, ,THIG GA DAB PA'I RIM PA, 'JAM DPAL YE SHES SEMS DPA' LA PHYAG 'TSAL LO, ,MTSAN NYID LDAN PA'I THIG SKUD KYIS, ,YONGS SU RDZOGS PA'I SA GZHI LA; ;TSANGS THIG ZUR THIG LOGS THIG RNAMS, ,GZHAN DANG MTHUN PAR GDAB BYAS NAS, ,PHYI DANG NANG DU DBYE BAR BYA, ,PHYI LA DRUG DRUG BCU GNYIS TE, ,NANG DU BRGYAD BRGYAD BCU DRUG GDAB, ,CHA CHEN NYI SHU BRGYAD DU 'GYUR, ,SO SO'I CHA NI DBYE BAR BYA, ,NANG GI BRGYAD PO GNYIS PO YANG, RE RE'ANG BZHI BZHIR BGO BYA ZHING, ,PHYI ROL DKYIL 'KHOR THIG LA NI, ,DANG PO KHYAMS SU GZHAG PAR BYA, ,GNYIS PA GSUM PA BZHI PA DANG, ,LNGA PO RNAMS NI BZHI BZHIR BGO ,DRUG PA LA NI GNYIS SU BYA, ,DRUG PO GZHAN YANG DE BZHIN BGO ,'DI LA, ,PHRENG BA RE YANG RE'U MIG NI; ;BRGYA DANG CHA CHUNG GNYIS SU 'GYUR, ,TSANGS PA'I THIG GI NGOS GNYIS LAS, ,GSUM PA DE BZHIN LNGA PA DANG, ,BCU BDUN PA DANG NYI SHU PA, ,DE BZHIN NYI SHU RTZA GSUM PA, ,CHA LNGAR NANG DU BGO BAR BYA, ,PHYI YI GSUM PA LNGA PA RNAMS, ,DE BZHIN DU NI BGO BAR BYA, ,GNYIS PA LNGA PA BRGYAD PA RNAMS, ,CHA CHUNG LNGA LNGAR GDAB PAR BYA, ,PHYI SGO SUM CHAS CHE BAR DBYI, ,SGO NI 'KHOR LO'I BRGYAD CHA RU, ,YA PHUGS BCAS PA DBUS SU DBYI, ,RTA BABS YA PHUBS DAG LA NI, ,CHA GCIG DOR BA'I CHA CHEN TSAD, ,SGRO YI MTSAMS DANG TVA RA nA, ,SHIN TU GCIG NYID MI BYA'O, ,DE STENG 'KHOR LO RDZOGS PAR BYA, ,TSANGS NAS CHA CHUNG BRGYAD LA NI, ,'KHOR LO RTZIBS BRGYAD THIG TU GDAB, ,LTE BA CHA GSUM MU KHYUD GCIG ,DE NAS RTZIBS BRGYAD CHA PHRAN BZHI, ,MAN NGAG THIG LA TSOD KYIS BSKOR, ,DE RGYAB CHA CHUNG GCIG LA NI, ,NANG GI MU KHYUD LEGS PAR BYA, , CHA CHUNG GCIG LA LTE BAR BYA, ,DE BRTEN CHA CHUNG LNGA LA NI, ,RTZIBS NI BCU DRUG 'KHOR LO BYA, ,DE RGYAB CHA CHUNG MU KHYUD 'GYUR, ,DE RGYAB NANG SGO CHA CHEN BZHI, ,DKYIL 'KHOR PHYI ROL KHYAMS DAG LA, ,RTZIBS BCU DRUG TU GDAB PAR BYA, ,DE RJES CHA CHEN BZHI PO LA, ,PHYI YI SGO NI RDZOGS PAR GZHAG,
, ,MTSAN NYID GONG MA BZHIN DU DBYE, ,PHYI ROL RDO RJE PHRENG GSAL BA, ,CHA CHEN GYI NI PHYED KYI TSAD, ,'BAR BA'I PHRENG BA'ANG DE YI TSAD, ,SGRUB THABS GSANG BA DANG LDAN PA'I THIG GI CHO GA ,PAndI TA SMRi TI DZANY'A NA K'I RTIS MDZAD PA RDZOGS SO,, ,,