The Snare of the Dharma (Dharma Jala*)

;;RGYA LAS 'GYUR BA SKAD GSAR BCAD KYIS GTAN LA PHAB PA'O, ,*, ,CHOS KYI RGYA MO, ,SANGS RGYAS RNAM PAR SNANG MDZAD KYIS BYANG CHUB SEMS DPA'I SEMS KYI GNAS BSHAD PA LE'U BCU STE, BAM PO DANG PO, SANGS RGYAS KYI BU THAMS CAD THAL MO SBYOR BA SANGS RGYAS THAMS CAD KYI TSUL KHRIMS CHEN PO BSHAD PA SEMS

, ,THAG PA NAS NYON CIG, MANG PO TSOGS PA YID BSDUS TE NYON CIG, BDAG LA KUN TU LTUNG BA YOD PAR SHES MA MTHOL TSANGS BYOS SHIG ,MTHOL TSANGS BYAS NA BDE BAR 'GYUR RO,, MTHOL TSANGS MA BYAS NA SDIG PHYIR ZHING THAB TU SKYE'O, ,KUN TU LTUNG BA MED NA MA SMA BAR 'KHOD CIG DANG, KUN KYANG GTZANG MAR MNGON NO, ,LEGS PA CHEN PO YOD PA'I RNAMS DANG, DGE BSNYEN DANG, DGE BSNYEN MA LA SOGS PA BRTAG PAR NYON CIG ,SANGS RGYAS MYA NGAN LAS 'DAS PA'I PHYIR NA MCHOD RTEN LAS CHOS BYED PA'I TSE SO SOR THAR PA LA BTZUD CING LCI BA DANG, GUS SHING RIN CHER BYOS SHIG ,SO SOR THAR PA ZHES BYA BA'I TSUL KHRIMS NI, 'DI YIN NO, ,TSUL KHRIMS 'DI BZUNG NA MUN PA LAS SNANG BAR PHRAD PA DANG MTSUNGS SO, ,MI DBUL PO LAS NOR CHEN PO THOB PA DANG MTSUNGS SO, ,NAD PA SMAN RNYED PA DANG MTSUNGS SO, ,BTZON KHRI MUN NAS PHYUNG BA DANG MTSUNGS SO, ,LAM RING POR SONG BA LAS SLAR 'KHOR BA DANG MTSUNGS TE, 'DI NI, KUN GYI MKHAN PO CHEN PO YIN PAR MNGON PAS SANGS RGYAS 'JIG RTEN NA BZHUGS PA DANG MI MTSUNGS PA MED DO, ,'JIGS PA'I SEMS NI ,SKYE DKA', DGE BA'I SEMS NI, G-YO DKA' BAS NA KHA NA MA THO BA LAS BRNYAS TE MED

SNYAM DU BYAS NA CHU'I THIGS PA CHUNG MOD KYI, RGYUN GYIS NA SNOD CHEN PO 'GANG NGO, ,YUD TZAM GYI BAR DU SDIG BYAS PAS NA BSTIR MED PA'I SEMS CAN DMYAL BAR LTUNG NGO, ,RE ZHIG MI LUS TSOR NA BSKAL PA KHRI'I BAR DU'ANG SLAR MI LUS MI THOB BO, ,DAR BA'I TSE MI SDOD DO, ,DPER NA NI, RTA RGYUGS PA DANG 'DRA, MI'I TSE'ANG RTAG PA MED DE, DPA' RGAL GYI CHU 'BAB PA BAS KYANG MYUR TE, DE RING GSON MOD KYI, SANG GI GNYA' YANG DKA'O, ,DA DUS KHO NA LA BAB KYI, MANG PO'I RNAMS SO SO NAS SEMS GCIG TU 'GRUS SHING 'BOGS PA BTZAL BA'I RIGS SO, ,PAG BYAS LA LE LO BLA KHYAD DANG, NYAL BA DANG, GNYID KYIS LOG CING RANG NYAMS KYI YID MI BYA'O, ,MTSAN ZHING NI, SEMS BSDUS LA RTAG PAR DKON MCHOG GSUM GZUNGS SU BZUNG LA PHYAL BA DON MED PA LA NYON MONGS NGAL CHAD CING TSE PHYI MA LA'ANG RAB TU 'GYOD PA MTHAR CI'ANG THOB PA MED PAR MI BYA'O, ,MANG PO'I RNAMS GCIG NAS GCIG TU TSUL KHRIMS 'DI BZHIN LEGS PAR BYOS SHIG ,DE'I TSE NA SANGS RGYAS RNAM PAR SNANG MDZAD KYIS MANG PO'I PHYIR CHU BO GANGG'A'I BRGYA STONG GI BYE MA SNYED KYIS BRJOD DU MED PA'I CHOS KYI SGO MO'I MDO PHYE STE, DE'I NANG NAS SEMS KYI GNAS SPU NYAG MA'I MGO RNYED DO, ,SNGA MA 'DAS PA'I

, ,SANGS RGYAS THAMS CAD LA'ANG BSHAD DO, ,DA LTAR GYI SANGS RGYAS LA'ANG DE BZHIN 'CHAD DO, ,MA 'ONGS PA'I SANGS RGYAS THAMS CAD LA'ANG DE BZHIN 'CHAD PAR 'GYUR RO, ,DUS GSUM GYI BYANG CHUB SEMS DPA' SLOBS PA DANG, SLOB PA DANG, SLOB PAR 'GYUR RO, ,NGAS BSKAL PA BRGYA'I BAR DU SEMS KYI GNAS 'DI BYAS PAS NA, NGA'I MKHAN PO RDZOGS LONGS SPYOD PA'I SKU ZHES BYA'O, ,KHYED SANGS RGYAS THAMS CAD KYIS NGAS BSHAD DO COG GCIG NAS GCIG TU SEMS CAN THAMS CAD LA SEMS KYI GNAS LAM PHYE ZHIG ,DE NAS PADMO'I SNYING PO'I SNOD KYI KHAMS NA GNAM GYI 'OD LHAM ME LHANG DE BA'I SENGGE'I GDAN GYI STENG NAS SANGS RGYAS RNAM PAR SNANG MDZAD KYIS 'OD BTANG STE, 'OG GI ME TOG STONG GI THOG GI SANGS RGYAS LA SBRAN TE NGA'I SEMS KYI GNAS KYI CHOS KYI SGO MO'I LE'U GZUNGS SU ZUNGS LA DENGS SHIG ,YANG GCIG NAS GCIG TU 'BUM PHRAG BRGYA'I YANG PHRAG STONG GI SH'AKYA THUB PAS SEMS CAN THAMS CAD LA MTHAR GYIS NGA'I YAN CHAD KYIS SEMS KYI GNAS KYI CHOS KYI SGO MO'I LE'U SHOD DE KHYOD LA SOGS PA SEMS GCIG TU GZUNGS SU ZUNGS LA BYOS SHIG ,DE NAS ME TOG STONG GI THOG GI SANGS

RGYAS 'BUM PHRAG BRGYA'I YANG PHRAG STONG GI SH'AKYA THUB PA PADMO'I SNOD KYI KHEMS NA LHAM ME LHANG DE BA'I SENGGE'I KHRI LAS 'DAS TE, SO SO NAS MCHI PHYAG 'TSAL TE PHYIR NUR NAS LUS KUN GYIS BSAM GYIS MI KHYAB PA'I 'OD BTANG STE, KUN 'OD KYI NANG NAS GRANGS MED PA'I SANGS RGYAS BYUNG STE GCIG CAR GRANGS MED PA'I ME TOG SNGON PO, SER PO, DMAR PO, DKAR POS RDZOGS LONGS SPYOD PA'I SKU SANGS RGYAS LA YON DU GSOL NAS YAN CHAD SEMS KYI PHYI MO'I LE'U BSHAD PA'ANG KHONG DU CHUD NAS SO SOR PADMO'I SNOD KYI KHAMS KYI NANG DU NUB STE, RANG BZHIN GYI BSKAL PA STONG PA NYID KYI NANG DU NUB NAS ME TOG 'OD KYI TING NGE 'DZIN THOG MAR BYUNG BA'I GNAS SU SLAR SONG STE DZAMBU'I GLING BYANG CHUB KYI SHING DRUNG DU PHYIN NAS RANG BZHIN GYI BSKAL PA ME TOG 'OD KYI TING NGE 'DZIN LAS BYUNG STE, GDOD RDO RJE'I RGYAL PO'I GDAN DANG, 'OD SHIN TU BZANG PO'I KHANG PAR 'DUG NAS PHYOGS BCU'I CHOS RGYA MTSO DANG MTSUNGS PA BSHAD DO, ,DE NAS YANG SENGGE'I KHRI LAS LANGS TE SUM CU RTZA GSUM GNAM GYI PHO BRANG DU PHYIN NAS GRAL BCU'I CHOS BSHAD DO, ,DE NAS ZUNG MA'I GNAM DU PHYIN TE LAS SU BYA BA BCU BSHAD DO, ,DE NAS YANG KHRI LAS LANGS TE RGYAL CHEN RIS BZHI'I GNAM DU PHYIN NAS PHYOGS SHING LTA

, ,BA BCU BSHAD DO, ,DE NAS YANG 'DUG PA'I SA NAS LANGS TE 'PHRUL DGA'I GNAM DU PHYIN NAS BSAM GTAN MI 'GYUR BA BCU BSHAD, DE NAS YANG 'DUG PA'I SA NAS LANGS TE GNAM BDEN GNAM DU PHYIN NAS SA BCU'I CHOS BSHAD, DE NAS YANG BSAM GTAN GCIG GI NANG DU PHYIN NAS RDO RJE BCU BSHAD, DE NAS YANG BSAM GTAN GNYIS KYI NANG DU PHYIN NAS BZOD PA BCU'I CHOS BSHAD, DE NAS YANG BSAM GTAN GSUM GYI NANG DU PHYIN NAS SMON LAM BCU BSHAD, DE NAS YANG BSAM GTAN BZHI PA'I NANG CHEN PO CHE BA DBANG MCHOG 'DU MCHED GNAM GYI RGYAL PO'I PHO BRANG DU PHYIN TE NGA'I THOG MA'I PHYI MO'I PADMO ME TOG SNA TSOGS KYI KHAMS RDZOGS LONGS SPYOD PA'I SKU'I SANGS RGYAS KYIS SEMS KYI GNAS KYI CHOS KYI PHYI MO'I LE'U BSHAD PA BSHAD DO, ,GZHAN 'BUM PHRAG BRGYA'I YANG PHRAG STONG GI SH'AKYA THUB PA'ANG DE BZHIN TE, GNYIS SU MED DO, ,THA DAD PA'ANG MED DO, ,BSAM GTAN BSKAL PA'I LE'U'I NANG NAS KYANG ZHIB TU BSHAD DO, ,DE'I TSE SH'AKYA THUB PA PADMO'I ME TOG SNOD KYI KHAMS KYI SHAR PHYOGS NAS BYUNG NAS LDING PA'I KHANG BU'I NANG DU ZHUGS NAS BDUD KYIS CHOS MNOS PA BZHIN DU BSHAD ZIN NAS YAS

BABS TE DZAMBU'I GLING GI KA PI LAR SKYES NAS YUM GYI MTSAN NI, LHA MDZES CHEN MO, YAB KYI MTSAN NI, ZAS GTZANG MA, NGA BDAG GI MING NI, SIDDH'A THA ZHES BYA STE, LO BDUN NA RAB TU BYUNG, LO SUM CU NAS SANGS RGYAS SU PHYIN NAS NGA'I MTSAN NI, SH'AKYA THUB PA ZHES BYA STE, MI 'GYUR BA'I GTZANG MA'I SAR RDO RJE'I ME TOG GI KHRI LA 'DUG NAS DBANG PO CHEN PO'I GNAM GYI RGYAL PO'I PHO BRANG DU PHYIN TE, DE'I NANG GI 'DUG PA BCU'I GNAS MTHAR GYIS BSHAD, DE'I TSE SANGS RGYAS KYIS RUS GTZANG MA CHEN PO'I GNAM GYI RGYAL PO DRA BA'I RGYAL MTSAN MTHONG BA'I PHYIR GANGS MED PA'I KHAMS DPER NA DRA BA'I BU GU DANG MTSUNGS PAR BSHAD NA KHAMS GCIG NAS GCIG SO SO MI MTHUN TE, THA DAD PA'I GRANGS MED DO, ,SANGS RGYAS KYI CHOS KYI SGO MO BSHAD PA'ANG DE DANG 'DRA'O, ,NGA KHAMS 'DIR LAN BRGYAD STONG PHYIN TE; KHAMS DZAMBU'I GLING 'DI'I PHYIR RDO RJE'I KHRI STENG DU 'DUG STE DBANG PO CHEN PO'I GNAM GYI RGYAL PO'I PHO BRANG DU PHYIN NAS DE'I NANG GI MANG PO THAMS CAD SEMS KYI GNAS KYI MDO CHE'O, ,DE NAS GNAM GYI PHO BRANG NAS MAR BABS TE DZAMBU'I GLING BYANG CHUB KYI SHING DRUNG DU PHYIN NAS DE'I SA'I STENG GI SEMS CAN BLUN PO MA RABS

, ,RNAMS KYI PHYIR THOG MA PHYI MI RDZOGS LONGS SPYOD PA'I SKU SANGS RGYAS KYIS SEMS KYI GNAS KYI NANG BSHAD DO, ,SEMS THOG PA G-YOS PA NI; RTAG PAR 'OD SNANG BA'I TSUL KHRIMS GCIG KHA TON DU KLOG GO ,RDO RJE RIN PO CHE'I TSUL KHRIMS NI, SANGS RGYAS THAMS CAD KYI THOG MA'I PHYI MO YIN NO, ,BYANG CHUB SEMS DPA' THAMS CAD KYI NI, THOG MA'I PHYI MO SANGS RGYAS THAMS CAD KYI NGO BO NYID KYI SA BON NO, ,SEMS CAN THAMS CAD LA'ANG SANGS RGYAS KYI NGO BO NYID KYI SKAL BA YOD DO, ,THAMS CAD KYI SHES PA DANG, KHA DOG DANG, SEMS DANG, YID DANG, SEMS SO COG THAMS CAD KUN KYANG SANGS RGYAS KYI NGO BO NYID KYI NANG DU 'DUS SO, ,TSUL KHRIMS KYI NANG NA RTAG PA YUN DU RTAG PAR BSOD NAMS YOD DO, ,RTAG PA YUN DU RTAG PAR CHOS KYI LUS YOD DO, ,SO SOR THAR PA 'DI RNAMS BCU NI; SANGS RGYAS KYI DBYINGS NAS BYUNG NAS CHOS KYI TSUL KHRIMS BYAS TE DUS GSUM GYI SEMS CAN THAMS CAD KYIS GZUNGS SU 'DZIN TO, ,NGAS DE MANG PO 'DI'I PHYIR ZAD PA'I MTHA' MED PA'I TSUL KHRIMS KYI LE'U BCU BSLABS TE BSHAD DO, ,RDZOGS LONGS SPYOD PA NGA BDAG STE, ,PADMO'I DBUS SU GDOD BZHUGS NAS, ,MTHA'

