAG ,AOm A'A: H'Um MU:, ZHES PAS GSHEGS SU GSOL, PHA ROL PHYIN DANG RGYUD RNAMS MA LUS DANG, ,BDE GSHEGS RGYAL BA'I DKYIL 'KHOR MA LUS KYIS, ,KUN GYI BDAG NYID KHYAB PAR THUGS LA GNAS, ,
, ,YE SHES LUS CAN MTSAN DON RGYA CHE BA, ,SNA TSOGS TSUL LAS BSTOD KYIS DI RING BDAG GIS 'DIR, ,DAM PA'I GDAMS NGAG NYER BA STAN RNAL 'BYOR LAM DU SPYAR, ,'DI LA DGE BA DRI MED GANG THOB DES, ,BDAG SOGS 'JAM DPAL YE SHES SEMS DPA' 'DRAR GYUR CIG ,'JAM DPAL MGON PO'I GTOR MA'I CHO GA ZHES BYA BA RDZOGS SO,,