, ,RGYA GAR SKAD DU, A'ARYA MANYDZU SHR'I N'A MA SANGG'I TI BI DHI MAndALA N'A MA, BOD SKAD DU, 'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR GYI CHO GA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,BAG CHAGS SKYON GYI DRI MA'I THA BA LA, ,SHES RAB BDUD RTZI'I CHAR PA 'BEBS MDZAD PA'I, , AA RA PA TZA NA LA GUS BTUD DE, ,BYANG SEMS RDO RJE'I DKYIL 'KHOR CHO GA BSHAD, DE LA 'DIR DUS GSUM CHA MNYAM PA BCOM LDAN 'DAS BYANG SEMS RDO RJE'I DKYIL 'KHOR BYED PAR 'DOD PAS, BLA MA GSANG SNGAGS LA MKHAS PA, THEG PA CHEN PO'I TSUL LA GNAS PAS, SLOB MA JI SKAD SMRAS PA DE BZHIN BYED PA MA SMIN PA SMIN PAR BYA BA'I PHYIR RI BO LA SOGS PA DGON PA'I GNAS SU MAndALA BYAS TE, STAN BDE BA LA 'DUG STE MCHOD PA BSHAMS NAS, BDAG NYID DRAG PO CHEN PO DRAG SHUL CHE BA BDUD LA SOGS PA 'JIGS PA CHEN PO YANG 'JIGS PAR BYED PAR BSAMS LA, RDZU 'PHRUL CHEN PO'I STOBS DANG LDAN PAS BGEGS THAMS CAD BSKRAD DE, SRID PA'I RI BO'I BGEGS THAMS CAD BCOM LA MKHREGS SHING RDO RJE CHEN PO'I RI BOS BSKOR TE, RDZU 'PHRUL CHEN PO'I LHA TSOGS SU SPRUL TE MCHOD PA CHEN PO PHUL LA BSAM GTAN CHEN PO'I TING NGE 'DZIN LA GNAS NAS, NAM MKHA'I KHAMS SU YI GE'I PHRENG BA SNANG BA CHEN POS GSAL BAR BYAS LA, ,MKHAS PA BYANG SEMS RDO RJE ZHES BYA BA'I SANGS RGYAS 'GRUB PAR BYA BA'I DANG PO'I SBYOR BA DANG, DE'I BYIN RLABS LAS DKYIL 'KHOR GYI LHA TSOGS SPRUL PA ZHES BYA BA'I DKYIL 'KHOR RGYAL MCHOG DANG, SGYU 'PHRUL CHEN PO'I LHA TSOGS
, ,KYI DON GRUB PAR BYA BA'I PHYIR LAS RGYAL MCHOG DANG DE RNAMS BSGOM PAR BYA'O, ,DE LTAR LHA NYE BAR GYUR NAS DKYIL 'KHOR BYAR RUNG BA'I SA'I CHO GA DANG, SLOB MA SNOD DANG LDAN PA LA SDOM PA PHOG LA DKYIL 'KHOR BRIS TE RGYAN RNAMS DGRAM STE, LHA DGOD PA NI DBUS SU BCOM LDAN 'DAS BYANG SEMS RDO RJE ZHAL GCIG PHYAG GNYIS PA, RDO RJE DANG DOL BU CAN, MDUN DU RDO RJE SEMS DPA', G-YAS SU RDO RJE RIN CHEN, NUB TU RDO RJE CHOS, BYANG DU RDO RJE LAS RNAMS BRI, SGEG MO LA SOGS PA BRGYAD DANG, ,KHYAMS RNAMS SU BSKAL BA BZANG PO'I BYANG CHUB SEMS DPA' RNAMS DANG, SGO RNAMS SU RDO RJE LCAGS KYU LA SOGS PA GZHAG GO, ,DKYIL 'KHOR DE LA MCHOD PA RNAMS KYIS YANG DAG PAR MCHOD LA SKAL BA DANG LDAN PA'I SLOB MA BCUG LA DE LA DBANG RNAMS BSKUR BAR BYA'O, ,RIGS KYI BU DE LAS YON GYI MCHOG BLANGS TE LHA DANG SLOB DPON LA MCHOD NAS DKYIL 'KHOR LA BZOD PAR GSOL NAS GSHEGS PAR BYA'O, ,DE'I RJES LA DKYIL 'KHOR BSDUS LA CI BDE BAR GNAS PAR BYA'O, ,BYANG SEMS RDO RJE'I DKYIL 'KHOR GYI, ,DGE BA GANG DES 'GRO BA KUN, ,SRID PA'I DGON PO LAS BRGAL NAS, ,RDO RJE SEMS DPA' THOB PAR SHOG ,BYANG SEMS RDO RJE DBUGS DBYUNG BA'I DKYIL 'KHOR GYI CHO GA ,SLOB DPON 'JAM DPAL BSHES GNYEN GYIS MDZAD PA RDZOGS SO,,