BZHI'I ME TOG STONG GI STENG, ,SH'AKYA THUB PA STONG DU BZHUGS, ,ME TOG GCIG KHAMS 'BUM PHRAG BRGYA, ,KHAMS DE GCIG KYANG SPRUL PA GCIG ,KUN KYANG BYANG CHUB SHING DRUNG BZHUGS, ,MNYAM PAR SANGS RGYAS GNAS SU SON, ,DE YANG 'BUM PHRAG BRGYA PA STONG, ,RDZOGS LONGS SPYOD PA RANG BZHIN LUS, ,SPRUL PA 'BUM PHRAG BRGYA STONG PO; ;KUN KYANG RDZU PHRAN MANG POR 'DREN, ,GCIG CAR NGA YI GNAS SU 'ONGS, ,SANGS RGYAS NGA YI TSUL KHRIMS NYON, ,ZIL DNGAR SGO MO DE NAS BYE, ,'UNG NAS 'BUM PHRAG BRGYA STONG PO, ,SLAD DU GTZANG MA'I GNAS SU PHYIN, ,KUN KYANG BYANG CHUB SHING DRUNG BZHUGS, ,NGA YI MKHAN PO TSUL KHRIMS KHA TON LHOGS, ,TSUL KHRIMS CHEN PO RTOGS PAR LNGA BCU BRGYAD, ,TSUL KHRIMS SNANG KHYAD NYI ZLA BZHIN, ,GCIG TU NOR BU YANG NYO 'DRA, ,BYANG CHUB SEMS DPA' RDUL PHRAN BZHIN, ,'DI YI YON GYIS YANG DAG 'GRUB; ;GDOD MA RDZOGS LONGS SPYOD PA NYID KYIS BLAGS, ,NGAS KYANG DE BZHIN KHA TON BLAGS, ,BYANG CHUB SEMS DPA' GSAR SLOB PA, ,KLAD LA KHYER ZHING KHRIMS BZUNG BZHIN, ,THUB BZHIN GCIG TU SEMS CAN STON, ,NGA YI BDE BLAG RTAG PAR NYON, ,SANGS RGYAS CHOS RNAMS TSUL KHRIMS SNOD, ,SO SOR THAR PA SHES RAB BZHIN, ,

, ,MANG PO YID KUN BRTAGS PAR CHES, ,KHYED RNAMS SANGS RGYAS PHYIN PAR 'ONG, ,NGA YI SANGS RGYAS PHYIN ZIN KYANG, ,RTAG PAR 'DI BZHIN YID CHES BYED; ;TSUL KHRIMS LE'U KUN CHOG GTZANG ZIN, ,YID SEMS YOD PA THAMS CAD NI, ,KUN KYANG SANGS RGYAS KHRIMS KYIS BSDU, ,SEMS CAN SANGS RGYAS KHRIMS MNOD PA, ,DE NAS SANGS RGYAS SA RU PHYIN, ,TSOR CHEN SA DANG MTSUNGS ZIN TE, ,SANGS RGYAS KUN GYI BU YANG DAG ,MANG PO KUN GYIS GUS PAR BYAS, ,SEMS GCIG BRTUL TE NGA KLOG NYON, ,DE'I TSE NA SH'AKYA THUB PA'I SANGS RGYAS THOG MA BYANG CHUB SHING DRUNG BZHUGS BLA NA MED PA'I G-YUNG DRUNG RDZOGS PA'I BYANG CHUB BO, ,BYANG CHUB SEMS DPA'I THOG MA SO SOR THAR PA'I 'DUD PA NI, PHA MA DANG, DGE 'DUN DANG, DKON MCHOG GSUM LA SRI ZHU DANG, YID DANG MI 'GAL BAR BYA'O, ,SRI ZHU BYAS TE BLA MA'I YID DANG MA 'GAL BA NI, CHOS ZAB MOR THOB PA'I GZHUNG STE, SRI ZHU'I MING NI, TSUL KHRIMS SO, ,MING GCIG TU NI, SDOM PA DANG, GTONG BA'O, ,DE NAS 'OD SNANG BA GRANGS MED PA 'BYUNG NGO, ,DE'I TSE 'BUM PHRAG BRGYA STONG MANG PO TSOGS PA BYANG CHUB SEMS DPA' RNAMS DANG, GZUGS YOD PA'I KHAMS KYI GNAM BCO BRGYAD

DANG, 'DOD PA'I KHAMS KYI GNAM RIM PA DRUG GI LHA DANG, RGYAL PO CHEN PO RNAMS THAL MO SBYAR TE, SEMS GCIG TU MNYAN NAS SANGS RGYAS KYI TSUL KHRIMS CHEN PO BLAGS TE BYANG CHUB SEMS DPA' RNAMS LA BKA' STZAL PA, NGA DA LTAR ZLA BA PHYED PHYED CING BDAG GIS SANGS RGYAS THAMS CAD KYI TSUL KHRIMS KHA TON DU KLOG GO ,KHYED LA SOGS PA THOG MA SEMS BSKYED PA'I BYANG CHUB SEMS DPA' THAMS CAD KYIS KYANG KHA TON DU LHOGS SHIG ,SEMS G-YOS TE PHYOGS BCU DANG, G-YO ZHING BSKYED PA BCU DANG, RDO RJE BCU DANG, SA BCU'I BYANG CHUB SEMS DPA' RNAMS KYIS KYANG KHA TON DU LHOGS SHIG ,'UNG NA TSUL KHRIMS KYI 'OD KHA NAS BYUNG STE RGYU YOD, RKYEN MED PA'I 'OD MA YIN TE, 'OD SNGON PO DANG, DMAR PO DANG, SER PO, DKAR PO, NAG PO'ANG MA YIN, KHA DOG KYANG MA YIN, SEMS KYANG MA YIN, YOD PA'ANG MA YIN; MED PA'ANG MA YIN, RGYU RKYEN GYI CHOS KYANG MA YIN TE, SANGS RGYAS THAMS CAD KYI NI, GDOD MA PHYI MO BYANG CHUB SEMS DPA' THAMS CAD KYI NI, LAM GYI RTZA BA BAS NA, MANG PO THAMS CAD DANG, SANGS RGYAS KYI BU RNAMS KYI RTZA BA'I PHYI MO ZHES BYA'O, ,'DI LTA STE, SANGS RGYAS KYI BU RNAMS KYIS KYANG GZUNGS SU BZUNG BA'I RIGS

, ,SO; ;LEGS PAR BSLAB PA'I RIGS SO, ,SANGS RGYAS KYI BU RNAMS BRTAG PAR NYON CIG ,SANGS RGYAS KYI TSUL KHRIMS NOD NA NI RGYAL PO DANG, RGYAL BU DANG, BLON PO CHE PHRA DANG, DGE SLONG PHO MO DANG, GZUGS KYI KHAMS KYI GNAM BCO BRGYAD DANG, 'DOD PA'I KHAMS GNAM DRUG DANG, GDOL PA DANG, NYING GRUM DANG, PHO G-YEM DANG, MO G-YEM DANG, BRAN PHO MO DANG, LHA MA SRIN SDE BRGYAD DANG, PHYAG BRNYAN DANG, BYOL SONG DANG, 'PHRUL ZHING 'GYUR BA'I MI LA SOGS TE CHOS KYI MKHAN PO'I TSIG BRDA PHRAD PA'I RNAMS THAMS CAD TSUL KHRIMS MNOD DU RUNG STE, KUN KYANG MING RAB TU GTZANG MA ZHES BYA'O, ,SANGS RGYAS KYIS SANGS RGYAS KYI BU RNAMS LA BKA' STZAL PA, SO SOR THAR PA LA PHAS PHAM PA BCU YOD DO, ,SANGS RGYAS KYI TSUL KHRIMS MNOS PA NI, TSUL KHRIMS 'DI KHA TON DU MA BLAGS NA, BYANG CHUB SEMS DPA' YANG MA YIN, SANGS RGYAS KYI SA BON YANG MA YIN, NGA'ANG 'DI BZHIN DU KHA TON DU KLOG GO ,LOBS ZIN PA'I BYANG CHUB SEMS DPA' THAMS CAD DANG, PHYIS SLOB PA'I BYANG CHUB SEMS DPA' THAMS CAD DANG, DA LTAR SLOB PA'I BYANG CHUB SEMS DPA' THAMS CAD LA NGAS

SO SOR THAR PA'I GZUNGS KYI MDO TZAM ZHIG BSHAD KYI, BSLAB CING GZUNGS SU GZUNG BA'I RIGS SO, ,SANGS RGYAS KYIS SANGS RGYAS KYI BU RNAMS LA BKA' STZAL PA, BDAG GIS BSAD PA DANG, MI GZHAN GSOD DU BCUG PA DANG, THAMS CAD KYIS GSOD PA GSOD PA LA SDOD PA GSOD PA MTHONG NA DGA' BAR SEMS PA, SNGAGS DANG, RDAD MO BYAS TE BSAD PA, GSAD PA'I RGYU, GSAD PA'I RKYEN, GSAD PA'I CHOS BYED PA, GSOD PA'I LAS BYED PA LA SOGS TE SEMS YOD DO COG LA CHED KAR GSAD DU MI RUNG, 'DI LTA STE, BYANG CHUB SEMS DPA' DE NI, RTAG PAR SNYING RJE BA DANG, SRI ZHU CHE ZHING MI 'GAL BA'I SEMS RTAG PAR G-YOS TE BAGS KYIS SEMS CAN THAMS CAD KYIR MDA' DANG, 'OR BA BYA BA'I RIGS SO, ,BDAG GIS RANG NYAMS SAM TE SNYING TSIM PAR SEMS CAN BSAD NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU BDAG GIS MA BYIN PAR BLANGS SAM, PHA LOG PO MA BYIN PAR LEN DU BCUG GAM, THABS KYIS MA BYIN PAR BLANGS SAM, MA BYIN PAR LEN PA'I RGYU, MA BYIN PAR LEN PA'I RKYEN, MA BYIN PAR LEN PA'I LAS BYED PA, SNGAGS SGYU MA BYAS TE NOR KHYER BA LA SOGS TE LHA MA SRIN DANG, BDAG PO

, ,YOD PA DANG, YANG BLO'I NOR RDZAS DANG, NOR RDZAS SO COG LA KHAB DANG, RTZVA NYAG MA GCIG LANGS CHED KAR MA BYIN PAR BLANG DU MI RUNG NGO, ,BYANG CHUB SEMS DPA' NI, SANGS RGYAS KYI RANG BZHIN SKYED LA, SRI ZHU'I YID DANG MI 'GA' ZHING, BYAMS SHING SNYING RJE BAR BYAS TE RTAG PAR SEMS CAN NO COG GI YON TAN DANG BSOD NAMS BSKYED PA'I RIGS SO, ,DE LA SLAR LOG PAR MI'I NOR RDZAS MA BYIN PAR BLANGS NA BYANG CHUB SEMS DPA'I PHAS PHAM PA'O; ;SANGS RGYAS KYI BU BDAG MI TSANGS PAR SPYOD DAM, GZHAN MI TSANGS PAR SPYOD PAR BSTAN NAM, BUD MED DO COG LA MI TSANGS PAR SPYOD PAR BYED PA DANG, GZHAN LA MI TSANGS PAR SPYOD PA DANG, MI TSANGS PAR SPYOD PA'I RGYU DANG, MI TSANGS PAR SPYOD PA'I RKYEN DANG, MI TSANGS PAR SPYOD PA'I CHOS BYED PA DANG , MI TSANGS PAR SPYOD PA'I LAS BYED PA DANG, BYOL SONG DANG, LHA DANG, LHA MA SRIN GYI BU MO LA MI TSANGS PAR SPYOD PA DANG, CHOS DANG 'GAL BA'I MI TSANGS PAR SPYOD NA; BYANG CHUB SEMS DPA' NI, SRI ZHU DANG MI 'GAL BA'I SEMS KYIS SEMS CAN THAMS CAD THAR PA'I RA MDA' BYA ZHING CHOS GTZANG MA GZHAN LA SBYIN PA'I RIGS

SO; ;DE LA SLAR MI'O COG LA MI TSANGS PAR SPYOD PA BSKYED DE BYOL SONG DANG, MA DANG, BU MO DANG, SRING MO LA SOGS TE GNYEN PA DRUG LA MI TSANGS PAR SPYOD PA BYAS TE BYAMS SHING SNYING RJE BA MED NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU BDAG GIS RDZUN BYAS SAM, PHA ROL PO RDZUN ZER BAR BSTAN TAM; THABS KYIS RDZUN BYAS PA DANG, RDZUN GYI RGYU BYAS PA DANG, RDZUN GYI RKYEN BYAS PA DANG, RDZUN GYI CHOS BYED PA DANG, RDZUN GYI LAS BYED PA DANG, MTHONG BA LA MA MTHONG ZHES ZER BA DANG, MA MTHONG BA LA MTHONG ZHES ZER BA DANG, LUS DANG SEMS KYIS RDZUN BYAS PA DANG, BYANG CHUB SEMS DPA' NI, RTAG PAR TSIG DRANG PO SKYE ZHING GCIG TU NA SEMS CAN GYI TSIG DRANG PO BSKYED PA YIN NA, DE LA SLAR LOG PAR SEMS CAN THAMS CAD KYI TSIG MI DRANG BA DANG, YON PO LA LTA BA DANG, YON PO'I LAS BYED PAR BSKYOD NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU SMYO BA'I KHU BA BDAG TSONG NGAM, PHA LOG PO SMYO BA'I KHU BA TSONG BAR BSTAN TAM; THABS KYIS SMYO BA'I KHU BA TSONG NGAM, SMYO BA'I KHU BA TSONG BA'I RGYU BYED DAM, SMYO BA'I KHU BA TSONG BA'I RKYEN BYED DAM, SMYO BA'I KHU BA TSONG BA'I CHOS BYED DAM, SMYO BA'I

