, ,RGYA GAR SKAD DU, DZNY'A NA SA TVA MANYDZU SHRY'A DI BUDDHA N'AM S'ADHA N'Am, BOD SKAD DU, 'JAM DPAL YE SHES SEMS DPA' DANG PO'I SANGS RGYAS ZHES BYA BA'I SGRUB THABS, 'PHAGS PA 'JAM DPAL YE SHES SEMS DPA' LA PHYAG 'TSAL LO, ,THOG MA BAR DANG MTHAR SANGS RGYAS, ,SRID PA'I DRI MA DANG BRAL BA'I, ,RANG BZHIN GYIS NI DAG PA'I SKU, ,DANG PO'I SANGS RGYAS LA BTUD NAS, ,SNYING PO BSDUS PA'I MTSAN RGYUD LAS, ,YE SHES LNGA YI SGRUB THABS 'DI, ,MA RIG 'KHRUL PA SPANG BA'I PHYIR, ,GSUNG GI SGRUB THABS GSAL PHYIR BRI, ,GNAS KHANG YID DU 'ONG BAR NI, ,BDE BA'I STAN LA NYER 'DUG STE, ,TSAD MED BZHI PO BSGOM BYAS NAS, ,BYANG CHUB MCHOG TU SEMS BSKYED DE, ,AA BH'A BA SVA BH'A BA BI SHUDDHA BADZRA TZAKRA AA A'A AAm AA:, DE NAS STONG PA'I TING 'DZIN LAS, ,AA H'Um LAS BYUNG RDO RJE NI, ,RDO RJE 'JIGS BYED 'JIGS PAR BYED, ,KHRO BO'I RGYAL PO ZHAL DRUG LDAN, ,ME DPUNG 'BAR BA DANG
BCAS PA, ,'JIGS PA'I RDO RJE BSKYED PAR BYA, ,DANG PO YI NI DBYANGS YIG LAS, ,THABS DANG SHES RAB RANG BZHIN GYI, ,YE SHES MIG GCIG AE YI NANG, ,NYON MONGS DRI MED PADMA'O, ,DANG PO'I DBYANGS YIG LAS BYUNG BA'I, ,PAm LAS BYUNG BA'I PADMA'I STENG, ,RDO RJE SKYIL KRUNG RDZOGS SANGS RGYAS, ,SANGS RGYAS 'GRO BA'I CHOS 'DZIN PA, ,DPAL LDAN SANGS RGYAS PADMA SKYES, ,KUN MKHYEN YE SHES MDZOD 'DZIN PA, ,RDO RJE RNON PO RANG BZHIN ZHAL, ,TSIG GI DBANG PHYUG SMRA BA CHE, ,RNAM DAG SHES RAB YE SHES ZHAL, ,SMRA BA'I SKYES MCHOG DAM PA YI, , BCOM LDAN SDUG BSNGAL GCOD PA'I ZHAL, ,STOBS DANG LDAN PA SMRA BA'I RGYAL, ,GSUNG DBYANGS RDO RJE CHOS KYI ZHAL, ,SMRA BA'I DAM PA MCHOG GI GNAS, ,RDO RJE ZAB MO SKU YI ZHAL, ,SMRA BA'I SENG GE NYON MONGS SEL, ,KHA DOG SO SOR MTSUNGS MED ZHAL, ,KUN DU [*KUN TU?] LTA BA MCHOG TU DGA'; ,SKU NI GZI BRJID PHUNG PO YI, ,MTSAN DANG DPE BYAD BLTA NA SDUG ,'OD BZANG RIN CHEN 'BAR BA YI, ,G-YON PA'I PHYAG BZHI PU STI 'DZIN, ,G-YAS PA YI NI PHYAG BZHI YIS, ,'DOD DANG BCAS PA'I RAL GRI 'PHYAR, ,SMAN BA CHE MCHOG GZHON NU'I SKU, ,LJON PA'I SHING DANG BCAS PA'O, ,SANGS RGYAS KUN GYI SKU CHE BA, ,SANGS RGYAS SKU LNGA'I BDAG NYID CAN, ,SANGS RGYAS KUN GYI GSUNG CHE BA, ,RTZIBS BZHI MU KHYUD GSUNG YANG YIN, ,AOm BADZRA