, ,'PHAGS PA 'JAM DPAL LA PHYAG 'TSAL LO, ,SGRUB PA PO DAD PA DANG LDAN PA'I GANG ZAG GIS MTSAN YANG DAG PAR BRJOD PA'I SGO NAS BSKOR BA BYED PAR 'DOD
, ,PAS; BDAG NYID 'JAM DPAL GYI NGA RGYAL DANG LDAN PAS SA PHYOGS DE SKYANG NUL BYAS TE DRI ZHIM POS CHAG CHAG BTAB LA, SKU GZUGS LA SOGS PA DMIGS PA'I RTEN MNGON PAR BZHAG STE, SA PHYOGS DE NYID DU YI GE HR'I: LAS NGES PAR BYUNG BA'I PADMA DKAR PO 'DAB MA SNA TSOGS PA YAL GA DANG BCAS PA BSAMS LA DBUS SU SENG GE'I KHRI LA ZLA BA'I STENG DU SPRUL PA'I SKU RNAM PAR SNANG MDZAD SH'AKYA THUB PA CHOS 'CHAD PA'I PHYAG RGYA CAN GSER GYI KHA DOG CAN MTSAN DANG DPE BYAD KYIS BRGYAN PAR BLTAS LA, DE'I G-YAS NA 'JAM DPAL KHA DOG KHA BA LA GUR GUM GTOR BA LTA BU, MCHOG SBYIN PA'I TSUL GYIS GNAS PA, G-YON NA SPYAN RAS GZIGS DBANG PHYUG GANGS LA NYI MA SHAR BA LTA BU, NGAG GI DBANG PHYUG 'GYING BA'I TSUL DU GNAS TE SEMS CAN LA BDUD RTZI SBYIN PAR MDZAD PA DANG, MDUN DU PHYAG NA RDO RJE BEE d'URYA'I MDOG CAN G-YAS RDO RJE THUGS KAR BSTOD DE, G-YON PA ZHI BA'I PHYAG RGYA CAN, DE'I PHYI ROL NA PHYOGS BCU'I SANGS RGYAS KYIS BSKOR BA, DE'I PHYI ROL NA BYANG CHUB SEMS DPA' STONG DU BZHIS MA TSANG BAS BSKOR BA, DE LA PHYI RIM NA 'PHAGS PA DGRA BCOM PA RNAMS KYIS BSKOR BA BLTAS TE, DE LA DAD PA BSKYED CING PHYAG 'TSAL NAS BSKOR BA BYA BA NI MTSAN GDON PA'AM YE SHES SEMS DPA'I SKU'I PHRENG SNGAGS BRJOD PAR BYA'O, ,DE LTA BU'I BSKOR BA JI SRID NUS PA DE SRID DU BYAS TE, BDE BAR GSHEGS PA DE RNAMS KYI DRUNG DU 'DUG LA, SANGS RGYAS RJES SU DRAN PA DANG, , CHOS RJES SU DRAN PA DANG, DGE 'DUN RJES SU DRAN PAR BYAS LA, SNYING GNAS SBRUL BA'I MCHOD PAS MCHOD DE, 'DUD NYI SHUS YANG DAG PAR BSTOD LA, SDIG PA BSHAGS PA DANG RJES SU YI RANG BA LA SOGS PA'I DGE BA'I RTZA BA CHER BSKYED DO, ,DE NAS DE RNAMS KYI THUGS KA NAS 'OD ZER BYUNG NAS BDAG LA G-YAS SU BSKOR TE, BDAG GI SNYING GAR THIB PAR BSAMS PA'I BYIN RLABS KYIS LAS DANG NYON MONGS PA'I SGRUB PA DAG NAS LUS KYANG CHU ZLA LTA BUR BSAM MO, ,DE LTAR DGE BA BYAS PA'I BSOD NAMS RDZOGS PA'I BYANG CHUB POR BSNGOS LA DE RNAMS KYANG MI SNANG BAR BSGOM
MO; ,MTSAN YANG DAG PAR BRJOD PA'I BSKOR BA BYA BA'I THABS SLOB DPON 'JAM DPAL BSHES GNYEN GYIS MDZAD PA RDZOGS SO,,