, ,RGYA GAR SKAD DU, A'A RYA MANYDZU SHR'I PRA TI shAthA BI DHI:, BOD SKAD DU, 'PHAGS PA 'JAM DPAL GYI RAB TU GNAS PA'I CHO GA ,'JAM DPAL GZHON NUR GYUR PA LA PHYAG 'TSAL LO, ,NYES PA KUN DANG RNAM BRAL ZHING, ,'GRO BA KUN LA PHAN MDZAD PA, ,DANG PO KUN LA KHYAB GYUR PA, ,'JAM PA'I DBYANGS LA PHYAG 'TSAL LO, ,DE LA DANG POR RE ZHIG 'PHAGS PA 'JAM DPAL GYI MTSAN MA THOB PAR BYAS LA, ,DANG POR NYI MA BZANG PO LA KHRUS BYA ZHING LUS DRI ZHIM POS BYUGS LA, RGYAN SNA TSOGS PAS BRGYAN TE, RAB TU GNAS PA'I YO BYAD KUN PA SOGS TE, BDAG NYID 'JAM PA'I DBYANGS KYI RNAL 'BYOR DANG LDAN PAS 'DUG LA, STEGS BU GRU BZHI PA DPANGS SU KHRU DO PA BRIS LA DE'I STENG DU LUGS SKU DANG PO TI LA SOGS RAB GNAS BYA BAR 'OS PA BZHUGS SU GSOL TE, SO SO'I SKU BSKYED BYIN GYIS BRLABS LA, BLA RE LA SOGS PA SNA TSOGS KYIS BRGYAN TE, DE LA GLU DANG GAR DANG ROL MO LA SOGS PAS BRGYAN NAS PHYI DRO'I DUS SU RIM PAS KHRUS BYAS TE, DE 'ANG SKU GZUGS LA NA BZA' SER PO GSOL TE SBYANG BAR BYA'O, ,DE NAS YANG H'Um YONGS SU GYUR PA'I YUNGS KAR KHU TSUR GNYIS KYIS BZUNG LA BSKOR TE, KHAM PHOR DANG NYE BA'I SHING SAS BSKOR BA LAN GSUM DU BYAS NAS, DE BZHIN DU AOm BZLAS PA'I CHUS BSKOR BA LAN GSUM DU BYA'O, ,DE NAS BA'I RNAM LNGA DANG D'UR BA'I PRI GYIS BYUG GO, ,GZHAN RNAMS NI ME LONG LA BKRU'O, ,DE NAS DRI
ZHIM PA'I CHUS BYUGS LA, AOm SARBA TA TH'A GA TA AA TZA SHI DZA YA BADZRA SV'A H'A, ZHES PA'I MAN NGAG GIS BYUGS LA, DE AU DUMB'A RA LA SOGS PAS PHYI'O, ,DE NAS YANG 'DAG CHAL GYIS BYUGS LA, DE NAS BUM PA RNAMS KYIS KHRUS BYA'O, ,DE NAS KHRUS SA'I STEGS BU DKYIL 'KHOR GYI BDAG NYID DU BYAS LA, MCHOD PA NAS RGYAS GDAB PA'I BAR DU BYAS LA, DE NAS BUM PA RNAMS DANG DBU RGYAN DANG DAR DBYANGS KYI CHAS BYAS LA MCHOD PA RNAMS KYIS MCHOD NAS BSTOD DE BZLAS PA BYA'O, ,DE NAS BDAG NYID KYIS GTOR MA BTANG STE, NANG DU SBYIN SREG BYAS LA, BDAG NYID SPOS SNOD LAG TU THOGS LA, 'PHAGS PA 'JAM DPAL BCOM LDAN 'DAS, ,RIG SNGAGS RGYAL LA PHYAG 'TSAL LO, ,SLOB MA RNAMS LA BRTZE BA DANG, ,KHYED RNAMS LA YANG MCHOD PA'I PHYIR, ,THUGS RJE'I BDAG PO CAN RAB GNAS, ,MGON PO BDAG NI BGYID PAR 'TSAL, ,BCOM LDAN BA DAG NI GUS PA LA, , DE BAS GNANG BA MDZAD PAR RIGS, ,BDAG MID RDO RJE 'DI ZHES BYA, ,RIG PA'I RGYAL PO 'DI ZHES BYA, ,YO BYAD CI 'BYOR PA YIS NI, ,GNANG BAS RAB GNAS BGYI BAR 'TSAL, ,BDAG DANG SLOB MAR BCAS PA LA, ,THUGS BRTZE BAR NI NYER DGONGS NAS, ,TSOGS PA THAMS CAD RAB GNAS LA, ,BYIN GYIS BRLAB PAR MDZAD DU GSOL, ,ZHES BRJOD LA, DE NAS MCHOD DE YI GE BRGYA PA DANG, RAB TU GNAS PA'I SNGAGS BZLAS LA DGE BA'I RTZA BA BSNGO STE, RAB GNAS KYI LHA GSHEGS SU GSOL