, ,RGYA GAR SKAD DU, YA M'A RI K'A LA S'A DHA NA N'A MA, BOD SKAD DU, GSHIN RJE DGRA NAG PO'I SGRUB THABS ZHES BYA BA, BCOM LDAN 'DAS SHES RAB YE SHES LA PHYAG 'TSAL LO, ,LOG PA'I LTA BA GCOD MDZAD CING, ,SHES RAB SNYING RJES RAB TU KHROS, ,MCHE BA GTZIGS SHING BZHAD MDZAD PA, ,GSHIN RJE'I DGRA LA PHYAG 'TSAL NAS, ,RGYUD CHEN SGYU 'PHRUL DRA BA LAS, ,BLA MA'I MAN NGAG LA BRTEN NAS, ,BDAG GIS SGRUB PA'I RIM PA BZHIN, ,SGRUB LA PHAN PHYIR BRTZAM PAR BYA, ,BDEN ZHING ME TOG GCAL
BKRAM PA'I, ,BDE BA'I STAN LA NYER 'DUG STE, ,LHA DANG DKON MCHOG SPYAN DRANGS NAS, ,MCHOD DANG SDIG BSHAGS LA SOGS BYA, ,AA BH'A BA SVA BH'A BA BI SHUDDHA BADZRA TZAKshU AA A'A AAm AA:, DE NAS STONG PA'I TING NGE 'DZIN LAS, ,NAM MKHAR AA NI BSAM PAR BYA, ,RDO RJE ME DPUNG RAB TU 'PHROS, ,RDO RJE'I STENG DU AA BSAMS TE, ,GYUR BAS SHES RAB YE SHES NI, ,MDOG DKAR 'KHOR LO RAL GRI 'DZIN, ,NYI STENG H'Um GI 'PHRO 'DU LAS, ,GYUR PAS GSHIN RJE GSHED PO NI, ,BGEGS KYI RGYAL PO CHEN PO STE, ,LUS NI RDO RJES RNAM PAR BRGYAN, ,PHYAG NA RDO RJE BE CON DANG, ,SHUGS DANG BCAS PA'I SPRUL ZHAGS BSNAMS, ,TSANG MED BZHI LDAN KHRO BO NI, ,SHIN TU KHROS PA RNAM PAR BSGOM, ,DZA: H'Um BAm HO: ZHES BYA BAS DGUG PA DANG GZHUG PA DANG, BCING BA DANG, DGYES PA BSKYED NAS, AOm SVA H'Um, GSUM GYIS BYIN GYIS BRLABS NAS DBANG BSKUR BYA'O, ,DE NAS BSGOMS PAS SKYON BZLAS PA BYA STE, AOm PRA DZNY'ADZNY'A NA M'U RTA YE YA M'ANTA KA H'Um, ZHES BRJOD NAS, MTSAN BRJOD DE GTOR MA GTANG BAR BYA'O, ,DE LTAR BSTOD NAS GSHEGS SU GSOL LO, ,BDAG GIS 'GRO BA PHAN PHYIR BRTZAMS, ,DGE BAS 'BRAS BU TSAD MED SHOG ,GSHIN RJE GSHED KYI SGRUB THABS SLOB DPON AA SHVA KA SHR'I SA MDZAD PA RDZOGS SO,, ,,PAndI TA DHARMA SHR'I MI TRA DANG, ,LO TZ'A BA CHOS KYI BZANG POS BRGYUR BA'O,,