, ,RGYA GAR SKAD DU, ,BADZRA Y'A NA PATTI MANYDZA RI N'A MA, BOD SKAD DU, RDO RJE THEG PA'I LTUNG BA'I SNYE MA ZHES BYA BA, BCOM LDAN 'DAS DPAL RDO RJE SEMS DPA' LA PHYAG 'TSAL LO, ,RDO RJE SEMS DPA'I SNGOM PA 'DZIN BA LA LTUNG BA'I SDE TSAN RNAM PA GNYIS TE, RTZA BA'I LTUNG BA BSHAD PA DANG, SBOM PO'I LTUNG BA BSHAD PA'O, ,DE LA BLA MA LA GUS PA DANG, BDE BAR GSHEGS PA'I BKA' LAS 'DAS PA DANG, ZHE SDANG GIS RDO RJE SBUN LA SKYON 'BRU BA DANG, BYAMS PA GTONG BA DANG, BYANG CHUB KYI SEMS GTONG BA DANG, THEG PA GSUM LA
, ,SMOD PA DANG, YONGS SU MA SMIN PA LA GSANG BA SGROGS PA DANG, DE BZHIN GSHEGS PA'I BDAG NYID PHUNG PO LNGA LA SMOD PA DANG, CHOS THAMS CAD RANG BZHIN MED PAR RNAM PAR DAG PA LA THE TSOM ZAB DANG, GDUG PA LA BYAMS PA DANG LDAN PA DANG, THOG MA DANG, THA MA DANG, DBUS KYI CHOS THAMS CAD STONG PA LA THOG MA DANG THAM DANG DBUS SU RTOG PA DANG, DAD LDAN GYI SEMS SUN 'BYIN PA DANG, JI LTAR RNYED PA'I DAM TSIG MI BSTEN PA DANG, BUD MED LA SMOD PA STE RTZA BA'I LTUNG BA BCU BZHI'O, ,DE LA STOBS KYIS RNAL 'BYOR MA LEN PA DANG STOBS KYIS DE'I BYANG CHUB KYI SEMS LEN PA DANG, GSANG BA MI SPOD PA DANG, DAM TSIG LA RTZOD PA DANG, DAD PA DANG LDAN PA LA PHYIN CI LOG GI CHOS STON PA DANG, NYAN THOS KYI THEG PA DANG LHAN CIG ZHAG BDUN DU GNAS PA DANG, RNAL 'BYOR MI SHES PAR RNAL 'BYOR PAR MNGON PA'I NGA RGYAL BYED PA DANG, MI DAD PA LA CHOS STON PA STE SBOM PO'I LTUNG BA BRGYAD DO, ,RDO RJE SEMS DPA'I BSLAB PA LA GNAS PAS RNAM PA THAMS CAD DU YONGS SU SPANG BAR BYA'O, ,RDO RJE THEG PA'I LTUNG BA'I SNYE MA ZHES BYA BA MKHAS PA CHEN PO AA BHY'A KA RA GUPTAS MDZAD PA RDZOGS SO; ,MA GA DH'A'I MKHAS PA CHEN PO DE NYID DANG, MANG DU THOS PA'I DGE SLONG BSOD SNYOMS PA SANGS RGYAS GRAGS PAS N'A LENDRAR BSGYUR CING ZHUS TE GTAN LA PHAB PA'O,,