, ,RGYA GAR SKAD DU, ,A'A RY'A TZA LA S'A DH'A NAm, BOD SKAD DU, 'PHAGS PA MI G-YO BA'I SGRUB THABS, RDO RJE RNON PO LA PHYAG 'TSAL LO, ,GSUNG SGRA ZAB MO'I SGRA SGROGS SHING, ,'JAM PA'I MGON LA PHYAG 'TSAL NAS, ,MTSAN GYI DON LA RAB BRTEN TE, ,BDAG GIS SGRUB THABS RAB TU BSHAD, ,ME TOG KHANG PA MDZES PAR NI, ,BDE BA'I STAN LA NYER 'DUG STE, ,RANG GI SNYING GA'I AA LAS NI, ,DKON MCHOG LA SOGS SPYAN DRANGS TE, ,PHYAG 'TSAL MCHOD LA SOGS PA BYA, ,BYANG CHUB MCHOG TU SEMS BSKYED DO, ,AOm AA BH'A BA SVA BH'A BA BI SHUDDHA BADZRA TZAKshU AA A'A AAm AA:, DE NAS AA LAS BYUNG BA YI, ,RDO RJE RNON POR RAB BSKYED DE, ,
, ,MDOG DMAR PADMA RAL GRI BSNAMS, ,GLANG CHEN STENG DU RAB TU BSAM, ,NYI STENG RAL GRA'I 'PHRO 'DU LAS, ,MI G-YO BAR NI RAB TU GYUR, ,RAL PA GCIG BSDUS 'GYING BAG CAN, ,SKU MDOG DMAR NAG 'JIGS BYED CHE, ,GLANG CHEN KO BA RLON PAS BRGYAN; ,SHUGS DANG BCAS PA'I KLU YIS BRGYAN, ,ZHAGS PA RAL GRI PHYAG NA BSNAMS, ,HA HA HI HI RDO RJE'I SGRA, ,ME YI PHUNG PO RAB 'PHRO BAS, ,TSAD MED BZHI LDAN BSGOM PAR BYA, ,NYI MA AA YI SA BON LAS, ,BDE GSHEGS SPYAN DRANGS RAB TU MCHOD, ,PHYAG RGYA BZHI YIS RGYAS BTAB NAS, ,DBANG BSKUR BYIN BRLABS LA SOGS BYA, ,DE NAS SKYON BZLAS BYA STE, ,AOm BADZRA T'I KshnA AA TZA LA DH'I:, DE NAS GTOR MA BTANG BAR BYA'O, ,AOm BADZRA MU:, SPYOD LAM GYIS GNAS PAR BYA'O, ,DRI MED YE SHES LAS BYUNG 'DI, ,BDAG GIS SGRUB THABS LAS BYUNG BA, , DGE BA ZLA LTAR GSAL BA GANG, ,DE YIS SKU GSUM THOB PAR SHOG ,MI G-YO BA'I SGRUB THABS SLOB DPON AA SHO KA SHR'I SA MDZAD PA RDZOGS SO,, ,,PAndI TA DHA RMA SHR'I MI TRA DANG, LO TZ'A BA DGE SLONG CHOS KYI BZANG POS BSGYUR BA'O,,