, ,KHU BA TSOD BA'I LAS BYED PA LA SOGS TE SMYO BA'I KHU BA 'O COG TSONG DU MI RUNG, SMYO BA'I KHU BA'I RKYEN GYIS KHA NA MA THO BA SKYE'O, ,BYANG CHUB SEMS DPA' NI, SEMS CAN THAMS CAD LA SNANG ZHING THAR PA'I SHES RAB BSKYED PA'I RIGS SO, ,SLAR LOG PAR SEMS CAN THAMS CAD KYI PHYIN CI LOG GI SEMS BSKYED NA BYANG CHUB SEMS DPA'I PHAS PHAM PA'O, ,SANGS RGYAS KYI BU RAB TU BYUNG BA DANG, MA BYUNG BA DANG, BYANG CHUB SEMS DPA' DAG DGE SLONG DANG, DGE SLONG MA'I NYES PA BDAG GIS 'PHYAS SU BYAS SAM, GZHAN 'PHYAS BYED PAR BSTAN TAM, 'PHYA BA'I RGYU BYAS SAM, 'PHYA BA'I RKYEN BYAS SAM, 'PHYA BA'I CHOS DANG, 'PHYA BA'I LAS BYED NA, BYANG CHUB SEMS DPA' NI, MUR 'DUG DANG, THEG PA CHUNG DU RNAM GNYIS BYED PA'I MI SANGS RGYAS KYI CHOS KYI NANG NA CHOS MA YIN, TSUL KHRIMS MA YIN ZHES ZER NA, RTAG PAR SNYING RJE BSKYED DE NGAN PA'I RNAMS THEG PA CHEN PO LA YID DGA', YID CHES PAR BSTAN CING BSLAB PA'I RIGS NA, DE LA BYANG CHUB SEMS DPA' SLAR LOG PAR SANGS RGYAS KYI CHOS LA NGES SHES BSHAD NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU LA LA ZHIG BDAG GIS BDAG BSTOD

CING PHAR SMOD PA DANG, GZHAN LA BDAG BSTOD, PHAR SMOD PAR STON PA, SMOD PA'I RGYU, SMOD PA'I RKYEN BYED PA, SMOD PA'I CHOS DANG, SMOD PA'I LAS BYED NA, BYANG CHUB SEMS DPA' NI, SEMS CAN THAMS CAD KYI SKYIN PAR RMAD BAB CING NGAN SEMS PA NI, BDAG GIS BLANGS TE DGE ZHING LEGS PA NI, GZHAN LA SBYIN PA'I RIGS NA, LA LA ZHIG GIS BDAG GI LEGS PA NI, BSNYAD, GZHAN GYI LEGS PA NI, BCABS TE GZHAN LA RMAD BAB PAR BYAS NA, DE NI, BYANG CHUB SEMS DPA'I PHAS PHAM PA'O, , SANGS RGYAS KYI BU BDAG SER SNA CHE'AM, GZHAN SER SNA CHE BAR STON TAM, SER SNA CHE BA'I RGYU BYED DAM, SER SNA'I CHOS BYED DAM, SER SNA'I LAS BYED NA, BYANG CHUB SEMS DPA' NI, DBUL PO 'ONGS SO COG DANG, GZHAN JI 'DOD PA BZHIN DGOS SO, ,BYANG CHUB SEMS DPA' SEMS LA NGAN DU SEMS SHING SEMS LA GSHE BA DANG, DONG TSE GCIG GAM, KHAB GCIG GAM, RTZVA NYAG MA GCIG MI STER RAM, CHOS 'DOD PA ZHIG 'ONGS NA TSIG GCIG ,LE'U GCIG ,RDUL TZAM GYI CHOS KYANG MA BSHAD LA, SLAR NGAG NGAN PAS SBYOS TE RMA PHAB NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU BDAG KHRO'AM, MI PHA LOG PO KHRO BAR STON TAM, KHRO BA'I RGYU

, ,BYED DAM, KHRO BA'I RKYEN BYED DAM, KHRO BA'I CHOS BYED DAM, KHRO BA'I LAS BYED NA, BYANG CHUB SEMS DPA' NI, THAMS CAD KYI NANG NA DGE BA'I RTZA BSKYED CING 'THAB CING RTZOD PA MED PAR BYAS LA RTAG PAR SNYING RJE BSKYED CING BYA BA'I RIGS KYI, PHYIR LOG PAR SEMS CAN THAMS CAD KYI NANG NA SEMS CAN MA YIN PA LA KHA NGAN PAS GSHE ZHING LAG PAS 'TSOG PA DANG, RAL GRI DANG, DBYUG PAS GDAB CING BRDEGS KYANG SNYING BRTZE MA BRI STE PHA LOG PO 'GYOD CING TSIG 'JAM POS 'CHAGS SHING GNONG BA BSKUR KYANG KHRO BA'I MDUD PA MA BKROL NA, DE NI, BYANG CHUB SEMS DPA'I PHAS PHAM PA'O, ,SANGS RGYAS KYI BU LA LA ZHIG GIS DKON MCHOG GSUM LAM YIN ZHES ZER RAM, GZHAN DKON MCHOG GSUM LAM YIN ZHES ZER BAR BSTAN NAM, MA YIN ZHES ZER BA'I RGYU DANG, RKYEN BYED DAM, MA YIN PA'I CHOS BYED DAM, MA YIN PA'I LAS BYED NA, BYANG CHUB SEMS DPA' NI, MUR 'DUG DANG, MA RABS KYI NGAN TSIG GCIG SANGS RGYAS KYI SGRA SKAD MA YIN ZHES ZER BA ZHIG MTHONG NGAM THOS NA MDUNG RTZE KHA GSUM PA SUM BRGYAS SNYING LA ZUG PA DANG MTSUNGS NA,

BDAG GI KHA NAS MA YIN ZHES ZER BA LTA SMOS KYANG CI DGOS TE, YID CHES PA'I SEMS SRI ZHU DANG MI 'GAL BA'I SEMS BSKYED PA'I RIGS NA, SLAR LOG PAR MA RABS LOG PA LA LTA ZHING MA YIN ZHES ZER BA'I GROGS BYED NA, DE NI, BYANG CHUB SEMS DPA'I PHAS PHAM PA'O, ,DGE ZHUGS SPYOD PA'I RNAMS NI, BYANG CHUB SEMS DPA'I SO SOR THAR PA 'DI BSLAB PA'I RIGS SO, ,'DI'I NANG NAS RDUL PHRA MO TZAM YANG GZHIG TU MI RUNG NA TSUL KHRIMS BCU TSANG BAR BSHIG PA LA LTA SMOS KYANG CI DGOS; LA LA ZHIG GIS TSUL KHRIMS BSHIG PA ZHIG NA, DA LTAR GYI LUS LA BYANG CHUB SEMS DPA'I SEMS BSKYED PA'I LAS MA NUS TE, RGYAL PO'I GRAL YANG STOR, 'KHOR LO BSKOR BA'I RGYAL PO'I GRAL YANG STOR, DGE SLONG DANG, DGE SLONG MA'I GRAL YANG STOR, G-YOS SHING PHYOGS PA BCU DANG, BSKYED CING GSOD BA BCU DANG, CHOS RDO RJE DANG MTSUNGS PA BCU DANG, SA BCU'I SANGS RGYAS KYI NGO BO NYID RTAG PA'O, ,YON TAN ZAB MO LA SOGS PA ZAD PAR STOR NAS NGAN SONG GSUM DU LHUNG STE BSKAL PA GNYIS GSUM GYI BAR DU PHA MA DANG, DKON MCHOG GSUM GYI MING MKHAN KYANG MI THOS TE, DE BAS NA GCIG KYANG GZHIG TU MI RUNG NGO, ,KHYED LA SOGS

, ,PA BYANG CHUB SEMS DPA' LOBS PA DANG, SLOBS PA DANG, SLOB PAR 'GYUR BA'I RNAMS TSUL KHRIMS 'DI BCU BSLABS LA GUS PAR BYOS TE RTAG PAR GZUNGS SU GZUNG BA'I RIGS SO, ,GSAL BAR NI, LE'U BRGYAD KHRI BA'I NANG NAS RGYA CHER BSHAD DO, ,SANGS RGYAS KYIS BYANG CHUB SEMS DPA' RNAMS LA BKA' STZAL PA, PHAS PHAM PA BCU NI, BSHAD ZIN TO, ,LTUNG BA BZHI BCU RTZA BRGYAD NI, SANGS RGYAS KYI BU RGYAL PO'I GRAL THOB PA'I TSE DANG, 'KHOR LOS BSKOR BA'I RGYAL PO'I GRAL THOB PA'I TSE DANG, BLON PO'I GRAL THOB PA'I TSE DANG, SNGAR BYANG CHUB SEMS DPA'I TSUL KHRIMS MNOD PA'I RIGS SO,, 'UNG TANG LHA MA SRIN THAMS CAD KYANG RGYAL PO'I LUS DANG, BLON PO'I LUS KYI RIM GRO DANG, SKYABS BYED DO, ,SANGS RGYAS THAMS CAD KYANG DGYES SO, ,TSUL KHRIMS THOB ZIN NA SRI ZHU DANG MI 'GAL BA'I SEMS DANG, SEMS LA GUS PAR BYAS PA'I SEMS BSKYED DE GRAL MTHON PO NA 'DUG PA'I MKHAN PO DANG, SLOB DPON DANG, THEG PA CHEN PO LA TSANGS PAR SPYOD DU MTSUNGS PA DANG, MTSUNGS PAR MTHONG BA DANG, LAS MTHUN PAR BYED PA MTHONG NA LANGS TE BSU LA PHYAG 'TSAL TE NAD DRI

BA'I RIGS SO, ,BYANG CHUB SEMS DPA' SLAR DREGS PA'I SEMS DANG, LE LO'I SEMS DANG, GLEN PA'I SEMS BSKYED DE MA LANGS, MA BSU, PHYAG MA BYAS TE, CI LA'ANG CHOS BZHIN DU ZHE SA DANG, RI MO DANG, BDAG GI LUS DANG, YUL MKHAR DANG, PO MO DANG, NOR RIN PO CHE BDUN LA SOGS TE NOR RO COG BTZONGS LA DGOS SO COG MA SBYAR TE; DE LTAR MA NUS NA LTUNG BA'O, ,SANGS RGYAS KYI BU LA LA CHED KAR CHANG 'THUNG NA CHAD GI NYES PA SKYES TE, DGE BA'I BSOD NAMS GRANGS MED PA STOR TO, ,LA LA ZHIG GIS BDAG GI LUS DANG LAG GIS CHANG SNOD BLANGS TE MI PHA ROL PO LA BYIN TE BLUD NA TSE RABS LNGA BRGYA'I BAR DU LAG PA MED PAR 'ONG NA, BDAG 'THUNG BA LTA SMOS KYANG CI DGOS; 'DI LTA STE, MI 'O COG THAMS CAD DANG, SEMS CAN THAMS CAD LA CHANG 'THUNG BAR BSTAN DU MI RUNG NGO, ,BDAG RANG 'THUNG BA LTA SMOS KYANG CI DGOS TE, BDAG CHED KAR 'THUNG BA DANG, PHA ROL PO LA BDAR BA NI, LTUNG BA'O, ,SANGS RGYAS KYI BU SHA CHED KAR ZOS PA DANG, SHA 'O COG BZAR MI RUNG STE, ZOS NA SNYING RJE ZHING BYAMS PA'I RANG BZHIN GYI SA BON CHAD PAS SEMS CAN THAMS CAD KYIS MTHONG NAS 'JIGS NAS SPONG NGO, ,DE LTA BAS NA, BYANG CHUB SEMS DPA' SEMS CAN GYI SHA BZAR

, ,MI RUNG NGO, ,SHA ZOS PA NI, SDIG GRANGS MED DE, SHA ZOS NA LTUNG BA'O, ,SANGS RGYAS KYI BU DKU BA RNAM LNGA BZAR MI RUNG NGO, ,SGOG PA DANG, TZONG DANG, RGYA SGOG DANG, RI SGOG RNAMS DANG, SHING KUN DANG 'DI RNAMS LNGA KHA ZAS SO COG GI NANG DU BZAR MI RUNG NGO, ,LA LA ZHIG CHED KAR ZOS NA LTUNG BA'O; ;SANGS RGYAS KYI BU SEMS CAN THAMS CAD KYIS TSUL KHRIMS BRGYAD DANG, TSUL KHRIMS LNGA DANG, TSUL KHRIMS BCU DANG, RTZA BA RNAM PA BZHI BSHIG PA DANG, LOG PA BDUN DANG, GNOD PA BRGYAD KYI TSUL KHRIMS BSHIG PA'I SDIG BYED PA MTHONG NA MTHOL TSANGS BYED DU GZHUG PA'I RIGS SO, ,DE LAS BYANG CHUB SEMS DPA' MA BSTAN TE MTHOL TSANGS BYED DU MA BCUG NA, LHAN CIG 'DUG 'DUG CING TSANGS PAR SPYOD DU MTSUNGS PA'I DGE 'DUN RNAMS GCIG TU TSOGS TE TSUL KHRIMS BSHAD PA'I TSE SDIG DNGOS SU BYUNG GI NYES PA MTHOL TSANGS BYED DU CHUG CIG ,MA BCUG NA LTUNG BA'O, ,SANGS RGYAS KYI BU MKHAN PO THEG PA CHEN PO LA LHAN CIG TU LTA BA, LHAN CIG TU LAS BYED PA, DGE 'DUN GYI KHANG KHYIM DANG, MKHAR DU 'ONGS PA MTHONG NA RGYANG GRAGS STONG GI LAM NA

TSUR 'ONGS NA NI, BSU, 'GRO BA NI, BSKYAL CING PHYAG 'TSAL TE BKUR STI DANG, RI MO DANG, NYIN GCIG CING DUS GSUM DU RI MO DANG NYI MA GCIG GI ZAN DU GSER SRANG GSUM GYI KHA ZAS DANG, KHRI STAN DANG, CHOS KYI MKHAN PO CI 'DOD DO COG DGOS KYANG KUN SBYOR TE BYIN LA RTAG PAR CHOS KYI MKHAN PO GNYER TE DUS GSUM DU CHOS BSHAD DE NYIN GCIG CING DUS GSUM DU PHYAG GSUM PAR 'TSAL LA KHRO BA'I SEMS DANG, MYA NGAN GYI SEMS MI SKYE BAR BGYIS SO, ,CHOS KYI PHYIR LUS DANG BSDOS TE CHOS GSOL LO, ,DE LTAR MA BYAS NA LTUNG BA'O, ,SANGS RGYAS KYI BU GANG LA'ANG RUNG STE, TSUL KHRIMS DANG, MDO SDE 'CHANG BA'I KHANG KHYIM CHEN PO'I NANG NA CHOS 'CHAD PA YOD NA BYANG CHUB SEMS DPA' GSAR DU SLOB PA TSUL KHRIMS GYI GLEGS BAM KHYER TE CHOS KYI MKHAN PO'I GNAS SU SONG LA GSOL TE DRI ZHING MNOD PA'I RIGS SO; ;LA LA ZHIG RI DANG, TSAL DANG, SHING GI DRUNG DANG, DGE 'DUN GYIS DANG, KHYIM GYI NANG DANG, CHOS 'CHAD DO COG GI SAR PHYIN PAR BYAS TE MNYAN CING 'DOD PA'I SHAN GNAS SU SONG STE MA MNYAN, MA MNOS NA LTUNG BA'O, ,SANGS RGYAS KYI BU SEMS NI, THEG PA CHEN PO DANG 'GAL ZHING RTAG PAR SANGS RGYAS KYI YI GE DANG, TSUL