, ,RGYA GAR SKAD DU, A'ARYA MANYDZU SHR'I N'A MA SINGG'A TI MAndALA BI DHI N'A MA, BOD SKAD DU, 'PHAGS PA 'JAM DPAL GYI MTSAN YANG DAG PAR BRJOD PA'I DKYIL 'KHOR GYI CHO GA ZHES BYA BA, 'JAM DPAL GZHON NUR GYUR PA LA PHYAG 'TSAL PAS, ,GZHON NUR SKU SPRUL ME TOG THOD, ,SKU MDOG GSER CAN SHES RAB LHA, ,MI SHES RGYUN GCOD RAL GRI 'DZIN, ,SHES RAB YE SHES PHYAG 'TSAL TE, ,'JAM DPAL RANG BZHIN CHOS SKU NI, ,NAM MKHA' LTA BUR KHYAB PA LA, ,GDUL BYA'I DBANG GIS DKYIL 'KHOR DRUG ,BDE GSHEGS RIGS KYI DKYIL 'KHOR BSHAD, DE LA 'DIR SEMS CAN GTI MUG CAN 'DUL BA'I GNYEN POR BCOM LDAN 'DAS RNAM PAR SNANG MDZAD KYI DKYIL 'KHOR 'DI GSUNGS PA YIN TE, DE YANG GZA' SKAR BZANG PO
LA BSNYEN PA'I KHANG PA BKRA SHIS PAR 'JUG PAR BYA STE, DPAL LDAN 'BYOR PA PHUN SUM TSOGS PAR BYAS LA, SGRUB PA'I GNAS DE YANG BYI DOR LEGS PAR BYAS TE SPOS BZANG PO YANG PHYOGS BZHI RAB BTUL NAS MAndAL LA TSUL DANG MTHUN PA'I ME TOG BKOD DE MCHOD PA BKRAM NAS BDE BAR GSHEGS PA'I SKU GZUGS RNAMS KYANG BKRAM LA STON 'BOL BA'I STENG DU SEMS CAN LA PHAN PA'I BLOS 'DUG STE, MA RUNGS PA 'DUL BA'I RGYAL PO GSHIN RJE BSHED PO NI SKAD CIG GIS RDZOGS PAR BYAS LA, KHRO BO'I RGYAL PO GDONG DRUG PA PHYAG BCU GNYIS PA, 'KHOR LO DANG, RDO RJE DANG, RAL GRI DANG, MDA' DANG, DGRA STA DANG, LCAGS KYU RNAMS G-YAS PA'I PHYAG NA THOGS PA'O, ,THOD PA DANG, SDIGS MDZUB DANG, ZHAGS PA DANG, GZHU DANG, KHA tV'Am GA DANG, DBYUG TO RNAMS G-YON DU THOGS PA'O, ,SPYAN DMAR BA BCO BRGYAD SDANG MIG BGRAD PA, LJAGS DRUG GLOG LTAR 'GYUR BA'I ZHAL NAS H'Um H'Um SGROGS PA, ZHABS DRUG GIS 'GRO BA RIGS DRUG BRDZIS PA, CHAR SPRIN GYI MDOG LTA BUR BSAMS LA BGEGS THAMS CAD BSKRAD LA JI LTAR 'DOD PA'I SRUNG BA'I 'KHOR LO BYA'O, ,DE NAS BSOD NAMS DANG YE SHES KYI TSOGS PAR BYAS LA BDAG NYID RNAM PAR SNANG MDZAD DU GYUR PA NI DANG PO'I SBYOR BA'O, ,GZHI'I SANGS RGYAS AA LAS RNAM SNANG DKAR PO BYANG CHUB MCHOG GI PHYAG RGYA, DE'I THUGS KAR DANG PO'I SANGS RGYAS, DE'I THUGS KAR SHES RAB 'KHOR LO RTZIBS BCU GNYIS PA AAS MTSAN PA, DE'I STENG DU