LA, BDAG NYID BSRUNG BA'I PHYIR YANG YI GE BRGYA PA BZLAS SO, ,DE NAS NANG PAR LANGS LA BDAG NYID LHA'I RNAL 'BYOR BYAS LA MCHOD PA'I YO BYAD THAMS CAD BSAGS LA BYIN GYIS BRLABS TE, 'PHAGS PA 'JAM DPAL BCOM LDAN 'DAS LA SOGS PA'I TSIG LA CANG PAR BYAS LA DA NI BYA BA BCUG LA, LHA BSKUL, ,SNGAR GYI LHAG PAR GNAS PA'I GSHEGS SU GSOL BA MA GTOGS PA'I CHO GA RNAMS JI LTA BA BZHIN DU BYAS LA, DE NAS RTZA BA'I DKYIL 'KHOR DU BCUG LA, DAM TSIG BSGRAG GO, DE LTAR CHO GA KUN BYAS LA, LHA MO BRGYAD KYIS MCHOD LA BSTOD DE, AOm TZAKshU TZAKshU SA MANTA TZAKshU BI SHO DHA NE
, ,SV'A H'A, ZHES PA'I SNGAGS DANG, GSER GYI THUR MAS SKU GZUGS KYI SPYAN PHYE LA, 'JAB TSES SNYAN BRU BA DANG THUR MAS SHANGS BSAL BA DANG, SPU GRIS PHYAG SEN BREG PA DANG, SO MNGAS KYIS DBU SKRA BSHAD PA DANG, ME LONG BSTAN PA DANG, NA BZA' DANG BA SHOS DBUL TE, A'A: DYA AAN NAm SA M'A DHA'I DHYA NA PRI nA NE SV'A H'A, TZ'A RU LA SOGS PA'I PHUD DBUL, ,DE BZHIN DU SO RTZI DANG GOS LA SOGS PA DBUL TE, LHA LA LONGS SPYOD DO, ,DE NAS BRTAN PAR GSOL BA BTAB LA, ,YI GE BRGYA PAS KYANG, ,NAN TAN BYAS LA GTOR MA BTANG STE, DE NAS RGYAS PA'I SBYIN SREG BYAS NAS MTHAR SLOB MA G-YON DU BZHAG LA SBYIN SREG BYA'O, ,TSIGS BCAD 'DI YIS YON BLANGS TE, BLA MA YONGS SU MNYES PA YIS, ,LAS KYI DNGOS GRUB THOB 'GYUR PAS, ,THAN BKUR STI TZAM GYIS KYANG, ,BLA MA YONGS SU MNYES PAR BYA'O, ,DE NAS SKU GZUGS LA SLOB MA BSKOR BA LAN GSUM BYED DU BCUG LA, PHYAG DANG MCHOD PA LA SOGS PA BYED DU BCUG ,SLOB DPON GYIS PHYOGS SKYONG LA GTOR MA BYIN LA, SKU GZUGS YUN RING DU GNAS PAR BYA BA DANG, SLOB MA ZHI BAR BYA BA'I PHYIR BYA'O, ,BZOD PAR GSOL TE SKU GZUGS RAB TU GNAS PA'O, ,PU STI LA SOGS PA RNAMS NI YI GE RNAMS GSUNG RDO RJE CHOS SU GYUR PA'I YI GE BSKYED PAR BYA'O, ,LHA KHANG DANG MCHOD RTEN LA SOGS PA RNAMS NI RNAM PAR SNANG MDZAD DU YONGS SU GYUR PAR BSAMS LA PHYOGS BCU NAS YE SHES SEMS DPA' BKUG STE, SNGAR BSTAN PA BZHIN DU MCHOD PA LA SOGS PA BYAS NAS SNGA MA BZHIN DU BYA'O, ,RAB GNAS DE LTAR MA NUS NA, BDAG NYID LHAG PA'I LHAR BSGOMS TE, ,RTEN RNAMS DGUG SOGS BYAS NAS NI, ,SO SO RANG GI SKU BSKYED DE, ,YE SHES SEMS DPA' BSTIM BYAS LA, DBANG RNAMS BSKUR TE MCHOD PA BYA, ,RTEN TE BZLAS PA CI NUS BYA, ,BGRANG PHRENG RDO RJE CHOS SU BSKYED, ,YE SHES BCUG STE MCHOD PA BYA, ,DE NYID GSUNG GI YI GER BSGYUR, ,BZLAS PA BYAS LA BRTAN PA'O, ,DE NAS RTZA BA'I DKYIL 'KHOR GYI CHO GA CI RIGS SU BYA'O, RAB TU GNAS PA'I CHO GA 'DI, ,BDAG GIS RANG BZOR
BYAS MIN TE, ,SGYU 'PHRUL DRA BA'I RGYUD LAS 'ONGS, ,KUN GYIS 'JAM DBYANGS THOB PAR SHOG, ,SLOB DPON SH'ANTIm GARBHAS MDZAD PA RDZOGS SO,,