, ,KHRIMS LA 'DUG KYANG KHAR SMRA NA SANGS RGYAS KYI BSHAD PA MA YIN ZHES ZER NA, RTAG PAR THEG PA CHUNG DU RNAM GNYIS DANG, MUR 'DUG GI CHOS LA LTA ZHING LOG PAR LTA'O COG GI TSUL KHRIMS DANG, CHOS KYI YI GE GZUNGS SU BZUNG NA LTUNG BA'O, ,SANGS RGYAS KYI BU MI NAD KYIS BTAB BO COG RTAG PAR RIM GRO BYAS TE GSOS LA SANGS RGYAS DANG MTSUNGS PAR BYAS NA DGE BA'I BSOD NAMS RNAM PA BRGYAD KYI NANG NA NAD PA LA LTA ZHING GSOS PA'I DGE BA'I BSOD NAMS NI, BSOD NAMS KYI DAM PA'O, ,PHA MA DANG, MKHAN PO DANG, DGE 'DUN DANG, SLOB MA'AM, DBANG PO MA TSANG BA NAD DO COG GIS BTAB CING NYON MONGS NA KUN KYANG GSOS TE SOS PAR BYA'O, ,DE LA BYANG CHUB SEMS DPA' SEMS CAN LA LTA GSHE ZHING NGAN SEMS KYIS DGE 'DUN GYI KHYIM DANG, YUL MKHAR DU MA PHYIN PA, DBYE DANG, RI LUNG DANG, MKHAR DANG, TSAL NA NAD PA 'DUG PA MTHONG STE RA MDA' DANG, RIM GRO MA BYAS NA LTUNG BA'O, ,SANGS RGYAS KYI BU RAL GRI DANG, MDA' GZHU DANG, MDUNG DANG, STA RE LA SOGS TE 'THAB MO'I SPYAD MTSON CHA DANG, SEMS CAN GSOD PA'I SPYAD DANG 'DRA BA RGYA RGYA MO LA SOGS PA 'CHAD

DU MI RUNG NGO, ,BYANG CHUB SEMS DPA' NI, PHA MA GZHAN GYIS BSAD KYANG SHA MI GLAN NA, SEMS CAN THAMS CAD BSAD PA LTA SMOS KYANG CI DGOS, MTSON CHA CHED KAR 'CHANG BA NA, LTUNG BA'O, ,'DI LTA BU'I TSUL KHRIMS RNAM BCU NI, BSLABS TE RTAG PAR GZUNGS SU GZUNG BA'I RIGS SO, ,'OG MA LE'U DRUG GI NANG NA RGYA CHER BSHAD DO; ;SANGS RGYAS KYIS SANGS RGYAS KYI BU RNAMS LA BKA' STZAL PA, SANGS RGYAS KYI BU KHE 'DOD PA'I PHYIR SEMS NGAN PA BSAM STE NYI 'OG GI YUL DU PHO NYAR 'DRUL BA DMAG GI G-YUL BSHAMS TE, DMAG BSKYOD NAS 'THABS TE SEMS CAN MANG PO BSAD NA, BYANG CHUB SEMS DPA' DMAG GI NANG DU SONG ZHING PHAN TSUN DU 'DUL YANG MI RUNG NA CHED KAR YUL GYI DGRA BYED PA LTA SMOS KYANG CI DGOS, DE LA CHED KAR BYED PA NI, LTUNG BA'O, ,SANGS RGYAS KYI BU BLA 'BANGS DANG, BRAN PHO MO DANG, PHYUGS BDAG SNA DRUG DANG, GSHIN SGROM RO GZHUG PA'I SNOD LA SOGS PA KHE DANG TSONG SPOGS BDAG GIS KYANG BGYI BA'I MI RIGS NA, GZHAN LA BYED PAR BSTAN PA LTA SMOS KYANG CI DGOS TE, DE LA CHED KAR BYED PA NI, LTUNG BA'O, ,SANGS RGYAS KYI BUS NGAN SEMS BSKYED DE PHA LOG PA DGE BA, DES PA, CHOS KYI MKHAN PO, DGE 'DUN RGYAL

, ,PO; YA RABS BTZUN PA LA MA NYES PAR LOG PA BDUN DANG, PHAM PA BCU DANG, PHA MA DANG, PHU BO NU BO DANG, GNYEN PA RNAM DRUG GI TSUL KHRIMS BSHIG GO ,ZHES SKUR NA, SRI ZHU DANG MI 'GAL ZHING BYAMS SHING SNYING RJE BA'I SEMS BSKYED PA'I RIGS KYI, DE LA SLAR LOG PA'I GNOD PA BSKYED NA MI BDE BA'I GNAS SU LHUNG NA LTUNG BA'O, ,SANGS RGYAS KYI BU NGAN SEMS BSKYED DE CHED KAR ME CHEN PO BTANG LA RI DANG, TSAL DBYE DANG, RI LUNG DBYAR ZLA RA BA MAN CHAD, STON ZLA THA CHUNG YAN CHAD, BSREGS SAM, LA LA ZHIG GIS ME BTANG STE GZHAN GYI KHANG KHYIM DANG, MKHAR DANG, GRONG DANG, DGE 'DUN GYI KHYIM DANG, ZHING DANG, SKYED SHING DANG, LHA MA SRIN DANG, BLA'I DKOR LA SOGS TE BDAG PO YOD DO COG GI RDZAS SREG TU MI RUNG NGO, ,LA LA ZHIG GIS CHED KAR BSREGS NA LTUNG BA'O, ,SANGS RGYAS KYI BU SANGS RGYAS KYI SLOB MA BDAG DANG, MUR 'DUG DANG, GNYEN RNAM DRUG LA SOGS TE, DGE BA'I BSHES GNYEN NO COG KUN KYANG CI'ANG THEG PA CHEN PO'I YI GE DANG, TSUL KHRIMS NOD CING GZUNGS SU 'DZIN BAR BSTAN PA'I RIGS SO, ,GZHUNG DANG LUGS SHES SHING

BYANG CHUB SEMS DPA'I SEMS BSKYED PA DANG, BSKYED CING GSOL BA'I SEMS BCU DANG, RDO RJE'I CHOS KYI SEMS G-YO BAR BSTAN TE, GCIG NAS GCIG TU GO RIM DANG, CHOS KYIS CHO GA SHES PAR BYA'O, ,BYANG CHUB SEMS DPA' LA BYANG CHUB SEMS DPAS NGAN SEMS DANG, ZHE SDANG BSKYED DO, ,GZHAN NYAN THOS KYI THEG PA CHUNG DU RNAM GNYIS KYI TSUL KHRIMS DANG, YI GE DANG, MUR 'DUG DANG, LOG PAR LTA BA'I BSHAD PA BSTAN PA NA LTUNG BA'O, ,SANGS RGYAS KYI BU LEGS PA'I SEMS KYIS SNGAR THEG PA CHEN PO'I GO CHA DANG, TSUL KHRIMS DANG, YI GE BSLABS NAS RGYA CHER PHYE NAS GZHUNG GI RO CI BRO BA SHES NAS BYANG CHUB SEMS DPA' GSAR DU SLOB PA RGYAD GRAGS BRGYA STONG GI LAM NAS THEG PA CHEN PO'I YI GE DANG, TSUL KHRIMS 'DOD CING 'ONG BA MTHONG NA CHOS KYI PHYIR DKA' THUB SPYOD PA CHOS BZHIN BSHAD PA'I RIGS SO, ,DKA' THUB CES BYA BA NI, LUS BSREGS PA, LAG NGAR BSREGS PA, SOR MO BSREGS PA'O, ,DE LA LUS DANG, LAG NGAR DANG, SOR MO BSREGS TE SANGS RGYAS THAMS CAD LA YON DU MA GSOL NA, DE'I RAB TU BYUNG BA'I BYANG CHUB SEMS DPA' MA YIN NO, ,STAG DANG, SPYANG KI DANG, SENGGE LTOGS PA

, ,LA SOGS PA DANG, 'DRE LTOGS PA LA SOGS PA THAMS CAD LA LUS KYI SHA DANG, RKANG LAG GTONG PHOD PAR BYAS TE BYIN LA, DE NAS GCIG NAS GCIG TU MTHAR GYIS YANG DAG PA'I CHOS BSHAD DE, SEMS NI, PHYE, YID NI, GOL BAR BYA'O, ,DE LA BYANG CHUB SEMS DPA' BDAG GSO BA'I KHE 'DOD PA'I PHYIR LAN GLAN PA'I RIGS PA NI, MA GLAN GYI, YI GE DANG, TSUL KHRIMS RI MO DANG, 'BRU PHYIN CI LOG TU BSHAD NAS SNGA PHYI MED PAR DKON MCHOG GSUM LA 'PHYA ZHING 'CHAD PA NI, LTUNG BA'O, ,SANGS RGYAS KYI BU BDAG KHA ZAS DANG, NOR RDZAS DANG, GSO BA'I KHE DANG, MING SNYAN PA'I PHYIR RGYAL PO DANG, RGYAL BU DANG, BLON PO CHEN PO LA SOGS PA GNYEN ZHES ZER TE, SNYEMS SHING NAN GYIS NOR SLONG LA, BTZAN NGAG GIS BSDIGS TE NAN GYIS NOR DANG, KHE TSOL LO COG GI MING NI, NGAN PA MANG PO TSOL ZHES BYA'O, ,GZHAN LA'ANG SNYING RJE MED CING SRI ZHU DANG MI 'GAL BA'I SEMS YONG MED PAR BSTAN PA NI, LTUNG BA'O; ;SANGS RGYAS KYI BU TSUL KHRIMS KHA TON DU KLOG PA SLOB PA NA NYIN GCIG CING DUS DRUG TU BYANG CHUB SEMS DPA'I TSUL KHRIMS BZUNG LA DE'I GZHUNG DANG, DON

SANGS RGYAS KYI NGO BO NYID SHES PAR BYA'O, ,BYANG CHUB SEMS DPA' TSUL KHRIMS KYI YON TAN TSIG GCIG LE'U GCIG KYANG MI SHES PAR SGYU MA'I TSIG TU NUS ZHES ZER BA NI; BDAG LA BRNYAS SHING BSLUS, GZHAN LA'ANG BRNYAS TE CHOS SO COG RNAM PA GCIG KYANG MI SHES PAR GZHAN LA MKHAN PO BYED CING TSUL KHRIMS STON PA NI, LTUNG BA'O; ;SANGS RGYAS KYI BU NGAN SEMS BSKYED DE, TSUL KHRIMS 'DZIN PA'I DGE BA'I LAG NA POG SNOD KHYER TE BYANG CHUB SEMS DPA'I LAS BYED PA LA MTHONG NAS PHAN TSUN GNYIS KYIS BAR DU BAR BCUG STE, 'PHAGS PA'I MI LA BRNYAS MA SHIN BYED CING NGAN MI BYED PA MED DO, ,ZHES SKUR TE, DE LTA BU CHED KAR BYAS NA LTUNG BA'O; ;SANGS RGYAS KYI BU SNYING RJE SPYAD DE CI'ANG MI GSAD PAR BTANG BA'I LAS BYED CING PHO'O COG NI, BDAG GI PHA YIN, MO'O COG NI, BDAG GI MA YIN, BDAG SNGON CHAD KYI TSE RABS LA GAR SKYES SO COG NA'ANG DE DAG LAS MA SKYES PA MED PAS NA, 'GRO BA DRUG GI SEMS CAN BDAG GI PHA MA YIN TE, DE BSAD CING ZOS NA BDAG GI PHA MA BSAD DO, ,GCIG TU NA BDAG GI LUS RNYING PA BSAD DO, ,SA DANG CHU THAMS CAD NI, BDAG GI LUS SNGA MA YIN NO, ,ME DANG RLUNG NGO COG NI, BDAG GI

, ,GZUGS KYI PHYI MO YIN PAS RTAG PAR GSON POR BTANG BA'I LAS BYED, GAR SKYES GAR SKYES KYANG SEMS CAN GSOD PA MTHONG NA, THABS SPYAD DE BDAG GIS 'OR BA DANG RA MDA' BYAS TE NYON MONGS SHING PHONGS PA THAR PAR BYA'O, ,RTAG PAR BYANG CHUB SEMS DPA'I TSUL KHRIMS BSHAD DE BSTAN BSLABS NAS SEMS CAN THAR PA'I RA MDA' BYA'O, ,PHA MA DANG, BU PHO DANG NU BO ZHIG SHI NA DE NYIN PAR CHOS KYI MKHAN PO GNYER TE BYANG CHUB SEMS DPA'I TSUL KHRIMS BSHAD NA DE'I BSOD NAMS KYIS SHI BA DE SANGS RGYAS THAMS CAD DANG PHRAD DE MTHO RIS SU SKYE'O, ,DE LTAR MA BYAS NA LTUNG BA'O,, ,,CHOS KYI RGYA MO, BAM PO GNYIS PA STE, THA MA, 'DI LTA STE, TSUL KHRIMS 'DI BCU BSLABS NA SEMS GUS PAR GZUNGS SU GZUNG BA'I RIGS SO, ,SDIG BKRU BA'I LE'U'I NANG NAS KYANG TSUL KHRIMS GCIG PU GCIG NAS RGYA CHE ZHING GSAL BAR BSHAD DO, ,SANGS RGYAS KYIS SANGS RGYAS KYI BU LA BKA' STZAL PA, KHROS PA'I LAN KHROS PAS MI GLAN, BRDEG PA'I LAN BRDEG PAS MI GLAN, PHA MA DANG, PHU NU BO DANG GNYEN RNAM DRUG BSAD KYANG SHA GLAN DU MI RUNG NGO, ,GZHAN ZHIG GIS BDAG GI RGYAL PO BSAD KYANG SHA GLAN DU MI RUNG NGO, ,SROG GCOD KYANG SHA

GLAN NA SRI ZHU'I CHOS DANG 'GAL LO, ,BRAN PHO MO LA NGAG NGAN PAS SPYOS SHING BRDEGS LA NYIN GCIG CING LAS NGAN PA RNAM GSUM BSKYOD PA LA'ANG SDIG GRANGS MED NA, CHED KAR LOG PA SNA BDUN GYI SDIG BYAS PA LTA SMOS KYANG CI DGOS TE, RAB TU BYUNG BA'I BYANG CHUB SEMS DPA' LA SNYING RJE MED, GNYEN RNAM DRUG LA SOGS PA'I SHA GLAN PA CHED KAR BYED NA LTUNG BA'O, ,SANGS RGYAS KYI BU GDOD MA DANG PO RAB TU BYUNG TE CI'ANG MI SHES PAR BDAG DBANG PO RNO LA MDZANGS PAR RLOM ZHING LA LA NI, LO GRANGS RGAN ZHING PHYUG BTZAN SNYEMS TE, LA LA RUS CHE ZHING THABS MTHO BA DANG, MANG DU SHES PA DANG, DBANG CHE BA DANG, NOR RIN PO CHE SNA BDUN MANG DU 'DOG PAS RGYAGS DREGS SNGON CHAD CHOS SHES PA'I MKHAN PO LA YI GE DANG, TSUL KHRIMS MI GSOL, MI NOD, CHOS KYI MKHAN PO LA LA NI, RUNG CHAD, LA LA NI, NAS GZHON, LA LA NI, THABS CHUNG, LA LA NI, DBUL, LA LA NI, DBANG PO MA TSANG YANG LEGS PA'I CHOS DBEN PA YOD DE, CHOS KYI YI GE DANG, TSUL KHRIMS SO COG ZAD PAR SHES NA BYANG CHUB SEMS DPA' GSAR DU SLOB BO, ,CHOS KYI SLOB DPON MA RIG PA DANG, THABS LA 'PHRAL GANG DU BLTAS SHING CHOS KYI

