, ,RGYA GAR SKAD DU, A'ARYA MANYDZU SHR'I N'A MA SINGG'A TI BI DHI MAndA LA N'A MA, BOD SKAD DU, 'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR GYI CHO GA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,MA CHAGS SPYAN MNGA' CHOS KYI DBYINGS LA MKHAS, CHAGS MED DON RTOGS 'DOD CHAGS GNAS NAS DAG ,'JAM DPAL RNON PO DE LA GUS BTUD DE, 'DOD CHAGS PADMA'I RIGS KYI DKYIL 'KHOR BSHAD, DE LA 'DOD CHAGS KYI GNYEN POR SANGS RGYAS SNANG BA MTHA' YAS KYI DKYIL 'KHOR BYED PAR 'DOD PAS, SNYING RJE CHEN PO'I BLO DANG LDAN PA'I GANG ZAG GIS, SLOB MA JI SKAD SMRAS PA DE BZHIN BYED PA RDZOGS PAR BYA BA'I PHYIR GRONG KHYER LA SOGS PA'I GNAS SU NYAM NGA BA DANG BAG TSA BA SPANGS TE THE TSOM DANG DOGS PA THAMS CAD SPANGS NAS STAN BDE BA LA 'JUG STE, MAndA LA DANG MCHOD PA BSHAMS NAS SRUNG BA'I 'KHOR LO SNGON DU 'GRO BAS TSOGS BSAGS LA CHOS THAMS CAD NAM MKHA'I DKYIL LTAR BLTAS TE, SEMS KYI SNANG BA A'A LI DANG K'A LI'I PHRENG BA SKAR MA'I RNAM PA LTA BU'I 'OD ZER LNGA YANG GLOG BZHIN 'GYU BA LAS 'BYUNG BA CHEN PO BZHIS BTEGS PA'I KHANG PA'I NANG NA RANG GI GDAN YANG RMA BYA LAS GRUB PA'I STENG DU RDZOGS PA'I SANGS RGYAS SNANG BA MTHA' YAS NGES PAR HR'I: LAS BYUNG BA'I SBYOR BA YE SHES SEMS DPA'I BAR DU RDZOGS PA DANG, DE'I BYIN GYIS RLABS KYIS DKYIL 'KHOR RGYAL MCHOG CES BYA BA RANG GI RIGS DANG MTHUN PA'I DKYIL 'KHOR RDZOGS PA DANG 'DOD CHAGS CAN GYI GDUL BYA'I DOR GANG LA SANGS RGYAS KYI SKU PHRA MO MANG PO YANG MTSAN BRJOD PA'I BYIN RLABS LAS BYUNG BA'I LAS RGYAL MCHOG BSGOM PAR BYA'O, ,DE LTAR PADMA'I RIGS KYI DKYIL 'KHOR DANG NYE BAR GYUR NAS 'DOD CHAGS CAN GYI SEMS CAN RNAMS DKYIL 'KHOR DU GZHUG PA'I PHYIR DKYIL 'KHOR YANG RTZIG PA'AM RDUL TSON LAS BRIS TE, LHA DGOD PA NI DBUS SU SANGS RGYAS SNANG PA MTHA' YAS DE LA RIGS MTHUN PA'I SEMS DPA' BZHI DGOD, GZHAN YANG SGEG MO LA SOGS PA BRGYAD KYANG MDZES PAR DGRAM MO, ,KHYAMS SU YANG BSKAL PA BZANG PO'I BYANG CHUB SEMS DPA' RNAMS DGRAM MO, ,SGO BZHIR SGO MA BZHI GZHAG GO, ,DE LTAR LEGS PAR BRIS NAS DKYIL 'KHOR GYI LHA LA SNANG BA THOB PA DANG, SKAL
PA DANG MTHUN PA'I ME TOG GIS SNYIM PA BKANG BA'I SLOB MA DER BCUG LA LHA RNAMS BSTAN CING DBANG BSKUR NAS, DE NAS YON KYI MCHOG BLANGS TE DKYIL 'KHOR LA PHUL LA LHAG MA RDO RJE SLOB DPON GYIS LONGS SPYAD PAR BYA'O, ,'DOD CHAGS SNANG BA MTHA' YAS KYI, ,DKYIL 'KHOR CHO GA BSDUS PA LAS, ,DGE BA BSAGS PAR GYUR PA DES, ,SNANG BA MTHA' YAS NYID DU SHOG ,SNANG BA MTHA' YAS DBUGS DBYUNG BA'I DKYIL 'KHOR GYI CHO GA ,SLOB DPON 'JAM DPAL BSHES GNYEN GYIS MDZAD PA RDZOGS SO,,