AA LAS BCOM LDAN 'DAS SHES RAB YE SHES DKAR PO G-YON 'KHOR LO G-YAS RAL GRI THUGS KAR AA LAS ZLA BA'I STENG NA AA, SANGS RGYAS DE'I THUGS KA NAS DKYIL 'KHOR GYI 'KHOR LO'I LHA RNAMS SPRO BAR BZHED PAS SNGAGS 'DI BRJID PAR BYA'O, ,AOm AA A'A SARBA TA TH'A GA TA HRi DA YA, HA RA HA RA, AOm H'Um HR'I: BHA GA W'AN DZNY'A NA M'URTTI, W'A G'I SHVA RA MA H'A P'A TZA SARBA DHARM'A GA NA AA MA LA SU PA RI SHUDDHA DHARMA DH'A TU DZNY'A NA GARBHA A'A: ZHES BRJOD PAS, DE 'PHROS SHING 'DUS PA LAS LHA RNAMS KYI GNAS SU YI GE AA SHA STAG TU GYUR RO, ,AA DE LAS RDZOGS PA'I SANGS RGYAS RNAMS BSKYED PA NI DKYIL 'KHOR RGYAL MCHOG GO, ,DE'I RJES LA MTSAN BRJOD
, ,CING BSTOD DE SPRUL PA'I SKU DPAG TU MED PAS GTI MUG GI GNAS SBYONG BA'I PHRIN LAS MDZAD PA NI LAS RGYAL MCHOG GO, ,DE LTA BU'I BSNYEN PA BYAS NAS DKYIL 'KHOR BRTZAM STE, LEGS PAR BRIS NAS LHA DGOD PA NI DBUS SU RNAM PAR SNANG MDZAD ZHAL GCIG PHYAG GNYIS PA, SHAR DU SEMS MA RDO RJE, LHO RU RIN CHEN SEMS MA, NUB TU PADMA SEMS MA, BYANG DU LAS KYI SEMS MA'O, ,GRU CHAD BZHI LA SGEG MO LA SOGS PA BZHI'O, ,KHYAMS KYI GRU BZHIR NI BDUG PA MA LA SOGS PA BZHI'O, ,DE NYID DU BSKAL BA BZANG PO'I BYANG CHUB SEMS DPA' YANG TSUL DANG MTHUN PAR DGOD DO, , SGO BZHIR NI SGO MA BZHI GZHAG GO, ,DE LTA BU'I DKYIL 'KHOR MDZES PA BRIS TE, SEMS CAN SKAL PA CAN DAG KYANG DER GZHUG PAR BYAS LA DBANG BSKUR BA THOB PA DANG SLOB DPON DANG DKYIL 'KHOR GYI LHA LA YANG CI 'BYOR PA'I YON PUL [*PHUL] LA SLOB DPON GYIS KYANG DBUGS DBYUNG BA DANG, GZENGS BSTOD DE LUNG BSTAN PAR BYA'O, ,BDE GSHEGS RIGS MCHOG DAM PA NI, ,GTI MUG RNAM PAR SNANG MDZAD DPAL, ,DKYIL 'KHOR CHO GA GSUNGS PA YIS, ,DGE BAS RDZOGS PA'I BYANG CHUB SHOG ,SLOB DPON 'JAM DPAL BSHES GNYEN GYIS MDZAD PA, RNAM PAR SNANG MDZAD DBUGS DBYUNG BA'I DKYIL 'KHOR GYI CHO GA RDZOGS SO,,
, ,RGYA GAR SKAD DU, A'ARYA MANYDZU SHR'I N'A MA S'A DHA NA, BOD SKAD DU, 'PHAGS PA 'JAM DPAL ZHES BYA BA'I SGRUB PA'I THABS, 'JAM PA'I MGON LA PHYAG 'TSAL LO, ,THAMS CAD MKHYEN CING THUGS SU CHUD, ,SMRA BA'I SKYES MCHOG SMRA BA'I RGYAL, ,SMRA BA'I SENG GE TSUGS PA MED, ,RNAM KUN MKHYEN LA PHYAG 'TSAL LO, ,SPYOD DANG LDAN PA