, ,MKHAN PO LA YANG DAG PA'I BDEN PA GZHUNG NGO COG GSOL ZHING NOD DU MA 'ONGS NA LTUNG BA'O, ,SANGS RGYAS KYI BU SANGS RGYAS 'DAS PA'I PHYIN SEMS DGE BAS SANGS RGYAS KYI TSUL KHRIMS 'DOD CING NOD NA SANGS RGYAS DANG, BYANG CHUB SEMS DPA'I GZUGS KYI SPYAN SNGAR BDAG GI SEMS LA YI DAM BCAS TE ZHAG BDUN GYI BAR DU SANGS RGYAS KYI SPYAN SNGAR MTHOL TSANGS BYAS LA LTAS BZANG PO MTHONG BA NI, TSUL KHRIMS THOB BO, ,LTAS BZANG PO MA MTHONG BA NI, ZHAG BDUN GNYIS, BDUN GSUM, LO GCIG GI BAR DU LTAS BZANG PO MTHONG BA'I DROD KYIS GZUNG NGO, ,LTAS BZANG PO MTHONG NAS SANGS RGYAS DANG, BYANG CHUB SEMS DPA'I GZUGS KYI SPYAN SNGAR TSUL KHRIMS MNOD DO, ,LTAS BZANG PO MA MTHONG NA SANGS RGYAS DANG, BYANG CHUB SEMS DPA'I GZUGS KYI SPYAN SNGAR TSUL KHRIMS MA NOS KYANG MING TSUL KHRIMS THOB PA ZHES MI BYA'O, ,LA LA ZHIG GIS SNGON CHAD BYANG CHUB SEMS DPA'I TSUL KHRIMS MNOD PA'I MDUN DU NOD NA LTAS BZANG PO MI DGOS SO, ,DE CI'I PHYIR ZHE NA, CHOS KYI MKHAN PO GCIG NAS GCIG TU BSTAN PAS NA,

LTAS BZANG PO MI DGOS TE, CHOS KYI MKHAN PO DE'I MDUN DU TSUL KHRIMS MNOS NA TSUL KHRIMS KYANG THOB STE GUS PA'I SEMS SKYE'O, ,RGYANG GRAGS STONG LA TSUN TSUN CHAD TSUL KHRIMS SBYIN NUS PA'I MKHAN PO MED LA SANGS RGYAS DANG, BYANG CHUB SEMS DPA'I GZUGS KYI SPYAN SNGAR TSUL KHRIMS NOD NA, LTAS BZANG PO MTHONG BA DGOS SO, ,CHOS KYI MKHAN PO LA LA ZHIG BDAG THEG PA CHEN PO'I YI GE DANG, TSUL KHRIMS SHES PA DANG, RGYAL PO DANG, RGYAL BU DANG, BLON PO RNAMS BYAMS SHING MDZA' BA SNYEMS TE BYANG CHUB SEMS DPA' GSAR DU SLOB PA CHOS KYI YI GE'I LUGS DANG, TSUL KHRIMS KYI GZHUNG 'DIR 'ONGS PA LA BRNYAS PA'I SEMS DANG, NGAN SEMS DANG, LE LO'I SEMS KYIS GCIG PU GCIG PU NAS 'DRI BA'I LAN MA GLAN NA LTUNG BA'O, ,SANGS RGYAS KYI BU SANGS RGYAS KYI CHOS DANG, TSUL KHRIMS KYI YI GE DANG, THEG PA CHEN PO'I DRANG PO'I CHOS, DRANG POR MTHONG BA, DRANG PO'I NGO BO NYID, DRANG PO'I CHOS KYI LUS KYIS 'GRUS PAR SLOB CING SPYOD SGOM MI NUS PA RNAMS NI, DKON MCHOG BDUN BDUN BTANG STE, SLAR LOG PAR BLTAS STE THEG PA CHUNG DU RNAM GNYIS DANG, MUR 'DUG GI CHOS DANG, MA RABS KYI

, ,GZHUNG LA BRTEN PA DANG, AA BHI DHARMA BSHAD PA SLOB PA DANG, THEG PA CHUNG NGU'I YI GE DANG, 'DUG PAR SLOB NA, DE NI, SANGS RGYAS KYI NGO BO NYID SA BON CHAD PAS LAM 'GOG PAS BSGRIBS PA'I RGYU RKYEN GYIS BYANG CHUB SEMS DPA'I LAM MA YIN NO, ,DE LTA NA CHED KAR BYAS PA NI, LTUNG BA'O, ,SANGS RGYAS KYI BU SANGS RGYAS 'DAS PA'I PHYIN CHOS 'CHANG BA BDAG PO BYED PA DANG, DGE 'DUN GYI KHYIM BDAG PO DANG, STON CING 'PHRUL PA'I BDAG PO DANG, BSAM GTAN DU 'JUG PA'I BDAG PO DANG, 'GRO ZHING 'ONGS PA'I BDAG PO DANG, DE LTA BU BYED NA BYAMS PA'I SEMS BSKYED LA MI MDZA' STE, 'THAB CING RTZOD PA'ANG DGE BAR BSDUM PA'I RIGS SO, ,DKON MCHOG GSUM GYI NOR YANG DGE BA'I BSRUNGS TE MA 'OS PAR MI SPYAD, BDAG GIS BDAG GI SGOR BAB PA DANG MTSUNGS PAR BYA'O, ,DE LA LAS LOG PAR MANG PO 'GRUB CING 'BAD PA DANG, RANG NYAMS KYI SEMS KYIS DKON MCHOG GSUM GYI NOR SPYAD NA LTUNG BA'O, ,SANGS RGYAS KYI BU SNGON CHAD DGE 'DUN GYI KHYIM GYI NANG DU 'DUG LA BYANG CHUB SEMS DPA' DANG, DGE SLONG MGRON PA ZHIG

PHYIS DGE 'DUN GYI KHANG KHYIM DANG, MKHAR DANG, GRONG DANG, RGYAL PO'I KHYIM DANG, DBYAR TSUL DU ZHUGS PA'I TSE DANG, 'KHOR GYI NANG DU 'ONGS PA MTHONG NA SNGA NA 'DUG PA'I DGE 'DUN GYIS 'ONG NA NI, BSU, 'GRO NA NI, BSKYAL TE ZAS BSTI STANG DANG, KHANG KHYIM NYAL BA'I MAL CHA DANG, KHRI DANG, SNA SNA NAS SBYAR TE SBYIN NO; ;LA LA ZHIG BDAG LA NOR MED NA, BDAG GI LUS DANG, BU PHO DANG, BU MO DAG BTZONGS TE CI 'DOD PA KUN SBYAR TE SBYIN DGOS SO, ,SBYIN PA BDAG LA LA ZHIG 'ONGS TE DGE 'DUN PHAL DANG, DGE 'DUN GYI MGRON PA ZHIG GNYER TE YON GYI NOR SKAL PA YOD PA'I SAR DGE 'DUN KHYIM BDAG POS DGE 'DUN MGRON PA'I RNAMS RIM GYIS GNYER BA BTANG STE, DE LAS DGE 'DUN SNGA NAS 'DUG PAS BDAG 'BA' ZHIG GNYER BAR SONG STE, DGE 'DUN MGRON PA MA BTANG NA DGE 'DUN GYI KHYIM GYI BDAG PO SDIG GRANGS MED PAR THOB STE BYOL SONG DANG MTSUNGS SO, ,DGE SBYONG MA YIN, SH'AKYA'I RIGS KYI SA BON YANG MA YIN TE, DE LTAR BYAS PA NI, LTUNG BA'O, ,SANGS RGYAS KYI BU CI'ANG GO RIMS SU MA BAB PAR LOGS SHIG TU YON BLANGS SHING BDAG GIR BKUR DU MI RUNG NGO, ,DE LTA BU'I YON GYI NOR

, ,RDZAS NI; PHYOGS BCU'I DGE 'DUN DBANG STE, DE LA LOGS SHIG TU MNOS SHING KHYER NA, PHYOGS BCU'I DGE 'DUN GYI NOR BDAG GI SGOR KHYER NA BSOD NAMS RNAM PA BRGYAD DANG, SANGS RGYAS DANG, 'PHAGS PA RNAMS DANG, MKHAN PO DANG, DGE 'DUN DANG, PHA MA DANG, NAD PA'I RDZAS BDAG GIS SPYAD KYIS LTUNG BA'O, ,SANGS RGYAS KYI BU BYANG CHUB SEMS DPA' RAB TU BYUNG BA DANG, RAB TU MA BYUNG BA'I SBYIN BDAG GIS DGE 'DUN GNYER TE BSOD NAMS BSKYED CING SMON LAM GSOL NA, DGE 'DUN GYI NANG DU SONG NA DGE BSKOS LA DRIS TE, DE RING GO RIM GANG LA BAB PA GNYER NA PHYOGS BCU'I 'PHRUL GYI DGE 'DUN THOB BO, ,GUD NAS DGRA BCOM PA DANG, BYANG CHUB SEMS DPA' DANG, DGE 'DUN LNGA BCU GNYER BA BAS GO RIMS SU BAB PA'I DGE 'DUN THA MAL PA GCIG GNYER BA BSOD NAMS CHE'O, ,DE LAS DGE 'DUN GZHAN GNYER BA NI, MUR 'DUG NGAN PA'I CHOS SO, ,SANGS RGYAS BDUN LA NI; GUD NAS GNYER BA'I CHOS MED DO, ,SRI ZHU'I LAM DANG 'GAL BAS GUD NAS DGE 'DUN GNYER BA NI, LTUNG BA'O, ,SANGS RGYAS KYI BU NGAN SEMS

SPYAD DE GSO BA'I KHE'I PHYIR PHO MO'I G-YEM PA TSONG BA'I BDAG DAR CING ZAN BYED PA DANG, BDAG RDUNG PA, BDAG 'DU BA PHO MO'I MTSAN LTA RMI LAM BZANG NGAN 'GRO LA PO ZHES ZER, MO ZHES ZER, LOG PA'I CHOS KYI SNGAGS SGYU MA RANG BZOR ZER, DGRA BSLAB PA'I CHOS BYED, DUG GO COG SBYOR ZHING BYED LA DUG RTZI RNAM PA BRGYA STONG BYED DE, SBRUL DUG, GSER DNGUL MA BTUL BA'I DUG DANG, BYAD STE MA LA SOGS PA SNYING RJE YONG MED PA LTA BU CHED KAR BYAS NA LTUNG BA'O, , SANGS RGYAS KYI BU NGAN SEMS BSKYED DE BDAG GI LUS KYIS DKON MCHOG GSUM LA SKUR PA BYAS TE GZHAN LA GNYAN SGYU MA SMOS TE, KHA NI, STONG PA 'CHAD , LAS NI; YOD PA'I LAS BYED LA, THA MAL PA'I BUD MED DANG, SKYES PA'I SMYAN BYED CING MI TSANGS PAR SPYOD PAR SBYOR TE, CI LA'ANG MI 'JIGS SHING CHAGS PA MED; DUS DRUG TU MCHOD STON BYED PA'I NYI MA DANG, LO GCIG LA ZLA BA GSUM GSUM MCHOD STON RTAG TU BYED PA'I TSE SEMS CAN GSOD, RKUN PO DANG, CHOM PO BYED CING MCHOD STON GYI TSUL KHRIMS BSHIG PA NI, LTUNG BA'O, ,TSUL KHRIMS 'DI BCU BSLABS LA RTAG PAR GZUNGS SU GZUNG BA'I RIGS SO, ,KHRIMS GZUNG

, ,BA'I LE'U'I NANG NAS KYANG RGYA CHER MNGON PAR BSHAD DO, ,SANGS RGYAS KYIS BKA' STZAL PA, SANGS RGYAS KYI BU SANGS RGYAS 'DAS PA'I PHYI NA NGAN PA'I DUS LA MUR 'DUG DANG, MI NGAN PA'O COG DANG, RKUN PO CHEN POS SANGS RGYAS DANG, BYANG CHUB SEMS DPA' PHA MA DANG MTSUNGS PA'I GZUGS TSONG BA MTHONG NGAM, CHOS DANG TSUL KHRIMS KYI YI GE TSONG BA MTHONG NGAM, DGE SLONG DANG, DGE SLONG MA TSONG NGAM, GCIG TU SEMS BSKYED PA'I BYANG CHUB SEMS DPA' TSONG BA DANG, LA LA ZHIG SNYING RJE'I LAS LA MNGAGS PA'I 'BRANG NAS BRAN PHO BRAN MOR BYAS PA ZHIG BYANG CHUB SEMS DPAS DE LTA BU MTHONG NA BYAMS PA'I SEMS BSKYED DE THABS KYIS RA MDA' DANG, SKYABS BYAS TE GNAS GNAS NA 'KHOD DO COG KYANG SLAR SLOB CING STON CIG, SANGS RGYAS DANG, BYANG CHUB SEMS DPA'I GZUGS DANG, DGE SLONG DANG, DGE SLONG MA DANG, CHOS DANG, TSUL KHRIMS KYI YI GE THAMS CAD NOR YOD NA NOR GYIS BLUS SHIG ,DE LTAR MA BLUS NA LTUNG BA'O, ,SANGS RGYAS KYI BU 'CHANG DU MI GNANG BA LA MTSON CHA DANG, MDA' GZHU 'CHANG BA DANG, TSONG SPOBS BYED PA DANG, SRANG