, ,RGYA GAR SKAD DU, A'A RYA MANYDZU SHR'I N'A MA SINGG'A TI MAndALA BI DHI N'A MA, BOD SKAD DU, 'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR GYI CHO GA ZHES BYA BA, 'JAM DPAL GZHON NUR GYUR BA LA PHYAG 'TSAL LO, ,SDUG BSNGAL TSA BAS GDUNGS PA'I SEMS CAN LA, ,THUGS RJES ZLA LTAR BSIL MDZAD 'JAM DBYANGS MGON, ,RDO RJE RAL GRI 'DZIN PA'I SANGS RGYAS LA, ,DE LA BTUD DE MI BSKYOD DKYIL 'KHOR BSHAD, DE LA 'DIR ZHE SDANG GI GNYEN POR MI BSKYOD PA'I DKYIL 'KHOR GYI CHO GA BYED PAR 'DOD PAS, DBANG BSKUR THOB CING SDOM PA DANG LDAN PAS, YO BYAD PHUN SUM TSOGS PAR BYAS LA, DUS BZANG PO LA DGON PA 'AM NAGS 'DABS SU BDE BAR GSHEGS PA BSNYEN PAR BYA STE, SA PHYOGS DER MAndALA SNGON DU 'GRO BAS MCHOD PA BSHAGS LA, SGO DAG PA SNGON DU 'GRO BAS GSHIN RJE GSHED
POR BSKYED LA BGEGS THAMS CAD TSAR BCAD LA, SRUNG BA'I 'KHOR LO'I NANG DU SANGS RGYAS MI BSKYOD PA BYANG CHUB SEMS DPA' DANG BCAS PA SPYAN DRANG ZHING MNYES PAR BYAS LA, DE'I MDUN DU SDIG PA'I DRI MA BKRU BA LA SOGS PA DGE BA'I RTZA BA CHER BSKYED DO, ,DE NAS SDOM PA MA LUS PA BZUNG LA STOD ZHING BDAG MED PA LA MOS SHING KHANG PA YANG GZHAL ZHING BRJOD DU MED PA LAS YE SHES KYI PHRENG BA 'KHRUG PA LAS GRUB PA'I NANG DU GZHI HAm LAS DANG PO'I SANGS RGYAS MI BSKYOD PA LA 'JAM DPAL YE SHES SEMS DPA' SNYING GAR RDZOGS PA'I TSUL GYIS SBYOR BA DANG PO DANG RIGS MTHUN PA'I SEMS DPA' THAMS CAD DANG, AA LAS BYUNG BA'I SANGS RGYAS 'KHOR DU BLTAS TE, YE SHES KYI DKYIL 'KHOR DGUG PA RNAMS DKYIL 'KHOR RGYAL MCHOG CES BYA BA DANG, DE DANG MTHUN PA'I MTSAN BRJOD PA'I BYIN RLABS GYIS DE'I DKYIL 'KHOR DANG MTHUN PA'I SANGS RGYAS BYE BA DPAG TU MED PAS 'JIG RTEN GSUM PO KUN BKANG STE, RANG GI LAS LA SBYAR BAS LAS RGYAL MCHOG BSGOM PA NI BSNYEN PA ZHES BYA'O, ,DE LTAR LHA NYE BAR GYUR NAS DKYIL 'KHOR BRIS TE LHA DGOD PA NI DBUS SU BCOM LDAN 'DAS MI BSKYOD PA, DE LA RIGS DANG MTHUN PA'I SEMS DPA' BZHI NI RDO RJE SEMS DPA' LA SOGS PAS BSKOR BAR BKOD NAS, DE'I PHYI ROL DU SGEG MO LA SOGS PA BRGYAD DANG, KHYAMS SU YANG BYAMS PA DANG, MTHONG BA DON YOD DANG, NGAN SONG KUN 'DREN DANG, MYA NGAN DANG MUN NGAS PAR 'JOMS PA'I BLO GROS LA SOGS PA RNAMS BRI'O, ,SGO BZHIR NI SGO SRUNG GI TSUL DANG MTHUN PAR GZHAG GO, ,DE LTAR LEGS PAR BRIS LA MCHOD PA'I BYE BRAG GIS YANG DAG PAR MCHOD NAS SKAL PA DANG LDAN PA'I SLOB MA GZHUG CING DBANG YANG SBYIN PAR BYA'O, ,DE'I SLAR YANG DES PAR MCHOD NAS RIGS DE NYID KYI MTSAN NAS BRJOD PAS YANG DAG PAR BSTOD LA, DKYIL 'KHOR LA BSKOR BA BYAS NAS LHA RNAMS LA BZOD PAR GSOL TE DKYIL 'KHOR BSDU BAR BYA'O, ,MI BSKYOD RDO RJE'I DKYIL 'KHOR 'DIR, ,ZHE SDANG GNYEN POR GYUR NAS KYANG, ,'DI LA GNAS PA'I 'GRO BA RNAMS, ,MNGON DGA'I ZHING DU SKYE BAR SHOG ,MI BSKYOD PA DBUGS DBYUNG BA'I DKYIL 'KHOR GYI CHO GA ,SLOB DPON CHEN PO 'JAM DPAL BSHES GNYEN GYIS MDZAD PA RDZOGS SO, ,