, ,SHES PA PO, ,'JAM PA'I MGON LA DGA' BA DANG, ,DE YI DON DU SGRUB PA'I THABS, ,MDO RU BSDUS TE BSHAD PAR BYA, ,RNAM PAR SMIN PA'I LUS DAG LA, ,LHA YI NGA RGYAL DRAN BYAS TE, ,MDUN DU 'JAM MGON BSAMS NAS SU, ,PHYAG 'TSAL BA DANG MCHOD PA DANG, BSHAGS DANG RJES SU YI RANG BA, ,BSNGO DANG SKYABS SU 'GRO BA DANG, ,SEMS BSKYED DE NI YID KYIS BYA, ,AOm SVA BH'A BA SHUDDHA: SARBA DHARMM'A: SVA BH'A BA SHUDDHONYHAm ,BRJOD PAS CHOS KUN DMIGS MED PAR, ,STONG PA NYID DU BSGOM PAR BYA, ,SEMS NYID AA RU GYUR NAS SU, ,ZLA DKYIL DH'I: RU BSGOM PAR BYA, DE LAS 'PHRO 'DUS MTSAN MAR GYUR, ,MTSAN MA 'JAM DPAL GZHON NU'I SKU, ,SKU GSER ME TOG ZUR PHUD CAN, ,SHES RAB RAL GRI PO TIS MTSAN, ,ZHI BA'I TSUL 'CHANG GZHON NU BSGOM, ,LCAGS KYU'I PHYAG RGYA BCINGS NAS SU, ,AE HYE HI MANYDZU SHR'I KU M'A RA, A'A KARshA A'A BE SHA YA AA AA, SPYAN DRANG MDUN DU BSAM PAR BYA, ,DE NAS MCHOD PA DBUL BYAS TE, ,MANYDZU SHR'I GANDHE P'U DZA SV'A H'A, AOm MANYDZU SHR'I shPE P'U DZA SV'A H'A, ,AOm MANYDZU SHR'I PE P'U DZA SV'A H'A, ,AOm MANYDZU SHR'I A'A LO KE P'U DZA SV'A H'A, AOm MANYADZU SHR'I NEE BI DYE P'U DZA SV'A H'A, AOm MANYDZU SHR'I GANDDHE SV'A H'A, ,DE NAS BSTOD PA'I TSIG 'DI BRJOD, ,SHES RAB CHEN PO SKAD CIG GIS, ,CHOS KUN KHONG DU CHUD PAR MKHYEN, ,MI SHES G-YUL NGO THAMS CAD SEL, ,SEMS CAN KUN LA BYAMS THUGS LDAN, ,'JAM MGON BYAMS THUGS LDAN LA 'DUD, ,MI SHES G-YUL SEL RAL GRI DANG, ,SHES RAB PO TI THUGS RTAGS CAN, ,CHOS RNAMS THAMS CAD STON PA PO, , SKYE MCHED DBYINGS STON ZUG RNGU SPANGS, ,'JAM MGON CHOS SKU NYID LA BSTOD, ,YANG NA 'DOD YON LNGA SOGS KYIS, ,MNGON PAR MCHOD NAS BSTOD PA BYA, ,YANG NA MTSAN NYID BSTOD PAR BYA, ,YON TAN MTSAN GYIS BSTOD CE'O, ,DE NAS LUS LAS BSDUS BYAS NAS, BZLAS PA DAG NI BYA BAR BSHAD GNYIS SU MED PA'I THUGS KA RU, ,RANG 'DRA'I YE SHES SEMS DPA' BSAMS, ,DE YI SNYING DU TING 'DZIN SEMS, ,NYI MA'I MAndALA STENG DU NI, ,RAL GRI DH'I: YIS MTSAN PAR BSAM, DE LA BZLAS PA'I SNGAGS KYIS BSKOR, ,AOm BADZRA T'I KAshnA DU: KHATZTSE DA, PRADZNY'A DZNY'A M'U RTTA YE, DZNY'A NA K'A YA W'A G'I
SHVA RA AA RA PA TZA N'A YA TE NA MA: SV'A H'A, MI SKYO'I SEMS KYIS BZLAS PAR BYA, ,SKYO BA DAG NI BYUNG BA NA, 'DZIN PA MED PA BSGOM PAR BYA, ,THUN BZHI DAG TU NYAMS SU BLANG, ,YANG NA NYIN MTSAN RE RE'O, ,THA MAR GSHEGS SU GSOL BA BYA, ,RANG NYID LHA YI NGA RGYAL GNAS, ,'JAM MGON SGRUB THABS LEGS SBYAR BAS, ,BDAG GIS DGE BA GANG BSAGS PA, ,DES NI KHAMS GSUM SEMS CAN KUN, ,'JAM MGON GO 'PHANG THOB PAR SHOG ,SLOB DPON 'JAM DPAL BSHES GNYEN GYIS MDZAD PA RDZOGS SO,,