DANG BRE CHE CHUNG 'CHANG BA DANG, RTZA LAG SNYEMS SHING MI GZHAN LA NOR LEN PA DANG, SEMS CAN LA PHRAG DOG BYED DE, PHA LOG PO BCINGS DRAGS BYAS PA DANG, NGO SO DON DU YOD PA ZHIG BTANG BYI LA DANG, SEL PHYI DANG, KHYI DANG, PHAG DANG, PHYA 'CHANG ZHING GSOR MI RUNG NGO, ,DE LTA BU CHED DKAR GSOS NA LTUNG BA'O, ,SANGS RGYAS KYI BU NGAN SEMS BSKYED DE PHO MO LA SOGS PA 'THAB BO COG LA LTA BA DMAG GI G-YUL DANG, DGRA CHOM PO BYED PA LA SOGS PA LA BLTAR MI RUNG NGO, ,YANG GCIG TU DUNG 'BUD PA DANG, RNGA GLING DANG, GYIM SHING DANG, DZENG DANG, GLING BU DANG, KOR HI'U DANG, GLU LEN PA DANG, ROL MO'I SGRA LA MNYAN DU MI RUNG NGO, , CHO LO DANG, MIG MANG DANG, PAR SIG GI RTZED MO DANG, RA 'BRI LUG GI DMAG GI RTZED MO DANG, PHO LONG RDO BA DANG, RDO 'PHEN GYIS RTZE BA DANG, BUM BU LA RDE'U 'PHEN PA DANG, KHRAS BYED PA DANG, ME LONG BRUD PA BYAR MI RUNG NGO, ,RTZA TSI TSA'U DANG, RGYA LCANG DANG, PHER KHA RU BA DANG, MI'I THOD PA DANG, DE RNAMS LA MO GDAB TU MI RUNG NGO, ,RKUN PO'I THAN GYI PHO NYA LA SOGS PA GCIG KYANG BYAR MI RUNG NGO, ,DE LTAR CHED KAR BYAS NA LTUNG BA'I, ,SANGS RGYAS KYI BU TSUL KHRIMS THUB PAR BZUNG

, ,BA'I RIM GRO BYAS NA 'GRO NYAL 'DUG LANGS, NYIN MTSAN DUS DRUG TU TSUL KHRIMS KHA TON BKLAGS NA RDO RJE DANG MTSUNGS SO; ;RKYAL PA THOGS PA MTSO CHEN PO RGAL BA DANG MTSUNGS SO, ,GCIG TU NA DGE SLONG RTZVAS BCINGS BA DANG MTSUNGS TE, THEG PA CHEN PO LA DGE ZHING YID CHES PA'I SEMS RTAG PAR BSKYED LA BDAG GIS SHES PAR BSAM PA NGA NI, DA DUNG SANGS RGYAS SU MA PHYIN PA'I SANGS RGYAS SO, ,SANGS RGYAS KYI BU RNAMS NI; SANGS RGYAS SU PHYIN PA'I SANGS RGYAS SO SNYAM DU BYANG CHUB TU SEMS BSKYED DE BAR MI CHAD PAR SEMS LA BSAM LA DE SKAD CIG GCIG THEG PA CHUNG DU GNYIS DANG, MUR 'DUG LA SEMS KYIS BSAM NA LTUNG BA'O, ,SANGS RGYAS KYI BU RTAG PAR SMON LAM THAMS CAD GSOL LA, PHA MA DANG, MKHAN PO DANG, DGE 'DUN DANG, DKON MCHOG GSUM LA SRI ZHU CHE ZHING YID DANG MI 'GAL BAR SMON, RTAG PAR MKHAN PO MKHAS PA DANG, TSANGS PAR SPYOD DU MTSUNGS PA'I DGE BA'I BSHES GNYEN DANG PHRAD DE RTAG PAR BDAG THEG PA CHEN PO'I YI GE DANG, KHRIMS DANG, G-YO ZHING PHYOGS PA BCU DANG, BSKYED CING

GSO GSO BA BCU DANG, CHOS RDO RJE DANG MTSUNGS PA BCU DANG, SA BCU LA SOGS PA BDAG BYED CING SHES LA CHOS BZHIN DU LAS BYED PAR SMON TO, ,SANGS RGYAS KYI BU TSUL KHRIMS BZUNG LA SRAN THUB PAR BYA BA NI, LUS DANG SROG KYANG BOR TE SEMS LA SEMS PA'I BAR MI GTZANG PAR SEMS BSAM MO, ,DE LA BYANG CHUB SEMS DPA' THAMS CAD 'DI LTA BU'I SMON LAM MA BSKYED NA LTUNG BA'O, ,SANGS RGYAS KYI BU SMON LAM CHEN PO BCU SMON PA'I 'OG TU SANGS RGYAS KYI TSUL KHRIMS GZUNGS SU BZUNG STE SMON LAM 'DI BZHIN DU GDAB BO, ,BDAG GI LUS 'DI ME CHEN PO'I NANG DU TSIG KYANG RUNG, KHUNG ZAB MO DANG, RAL GRI'I RI LA SONG YANG RUNG STE DUS GSUM GYI SANGS RGYAS KYI DAM PA'I CHOS KYI YI GE DANG, TSUL KHRIMS MTHAR MI ZHIG PA DANG, NAM DU'ANG MI ZHIG PA BUD MED THAMS CAD GSOG PA MI BYED PAR SMON TO, ,GCIG TU SMON LAM 'DI LTAR SMON TO, ,LCAGS BSREGS PA'I DRA BA DANG, DE LTA BU RGYA MO RIM PA STONG GIS BSKOR TE LUS DKRIS KYANG MTHAR YUN DU TSUL KHRIMS BRAL BA'I LUS KYIS DAD PA'I SPYIN BDAG GI GOS THAMS CAD MI BGO BAR SMON TO, ,YANG GCIG TU SMON LAM 'DI LTAR SMON TO, ,KHA 'DI'I

, ,NANG DU LCAGS KYI THU LUM BSREGS PA DANG, ME CHU BZHIN DU BAB STE 'ONGS PA LA BSKAL PA BRGYA STONG GI BAR DU LON KYANG TSUL KHRIMS BSHIG PA'I KHAS DAD PA'I SBYIN BDAG GI ZAS THAMS CAD MI ZA BAR SMON TO, ,YANG GCIG TU SMON LAM 'DI LTAR SMON TO, ,LUS 'DI ME CHEN POS BSREGS PA'I LCAGS KYI DRA BA DANG, LCAGS BSREGS PA'I TSA BA'I STENG DU BSNYAL KYANG TSUL KHRIMS DRAL BA'I LUS KYIS DAD PA'I SBYIN BDAG GI KHRI BO COG GI STENG DU MI 'DUG PAR SMON TO, ,YANG GCIG TU SMON LAM 'DI LTAR SMON TO, ,LUS 'DI BSKAL PA GCIG GNYIS KYI BAR DU MDUD RTZE KHA GSUM PA SUM BRGYAS GTZAGS KYANG RUNG STE, MTHAR TSUL KHRIMS BSHIG PA'I LUS KYIS DAD PA'I SBYIN BDAG GI RTZI SMAN THAMS CAD MI ZA BAR SMON TO, ,YANG GCIG TU SMON LAM 'DI LTAR SMON TO, ,LUS 'DIS BSKAL PA STONG GI BAR DU LCAGS KYI ZANGS PO CHE TSA BA'I NANG DU BCUG KYANG RUNG STE, MTHAR TSUL KHRIMS DRAL BA'I LUS KYIS DAD PA'I SBYIN BDAG GI KHANG KHYIM MO COG DANG, LDUM RA DANG, SKYED SHING DANG, ZHING GI STENG DU MI 'DUG PAR SMON TO, ,YANG GCIG TU SMON LAM 'DI LTAR SMON

TO; ;LUS 'DI MGO NAS RKANG PA'I BAR DU LCAGS KYI GTUN BUS BRDUNGS TE RDUL PHRA MO BZHIN DU SONG YANG KHRIMS DRAL BA'I LUS SEMS YID CHES PA'I SBYIN BDAG GIS 'GRUS SHING GUS PAR PHYAG MI 'TSAL BAR SMON TO, ,YANG GCIG TU SMON LAM 'DI LTAR SMON TO, ,STONG PHRAG BRGYA'I LCAGS BSREGS PA'I RAL GRI DANG, MDUNG RTZES MIG GNYIS BRUS SHING GTZAGS KYANG TSUL KHRIMS BSHIG PA'I SEMS KYIS PHA LOGS KHA DOG BZANG PO LA MI LTA BAR SMON TO, ,YANG GCIG TU SMON LAM 'DI LTAR SMON TO, ,LCAGS KYI SMYUNG BU STONG PHRAG BRGYAS BSKAL PA GCIG GNYIS KYI BAR DU LUS KYI CHU BA DANG, RNA BA'I RTZA BAR BTZUGS KYANG THA MAR KHRIMS DRAL BA'I SEMS KYIS ROL MO SNYAN PA LA MI MNYAN PAR SMON TO, ,YANG GCIG TU SMON LAM 'DI LTA BUR SMON TO, ,BSKAL PA STONG PHRAG BRGYA'I BAR DU RAL GRIS SNA BCAD CING GZHOGS KYANG KHRIMS DRAL BA'I SEMS KYIS SPOS SO COG LA MI SNOM PAR SMON TO, ,YANG GCIG TU SMON LAM 'DI LTAR SMON TO, ,BSKAL PA BRGYA STONG GI BAR DU LCE RAL GRIS BCAD GTUBS KYANG KHRIMS DRAL BA'I SEMS KYIS MI'I COG GI KHA ZAS GTZANG MA'O COG LA MI BZA' BAR SMON TO, ,YANG GCIG TU SMON LAM 'DI

, ,LTAR SMON TO, ,STA RE RNON POS LUS BCAD GTUBS KYANG MTHAR KHRIMS DRAL BA'I SEMS KYIS REG PA'I BZANG PO LA MI BRKAM MI CHAGS PAR SMON TO, ,YANG GCIG TU SMON LAM 'DI LTAR SMON TO, ,SEMS CAN NO COG SANGS RGYAS SU YOD PAR SMON TO, ,BYANG CHUB SEMS DPA' 'DI LTA BU'I SMON LAM MA BSKYED NA LTUNG BA'O, ,SANGS RGYAS KYI BU RTAG PAR DUS GNYIS SU SBYANGS PA'I YON TAN PA DGUN DANG, DBYAR BSAM GTAN DU 'JUG PA DANG, TSUL KHRIMS SU 'JUG PA SO SHING DANG, SRAN PHYE DANG, CHOS GOS GSUM DANG, RIL BA DANG; LHUNG BZED DANG, GDING BA DANG, GSIL BYED DANG, POG PHOR DANG, CHU TSAGS DANG, LAG PHYIS DANG, GRI DANG, GTZUB SHING DANG, GTZUB STAN DANG, SMED TSER DANG, THA GU'I KHRI DANG, DAR MA DANG, KHRIMS DANG, SANGS RGYAS KYI BU SBYANGS PA'I YON TAN SPYAD PA'I CHA GRONG RGYU BA'I TSE 'GRO ZHING 'ONGS NA RGYANG GRAGS BRGYA STONG DU 'GRON YO BYAD BCO BRGYAD RTAG PAR LUS DANG MI 'BRAL TE, SBYANGS PA'I YON TAN PA NI, DPYID ZLA RA BA TSES BCO LNGA NAS DPYID ZLA THA CHUNG TSES BCO LNGA'I BAR DU'O, ,STON ZLA 'BRING PO TSES

BCO LNGA NAS DGUN ZLA RA BA NYA'I BAR DU DUS GNYIS SU YO BYAD BCO BRGYAD LUS DANG MI 'BRAL, DPER NA, BYA'I 'DAB MA DANG 'DRA'O, ,DE STE GSO SBYIN GYI NYI MA LA GSAR DU SLOB PA'I BYANG CHUB SEMS DPA' RNAMS ZLA BA PHYED CING KHA TON DU PHAS PHAM PA BCU DANG, LTUNG BA BZHI BCU RTZA BRGYAD KYI KHRIMS KHA TON DU LHOGS SHIG ,DE STE KHRIMS KLOG PA'I TSE SANGS RGYAS THAMS CAD DANG, BYANG CHUB SEMS DPA' THAMS CAD KYI GZUGS KYI SPYAN SNGAR GZUGS DANG, GZUGS BRNYAN GYI SPYAN SNGAR MI GCIG GIS KHA TON BKLAGS LA GCIG GIS MTHOL TSANGS BYA STE, GCIG GAM, GNYIS SAM, GANG YANG RUNG STE, STONG BRGYA DE'ANG MI GCIG GIS KHA TON KLOG GO ,KHA STON KLOG PA NI, SA MTHON PO LA 'DUG LA, NYAN PA NI, DMA' BA LA 'DUG GO ,SO SO NAS CHOS GOS TSAL BU DGU PA DANG, LNGA PA DANG, BDUN PA BGOS TE TSUL DU 'JUG PA NI, GCIG NAS GCIG TU CHOS BZHIN DU'O, ,SBYANGS PA'I YON TAN SPYOD PA'I TSE BGEGS YOD CING MI BDE BA'I NANG DU MA 'GRO ZHIG ,YUL GYI BGEGS DANG, RGYAL PO MI SRUN PA DANG, SA MTHO DMA' DANG, RTZI SHING ZAB MO DANG, DBYAR SENGGE DANG, STAG DANG, SPYANG KI DANG, CHU STE RLUNG GI

, ,BGEGS DANG, RKUN PO CHOM PO DANG, SBRUL GDUG PA'I LAM LA SOGS TE, BGEGS YOD DO COG THAMS CAD DU SBYANGS PA'I YON TAN PA 'GROR MI RUNG NGO, ,DE LA CHED KAR SONG NA NI, LTUNG BA'O, ,SANGS RGYAS KYI BU CHOS 'DI BZHIN DU RIM PAS 'KHOD CIG ,TSUL KHRIMS SNGAR NOS PA NI; SNGAR 'DUG CIG ,TSUL KHRIMS PHYIS NOS PA NI, PHYI NAS 'DUG CIG ,RGAN GZHON MI LTA, DGE SLONG PHO DANG, DGE SLONG MO DANG, YA RABS DANG, BTZUN PA DANG, RGYAL PO RGYAL BU DANG, NYUNG RUM DANG, BRAN PHO MO LA SOGS PA TSUL KHRIMS SNGAR NOS PA NI, SNGAR 'DUG CIG ,PHYIS NOS PA NI, PHYIS GO RIM BZHIN DU 'DUG CIG ,MUR 'DUG NGAN PA DANG, MI GLEN PO BZHIN DU RGAN YANG RUNG, GZHON YANG RUNG, SNGA MED PHYI MED PA'I GO RIM MED PA NI ,G-YUNG PO BRAN GYI CHOS SO, ,NGA SANGS RGYAS KYI CHOS KYI NANG NA NI SNGA MA NI, STENG DU 'DUG ,PHYI MA NI, 'OG TU 'DUG GO ,BYANG CHUB SEMS DPA' NI, CHOS BZHIN DU GO RIMS SU MA 'KHOD NA LTUNG BA'O, ,SANGS RGYAS KYI BU RTAG PAR SEMS CAN NO COG BSTAN CING BCOS TE DGE 'DUN GYI KHANG KHYIM BYED CING RI DANG, TSAL DANG, RA BA DANG,