T'IKshnA NUB TU'O, ,DU:KHATZTSE DA SHAR DU'O, ,PRA DZNY'A DZNY'A NA M'URTA YE DBUS SU'O, ,B'A G'I SHVA RA LHO RU'O, , DZNY'A NA KA YA BYANG DU STE, ,AA NI DBUS SU DKAR PO'O, ,PA NI SHAR DU MTHING GA'O, ,TZA NI LHO RU SER PO'O, ,RA NI NUB TU DMAR PO'O, ,NA NI BYANG DU LJANG GU'O, ,GSAL BYED DANG NI DBYANGS YIG NI, ,MU KHYUD BZHI LA BSAM PA STE, ,DE LTAR SHES RAB 'KHOR LO'O, ,SANGS RGYAS KUN GYI THUGS CHE BA, ,SANGS RGYAS KUN GYI THUGS LA GNAS, ,RDO RJE NYI MA SHES RAB CHE, ,RDO RJE ZLA BA THABS KYI BDAG ,CHAGS DANG CHAGS BRAL YIG 'BRU MCHOG ,KHA DOG SNA TSOGS 'BAR BA'I 'OD, ,AOm PRA KRi TI PA RI SHUDDHA:, SARBA DHARM'A YA DU TA, SARBA TA TH'A GA TA DZNY'A NA K'A YA, ,
, ,MANYDZU SHR'I MU PA DA YE TI AA, AA A'A AI A'I AU A'U AE AEE AO AOO AAm AA:, STHI TO HRi DI DZNY'A NA M'URTI RA HAm BUDDHO NAm, DRYA DHVA BARTI NAm, AOm BADZRA DH'U PE SV'A H'A, AOm BADZRA PUshPE SV'A H'A, AOm BADZRA A'A LO KE SV'A H'A, AOm BADZRA GANDHE SV'A H'A, AOm BADZRA NEE BI TYE SV'A H'A, AOm BADZRA SHAPTA SV'A H'A, AOm SARBA TA TH'A GA TA HRi DA YA, HA RA HA RA, AOm H'Um HR'I:, BHA GA B'A NA DZNY'A NA M'URTI B'A G'I SHVA RA, MA H'A WA TZA, AA SARBA TA TH'A GA TA HRi DA YA, HA RA HA RA, GA GA NA, AA MA LA SU PA RI SHUDBHA DHARMA DH'A TU DZNY'A NA GARBHA A'A:, DE LTAR BSKYED NAS BSGOM PAR BYA'O, ,DE NAS GSANG SNGAGS BZLAS PAR BYA; ,AOm BADZRA T'IKshnA DU:KHA TZTSE DA, PRADZNY'A DZNY'A NA M'URTA YE, DZNY'A NA K'A YA, B'A G'I SHVA RA, AA RA PA TZA NA YA TE NA MA:, DA NI MTSAN NAS BRJOD PA NI, SDU GU 'JIG RTEN GSUM GYI MCHOG ,DPAL LDAN RGYU SKAR DKYIL 'KHOR CAN, ,PHYOGS BCU NAM MKHA'I MTHAS GTUGS PAR, ,CHOS KYI 'KHOR LO LEGS PAR BSKOR, ,'GRO DANG 'DUG PA SPANGS PA STE, ,BYAMS DANG SNYING RJE'I DKYIL 'KHOR CAN, ,DE LTAR BSGOMS NAS MTSAN BRJOD DO, ,GTOR MA PHUL NAS GSHEGS SU GSOL, ,BDAG NYID SPYOD LAM GNAS PAR BYA'O, ,MDO RGYUD SNYING PO'I DON LAS NI, , MAN NGAG LA BRTEN GZHUNG 'DI BRTZAMS, ,DE YIS BSOD NAMS GANG BSAGS PA, ,'GRO RNAMS 'JAM DBYANGS THOB PAR SHOG ,SLOB DPON CHEN PO AA WA DH'U T'IS MDZAD PA'I DANG PO'I SANGS RGYAS KYI SGRUB THABS RDZOGS SO,, ,,DHARMA SHR'I MI TRA DANG, ,LO TZ'A BA CHOS KYI BZANG POS BSGYUR BA'O,,