ZHING LA SANGS RGYAS KYI RTEN GYI KHANG PA BYAS LA DBYAR DGUN DU TSUL DANG, BSAM GTAN DU 'JUG PA'I GNAS DANG, GTZANG MA'I 'CHAG SA 'DZUGS SU GZHUG BA'I RIGS SO, ,DE LA BYANG CHUB SEMS DPA' SEMS CAN NO COG GI PHYIR THEG PA CHEN PO'I CHOS DANG, TSUL KHRIMS KYI YI GE BKROL BSHAD NA NAM NA TSA BYUNG BA DANG, YUL GYI BGEGS DANG, DGRA'I BGEGS DANG, PHA MA DANG, PHU NU BO DANG, MKHAN PO LA SOGS PA THOG MA SHI BA'I DUS DANG, BDUN GSUM GYI NYI MA DANG, BDUN BZHI'I NYI MA DANG, BDUN LNGA'I NYI MA DANG, BDUN BDUN GYI NYI MA LA DE'I PHYIR THEG PA CHEN PO'I YI GE DANG, TSUL KHRIMS BKROL BSHAD DE, MCHOD STON BYAS TE DGE PA'I BSOD NAMS THOB PAR GSOL CIG ,'GRO 'ONGS KYANG GSON PO'I MTSO BSOD NAMS BYED PA LA ME CHAN POS BSREGS, CHU CHEN POS KHYER RLUNG NAG PO CHEN POS GRU BUS PA DANG, RTZAD PO DANG MTSO CHEN PO'I DGRA'I BGEGS LA SOGS TE SDIG GO COG BGEGS DANG LAN GYIS STAN MTSUNGS MED PA BDUN BGEGS BRGYAD, LAG SGRIL, RKANG SGRIL LTUNG DANG, LCAGS DANG LUS BCINGS DRAGS TE G-YEM ZHING KHRO BA MANG PO DANG, BLUN ZHING GLEN PA MANG PO DANG, NA TSA'I

, ,MANG PO'I DGRA ZUS NA KUN GYIS KYANG THEG PA CHEN PO'I CHOS KYI YI GE DANG, TSUL KHRIMS KHA TON BKLAGS TE DGROL BA BSHAD DO, , BYANG CHUB SEMS DPA' GSAR DU SLOB PA 'DI BZHIN MA BYAS NA LTUNG BA'O, ,TSUL KHRIMS 'DI DGU BSLABS LA GUS PAR RTAG PAR GZUNGS SU ZUNGS SHIG , SNYOMS PA'I CHOS KYI LE'U LAS KYANG RGYA CHE ZHING MNGON PAR BSHAD DO, ,SANGS RGYAS KYIS SANGS RGYAS KYI BU LA BKA' STZAL PA, SANGS RGYAS KYI BU MI LA TSUL KHRIMS SHIG SBYIN NA BYE BRAG DBYE ZHING GDAM DU MI RUNG, RGYAL PO DANG, RGYAL BU DANG, BLON PO CHEN PO DANG, BLON PO PHAL DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN MA DANG, PHO G-YEM MO G-YEM DANG, GZUGS KYI GNAM BCO BRGYAD DANG, 'DOD PA'I KHAMS KYI GNAM DRUG DANG, DBANG PO MED PA DANG, DBANG PO RNAM GNYIS YOD PA DANG, NYUNG RUM DANG, BRAN PHO MO DANG, LHA MA SRIN LA SOGS TE THAMS CAD KUN KHRIMS MNOD DU RUNG NGO, ,LUS LA CHOS KYI GOS BGO BA RNAMS NI, KHA DOG BSGYUR BAR STON LA CHOS DANG MTHUN PAR GYIS SHIG ,KHA DOG SER PO, SNGON PO, NAG PO, DMAR PO, MAL GOS YAN

CHAD KHA DGE BSGYUR RO, ,LUS LA GOS PA GO'O COG TSOS TE KHA DOG SGYUR CIG ,YUL LO COG GI NANG NA MI'I GOS SU BGO BA LA DGE SLONG NGO COG GI GOS NI, THA MAL PA'I GOS DANG MI MTHUN NO, ,THOG MA TSUL KHRIMS SBYIN PA'I TSE MKHAN POS DRI BA KHYED TSE 'DI LA LOG PA BDUN GYI SDIG BYAS SAM ZHES DRIS SHIG ,CHOS KYI MKHAN PO BYANG CHUB SEMS DPA' NI, LOG PA BDUN BYAS PA LA TSUL KHRIMS SBYIN DU MI RUNG NGO, ,LOG PA BDUN ZHES BYA BA NI, SANGS RGYAS KYI LUS LA KHRAG PHYUNG BA DANG, PHA MA DANG MKHAN PO DANG SLOB DPON BSAD PA DANG, LUS KYI TSUL KHRIMS GTZANG MA BSHIG PA DANG, CHOS KYI 'KHOR LO BSKOR BA PA'I 'PHAGS PA BSOD PA YIN TE, 'DI RNAM BDUN TSANG BAR BYAS TE BSGRIBS PA'I TSUL LA TSUL KHRIMS SBYIN DU MI RUNG NGO, ,GZHAN NI, THAMS CAD KYANG TSUL KHRIMS SBYIN DU RUNG NGO, , RAB TU BYUNG BA'I CHOS NI, RGYAL PO LA'ANG PHYAG MI 'TSAL, PHA MA LA'ANG PHYAG MI 'TSAL, GNYEN PA RNAM PA DRUG LA'ANG ZHE SA MI BYA, LHA MA SRIN LA'ANG PHYAG MI 'TSAL LO, ,CHOS KYI MKHAN PO SKAD SHES PA ZHIG RGYANG GRAGS STONG GI LAM NAS 'ONGS TE KHRIMS GSOL BA ZHIG YOD NA, BYANG CHUB SEMS DPA' CHOS KYI

, ,MKHAN POS NGAN SEMS DANG KHRO BA'I SEMS BSKYED DE SEMS CAN NO COG LA TSUL KHRIMS MA BYIN NA LTUNG BA'O, ,SANGS RGYAS KYI BU LA BSTAN BCOS TE YID CHES PA'I SEMS G-YO BAR BYA NA BYANG CHUB SEMS DPAS GZHAN TSUL KHRIMS BSTAN PA'I CHOS KYI MKHAN PO BYAS TE TSUL KHRIMS MNOD DU 'ONG BA'I MI ZHIG MTHONG NA SNGAR MKHAN PO SLOB DPON GNYER DU THONG ZHIG ,MKHAN PO GNYIS KYIS KYANG KHYED LA BDUN GYIS BSGRIBS PA'I SDIG YOD DAM DRIS SHIG ,DE LA'ANG TSE 'DI LA BDUN GYIS BSGRIBS PA'I SDIG YOD NA, MKHAN POS TSUL KHRIMS SBYIN PA MI RIGS SO, ,BDUN GYIS BSGRIBS PA'I SDIG MED NA; TSUL KHRIMS SBYIN DU RUNG NGO, ,LA LA ZHIG GIS TSUL KHRIMS BCU BSHIG PA ZHIG YOD NA, MTHOL TSANGS BYED DU CHU GCIG ,SANGS RGYAS DANG BYANG CHUB SEMS DPA'I ZHAL SNGAR NYIN MTSAN DRUG TU PHAM PA BCU DANG, LTUNG BA BZHI BCU RTZA BRGYAD KYI TSUL KHRIMS KHA TON DU BKLAGS LA DUS GSUM GYI SANGS RGYAS LA SEMS THAG PA NAS PHYAG 'TSAL BA'I TSE LTAS BZANG POR BYA DGOS SO, ,DE LA NYI MA BDUN DANG, BDUN GNYIS DANG, BDUN GSUM DANG, LO GCIG

TSUN CHAD LTAS BZANG PO MTHONG DGOS SO, ,LTAS BZANG PO ZHES BYA BA NI, SANGS RGYAS GSHEGS TE SBYI BO LA BYUGS TE 'OD MTHONG BA DANG, ME TOG MTHONG BA DANG, LTAS CI'ANG RUNG BA BZANG PO MTHONG NA MOD LA SDIG 'BYIN TO, ,DE LA LTAS BZANG PO MED NA, MTHOL TSANGS SU ZIN KYANG MI PHAN TE, DE'I TSE LUS KYIS NI, TSUL KHRIMS MI THOB BO, ,LO NGANG NYI MAS BSTAN TE SPOGS TE BYAS LA LTAS 'OD BYUNG BA DAG MTHONG NA TSUL KHRIMS MNOD DU RUNG NGO, ,LA LA ZHIG GIS LTUNG BA BZHI BCU RTZA BRGYAD BSHIG PA NI, MTHOL TSANGS BYAS PA'I MOD LA 'BYUNG STE, BDUN GYIS BSGRIBS PA DANG MI MTSUNGS SO, ,DE BAS NA, TSUL KHRIMS STON PA'I MKHAN POS CHOS 'DI'I NANG NAS KYANG GCIG NAS GCIG NAS KHREL NA MKHAN PO BYA'O, ,THEG PA CHEN PO'I YI GE DANG, TSUL KHRIMS YANG PA DANG, LCI BA DANG, YIN PA DANG, MA YIN PA'I GZUGS DAM PA MI SHES NA, GZHUNG GI MCHOG BDEN PA DANG, SNGA MA'I RANG BZHIN GYI SA BON DANG, DA LTAR BSKYED CING GSO BA'I RANG BZHIN DANG, GTAN MI RLAG PA'I RANG BZHIN DANG, CHOS KYI SA BON GYI RANG BZHIN DANG, DRANG PO'I RANG BZHIN DANG, DE'I NANG NAS RTOG PA DANG, DPYOD PA'I RANG

, ,BZHIN DANG, PHYI NANG GI BSAM GTAN BCU'I YAL GA LA SOGS TE CHOS KYIS LAS BYA'O, ,CHO GA DANG, TSUL KHRIMS DANG, CHOS KYI YI GE 'DI GCIG NAS GCIG KHONG DU MA CHUD DO, ,BYANG CHUB SEMS DPA' GSO BA'I KHE DANG, MING SNYAN PA 'DOD PA'I PHYIR SLOB MA LA KHE BRKAM PAS NGAN PA BTZAL TE MI SHES PA LA SGYU MAR CHOS DANG, TSUL KHRIMS KYI YI GE KUN SHES SO, ,ZHES ZER ZHING YON LEN PA'I BDAG LA'ANG BSLUS SHING BRNYAS; GCIG TU NA GZHAN LA'ANG BSLUS SHING BRNYAS TE, DE LTA BUS MI LA TSUL KHRIMS BYIN NA LTUNG BA'O, ,SANGS RGYAS KYI BU GSO BA'I KHE 'DOD PA'I PHYIR BYANG CHUB SEMS DPA'I TSUL KHRIMS MA MNOS PA'I MDUN DU MUR 'DUG DANG, MA RABS KYI MDUN DU SANGS RGYAS STONG GI TSUL KHRIMS CHEN PO 'DI BSHAD DU MI RUNG NGO, ,LOG PAR LTA BA'I MDUN DU MI RUNG NGO, ,RGYAL PO MA GTOGS PA GZHAN SU'I MDUN DU'ANG BSHAD DU MI RUNG NGO, ,MI NGAN PA RNAMS KYIS SANGS RGYAS KYI TSUL KHRIMS MA MNOS PA NI, MID BYOL SONG ZHES BYA'O, ,GAR SKYES GAR SKYES KYANG DKON MCHOG GSUM MI MTHONG ZHING RDO SHING DANG MTSUNGS SEMS MED DE,

MING CHOS LOG PA ZHES BYA'O, ,LOG PA LA LTA BA'I RNAMS NI, SHING DUM PA DANG MTSUNGS SO, ,BYANG CHUB SEMS DPA' DE LTA BU NGAN PA'I MDUN DU SANGS RGYAS RABS BDUN GYI TSUL KHRIMS BSHAD DE BSTAN NA LTUNG BA'O, ,SANGS RGYAS KYI BU SEMS YID CHES TE RAB TU BYUNG NA, SANGS RGYAS KYI TSUL KHRIMS DAM PA MNOS LA CHED KAR SEMS BSKYED DE 'PHAGS PA'I TSUL KHRIMS BSHIG NA, SBYIN BDAG GO COG YON BLANG DU MI RUNG NGO, ,GCIG TU NI, RGYAL PO'I KHAB KYIS RIS LA'ANG 'GROR MI RUNG, RGYAL PO'I CHU LA'ANG 'THUNG DU MI RUNG STE, 'DRE CHEN PO LNGA STONG GIS RTAG PAR DE'I MDUN BCAD NAS 'DRE NA RE, DGRA CHEN PO KHYIM DANG, MKHAR DANG, YUL GYI NANG DU 'ONGS SO, ,ZHES ZER TE, DE RNAMS KYIS KHOR MOR MI DE'I RJES PHYAGS SO, ,'JIG RTEN NA RE'ANG SANGS RGYAS KYI CHOS KYI NANG DU 'GRO'O, ,ZHES ZER TE MIG GI MTHONG DU 'ONG MI DGA'O, ,TSUL KHRIMS BSHIG PA NI, BYOL SONG DANG MTSUNGS, SHING DUM PA DANG MTSUNGS TE, DRANG PO'I TSUL KHRIMS BSHIG NA LTUNG BA'O, , SANGS RGYAS KYI BU SEMS GCIG TU BRTUL TE RTAG PAR GZUNGS SU BZUNG STE KHA TON DU'ANG KLOG GO ,PAGS PA BSHUS TE NI, SHOG SHOG BYAS, KHRAG PHYUNG BAS

, ,NI; SNAG TSAR BYAS, RUS PA BCAG STE SMYUG GUR BYAS LA SANGS RGYAS KYI TSUL KHRIMS KYI YI GE BRI'O, ,SHING GI SHUN PA DANG, THONG KAR LA BRIS TE RTAG PAR RIN PO CHE SNA BDUN DANG, RIN MED PA'I SPOS DANG, ME TOG LA SOGS PA RIN PO CHE SNA TSOGS KYI GZE BA DANG SNOD BYAS TE, NANG DU CHOS KYI YI GE TSUL KHRIMS KYI GLEGS BAM GZHUG GO ,DE LA CHOS KYI BZHIN DU RI MO MA BYAS NA LTUNG BA'O, ,SANGS RGYAS KYI BU RTAG PAR SEMS RGYA CHER BSKYED DE YUL MKHAR DANG, KHANG KHYIM MO COG TU PHYIN TE SEMS CAN NO COG NI, MTHONG NA, KHYOD LA SOGS PA SEMS CAN NO COG THAMS CAD DKON MCHOG GSUM LA PHYOGS SHING TSUL KHRIMS BCU NOS SHIG CES BSGO BA'I RIGS SO, ,BYOL SONG GI KHAMS SHIG NA'ANG SEMS LA BSAM KHAR SMRAS TE, KHYOD NI; BYOL SONG NA, BYANG CHUB SEMS DPA'I SEMS SKYED CIG CES BSAM ZHING BYA'O, ,BYANG CHUB SEMS DPA' NI, RI LUNG DBYE THANG GA LA GNAS KYANG RUNG STE; SEMS CAN NO COG KUN BYANG CHUB SEMS DPA'I SEMS SKYE BAR BYOS SHIG ,BYANG CHUB SEMS DPA' SEMS CAN MA BSTAN MA BCOS NA LTUNG BA'O, ,SANGS

RGYAS KYI BU RTAG PAR BSTAN CING BCOS PA'I SNYING RJE CHEN PO BSKYED NAS CHOS BYED PA DANG, YA RABS LA SOGS PA SBYIN BDAG DANG, 'DU BA MANG BO'I NANG DU 'GRENG LA GOS SKYA BO GYON TE CHOS BSHAD DU MI RUNG NGO, ,GOS SKYA BO GYON PA 'DU BA MANG PO'I NANG DU CHOS BSHAD NA, CHOS KYI MKHAN PO NI, SA MTHON POR 'DUG LA SPOS DANG ME TOG GIS YON GSOL TE MTHA' BZHIR NYAN PA'I RNAMS DMA' BA NA 'KHOD LA GUS PAR MNYAN TO, ,PHA MA LA SRI ZHU MI 'GAL BAR BYA BA DANG, SLOB MAS MKHAN PO LA BYA BA BZHIN CHOS LA'ANG DE BZHIN GUS PAR BYA'O, ,BRAM ZE ME LHA CAN CHOS BYED PA BZHIN GUS PAR BYA'O, ,DE BZHIN MA BYAS TE CHOS 'CHAD PA BO CHOS BZHIN DU MA BSHAD NA LTUNG BA'O, ,SANGS RGYAS KYI BU KUN KYANG THE TSOM MED PA'I YID KYIS KHRIMS NOS SHIG ,RGYAL PO DANG, RGYAL BU DANG, SLOB MA SDE BZHI DANG, BDAG MTHO ZHING BTZAN SNYEMS TE, SANGS RGYAS KYI CHOS DANG TSUL KHRIMS BSHIG PA NAN TUR GYIS CHOS BYAS TE NGA'I SLOB MA RNAM BZHI RAB TU BYUNG ZHING CHOS BYED PAR MI STER TE, BGEGS GCIG TU NA SANGS RGYAS KYI GZUGS DANG, MCHOD RTEN 'DZUGS SHING CHOS DANG TSUL KHRIMS YI GER 'BRIR MI

, ,STER TE; DKON MCHOG 'JIG CING DE LTA BUR CHED KAR CHOS 'JIG PA NI, LTUNG BA'O, ,SANGS RGYAS KYI BU DGE BA'I SEMS SPYOD PA LA RAB TU PHYUNG ZHIG, LEGS PA'I MING SNYAN PA 'DOD PA DANG, GSO BA'I KHE'I PHYIR RGYAL PO DANG, BLON PO'I MDUN DU SANGS RGYAS BDUN GYI TSUL KHRIMS BSHAD DE, DGE SLONG DANG DGE SLONG MA LA BYANG CHUB SEMS DPA'I KHRIMS MI RIGS PAR BYIN TE SLOB MA RNAMS BCINGS BTAGS NA, SENGGE'I LUS LA SRIN BU 'DUG PAS SENGGE BDAG GIS SHA ZOS PA DANG MTSUNGS TE, PHYI'I SRIN BUS SHA ZOS PA MA YIN NO, ,DE LTA BAS NA, SANGS RGYAS KYI BU MUR 'DUG DANG, BDUD KYIS CHOS BSHIG PA MA YIN NO, ,BDAG GIS CHOS BSHIG PA YIN NO, ,SANGS RGYAS KYI TSUL KHRIMS MNOS NA SANGS RGYAS KYI TSUL KHRIMS KYI RIM GRO BYA BA NI, PHA MAS PHA MA BU GCIG PU LA BSAM PA DANG MTSUNGS SO, ,PHA MA LA SRI ZHU BYA BA DANG 'DRA'O, ,MUR 'DUG DANG, MI NGAN PA LA NGAG NGAN PA TSIG NGAN PAS SANGS RGYAS KYI TSUL KHRIMS LA SKUR PA ZER NA, MDUD RTZE KHA GSUM PA'I MDUNG RTZE SUM BRGYAS SNYING LA BTZUGS PA DANG, RAL GRI STONG DBYUG PA STONG KHRIS LUS BRDEGS PA DANG

MTSANGS PAR BYA STE, BDAG GI LUS BSKAL PA BRGYA'I BAR DU SEMS CAN DMYAL BAR SONG YANG SLA'I, SANGS RGYAS KYI TSUL KHRIMS LA TSIG GCIG NGAN DU ZER BA'I SKAD NI MI THOS PAR SMON TO, ,BDAG NYID KYIS TSUL KHRIMS BSHIG PA GZHAN LA LAN LON PA DANG, ZHAR GYIS ZHAR GYIS TSUL KHRIMS BSHIG PAR BSTAN PA LTA SMOS KYANG CI DGOS TE, SRI ZHU DANG MI 'GAL BA'I SEMS MED DO, ,DE LTA BU BYAS NA LTUNG BA'O, ,TSUL KHRIMS 'DI DGU BSLABS LA SEMS GUS PAR GZUNGS SU ZUNGS SHIG ,SANGS RGYAS KYI BU RNAMS TSUL KHRIMS YANG PA BZHI BCU RTZA BRGYAD KHYED LA SOGS PAS RTAG PAR GZUNGS SU ZUNGS SHIG ,SNGAR 'DAS PA'I SANGS RGYAS DANG BYANG CHUB SEMS DPA' RNAMS NI, KHA TON ZIN TO, ,DA LTAR GYI SANGS RGYAS DANG BYANG CHUB SEMS DPA' RNAMS KYIS NI, DA LTAR KHA TON BYAS SO, ,SANGS RGYAS DANG BYANG CHUB SEMS DPA' PHYIS 'ONGS PA'I RNAMS SO, ,DA DE'I KHAR KHA TON BYED DO, ,SANGS RGYAS KYI BU NYON CIG ,PHAS PHAM PA BCU DANG, LTUNG BA BZHI BCU RTZA BRGYAD CIG 'DAS PA'I SANGS RGYAS KYIS KHA TON ZIN, DA LTAR GYI KHA TON BYAS, PHYIS KYANG KHA TON BYED DE, NGA'ANG DE BZHIN DA LTAR KHA TON BYED DO, ,DE LTA BAS NA, KHYED

, ,LA SOGS PAS SEMS CAN PHAL MANG PO RGYAL PO DANG, RGYAL BU DANG, BLON PO DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN MAS BYANG CHUB SEMS DPA'I TSUL KHRIMS NOS NA 'GRUS PAR KHA TON KLOGS LA BKROL BSHAD DE, YI GER BRIS LA SANGS RGYAS KYI RANG BZHIN GYIS SKAL PA RTAG PAR 'DUG STE KHRIMS KYI GLEGS BAM DUS GSUM GYI BAR DU TSUL BZHIN 'BAB CING THOGS PA MED PAR BYAS TE SEMS CAN THAMS CAD BSTAN CING BSLAB PA'I RGYUN MI GCOD CING SANGS RGYAS MTHONG LA SANGS RGYAS GCIG GIS GCIG LA GTAD DE, TSE TSE RABS SU YANG NGAN SONG DANG BGEGS BRGYAD KYI NANG DU'ANG MI LTUNG ZHING RTAG PAR MI'I LAM DANG GNAM GYI STENG DU SKYE'O, ,NGAS DA LTAR SHING 'DI'I DRUNG DU 'DUG STE SANGS RGYAS RABS BDUN GYI CHOS KYI KHRIMS MDO TZAM ZHIG PHYA BA KHYED LA SOGS PA SNYING GCIG TU BRTUL TE SO SOR THAR PA LA BSLABS LA DGA' ZHING GUS PAR GYIS SHIG ,GZUGS MED PA'I GNAM GYI RGYAL PO'I LE'U SLOB PA'I BLON 'DEBS PA'I NANG NAS GCIG PU GCIG BU NAS RGYA CHE ZHING MNGON BAR BSHAD DO, ,DE'I SLOB

MA MKHAS PA SUM STONG 'DUG CING NYAN PAS SANGS RGYAS KYIS KHA TON BKLAGS PA THOS NAS SEMS THAG PA NAS SPYI BO LA KHYER TE DGA' GZHA' NAS RTAG PAR GZUNGS SU BZUNG NGO, ,DE LTAR SH'AKYA THUB PA SANGS RGYAS KYIS YAN CHAD PADMO'I ME TOG GI SNOD KYI KHAMS KYI RDZOGS LONGS SPYOD PA'I SKU'I SEMS KYI GNAS CHOS KYI SGO MO LE'U'I NANG NA ZAG PA MED PA'I TSUL KHRIMS BCU BSHAD ZIN TO, ,STONG PHRAG BRGYA 'BUM GYI THUB PA'ANG DE BZHIN NO, ,DBANG PO CHEN PO'I GNAM GYI RGYAL PO'I PHO BRANG NAS 'DI'I GTZANG MA'I SHING DRUNG NA 'DUG PA BCU'I GNAS NA CHOS DANG TSUL KHRIMS KYI LE'U YANG BSHAD DO, ,BYANG CHUB SEMS DPA' THAMS CAD LA BSGO BA BSHAD KYIS MI LANG NGO, ,MANG PO PHAL TAG PAR GZUNGS SU GZUNGS LA KHA TON DU LHOGS SHIG ,DE'I GZHUNG BKROL BSHAD PA DE YIN NO, ,STONG PHRAG BRGYA'ANG 'BUM GYI KHAMS PADMO'I ME TOG SNOD KYI KHAMS RDUL PHRA MO SNYED KYI KHAMS KYI THAMS CAD KYI SEMS KYI SNOD, TSUL KHRIMS KYI SNOD, GRANGS MED PA'I SMON LAM GYI SNOD; YON TAN DANG, SANGS RGYAS KYI RANG BZHIN 'DUG PA'I SNOD DE, SANGS RGYAS THAMS CAD GRANGS MED, CHOS KYI SGO MO'ANG BSHAD ZIN TO, ,STONG PHRAG

, ,BRGYA'I KHAMS KYI NANG NA SEMS CAN THAMS CAD KYIS GZUNGS SU BZUNG STE DGA' ZHING GUS PAR BYED DO, ,SEMS KYI GNAS RGYA CHER PHYE BA'I GZUNGS NI, SANGS RGYAS KYI ME TOG 'OD KYI RGYAL BA'I LE'U'I NANG NAS BSHAD DO, ,SANGS RGYAS BDUN GYIS TSIG GI LE'U BSHAD PA GCIG STE, SANGS RGYAS RNAM PAR GZIGS KYIS BSTAN PA'I TSUL KHRIMS BSHAD PA, BZOD PA'I DAM PAS DKA' THUB ZHUGS, ,BZOD PA'I DAM PAS MYA NGAN 'DA', ,GZHAN LA GNOD PA DE NI BYANG CHUB MA YIN NO, ,GNYIS TE SPYI TOR SANGS RGYAS KYIS BSTAN PA, MIG CAN MI BDE YOD LAS BYOL TE 'GRO, ,MKHAS PAS 'TSO BA'I 'JIG RTEN NA; ;SDIG PA KUN KYANG RNAM PAR SPONGS, ,GSUM STE THAMS CAD SKYOB SANGS RGYAS KYIS BSTAN PA, GNOD LA MI SMRA MI SEMS TE, ,SO SOR THAR PA BZHIN DU SDOM; ;ZAS KYI TSOD KYANG RIG PAR BYA, ,GNAS KYANG DBEN PAR 'JUG PAR BYA, ,RAB TU SEMS DANG LDAN PA NI, ,DE NI SANGS RGYAS BSTAN PA'O, ,BZHI STE LOG PAR DAD SEL SANGS RGYAS KYIS BSTAN PA, JI LTAR BUNG BA ME TOG GI ,KHA DOG BSUNG LA MI GNOD PAR, ,KHU BA BLANGS TE 'PHUR BA BZHIN, ,DE BZHIN BYANG CHUB

GRONG DU SPYOD, ,GZHAN GYI RNAMS LA MI BLTA BAR, ,GZHAN GYIS LEGS PA BYAS LA'O, ,BDAG RANG NYID LA LTOS, LEGS NYES CI BYAS PA, LNGA STE GSER THUB SANGS RGYAS KYIS BSTAN PA, BSAM GTAN LA NI MA BYOL BAR, ,THUB PA RNAMS KYIS TSUL THUB SLOBS, ,MI BDE BAR YANG MI 'GYUR MGON, ,MNGON PAR ZHI BAS RTAG TU DRAN PA'I YID, ,DRUG STE BSOD SKYABS SANGS RGYAS KYIS BSTAN PA, THAMS CAD SDIG PA MI BYA'O, ,DGE 'O COG NI RDZOGS PAR BYA, ,BDAG GI SEMS KYANG SHIN TU GDUL, ,DE NI SANGS RGYAS BSTAN PA'O, ,BDUN TE SH'AKYA THUB PA SANGS RGYAS KYIS BSTAN PA, LUS KYIS SU NI SDOM PA DGE ,NGAG GI SDOM PA YANG NI DGE , YID KYI SDOM PA YANG NI DGE ,DGE 'O THAMS CAD SDOM PA NI, ,BYANG CHUB KUN LA MGON SKYABS BYED, ,NYON MONGS THAMS CAD KUN LAS SKYOB, ,BYANG CHUB DAG SRUNG YID KYANG SDOM, ,LUS KYIS MI DGE MI BYA ZHING, ,'DI GSUM LAS LAS RNAM PAR SKYONGS, ,'THOB BO DRANG SRONG GSUNGS PA'I LAM, ,MI YIS BRDEGS SPYOS SHA MI GLAN, ,SDIG GI MI LA SEMS MI 'KHON, ,GSHE BA'I MI LA'ANG RTAG TU GCANG, ,MI YIS NGAN BYAS BDAG MI BYED, ,SANGS RGYAS KUN GYIS RABS BTZUN BYAS, ,'JIG

, ,RTEN RA MDA' PHA SKYABS NUS, ,SANGS RGYAS 'DIS TSUL KHRIMS BSHAD PA, ,NGAS RGYA CHER BSHAD DU KUN RDZOGS, ,SANGS RGYAS KUN DANG SLOB MA RNAMS, ,CHOS KYI TSUL KHRIMS GUS PAR 'DZIN, ,GCIG LA GCIG KYANG GUS PAR BYOS, ,CHOS LA DRIN GZO CHO GA TSANG NA, ,BYA BA MED PA'I CHOS THOB NUS, ,TSUL KHRIMS YI GE BSHAD ZIN NAS, ,SEMS GCIG BRTUL TE BYANG CHUB THOB, ,CHOS KYI RGYA MO RDZOGS SO,,